3/28/2024
Today from Hiiraan Online:  _
Wararka Maanta- Sabti, Jan 26, 2013
Idaacad Cusub oo laga furay Magaalada Kismaayo

Sabti, Jannaayo 26, 2013 (HOL) —Munaasabadda furitaanka idaacaddan cusub ayaa maanta ka dhacday xaruntii hore ee Gobolka ee loo yaqaan (K2) iyadoona ay kasoo qeybgaleen madax katirsan dowladda federaalka Soomaaliya iyo masuuliyiin ka socotay maamulka KMG magaalada Kismaayo.

Idaacaddan cusub oo loogu magacdaray Radio Kismaayo ayaa maanta si tijaabo ah hawada u soo gashay iyadoona laga dhageysan doono mowjadda FM-ka.

Idaacadan oo masuuliyiintii goobta ka hadashay ay sheegeen in ay noqon doonto mid dhexdhexaad ah islamarkaasina u adeegta shacabka ku dhaqan gobollada Jubooyinka ayaa waxaa soo dhiibtay wasaaradda warfaafinta dowladda federaalka Soomaaliya.

Axmed Xaaji Cabdi oo xubin ka ah wasaaradda warfaafinta oo hadal ka jeediyay xafladii furitaanka ayaa sheegay in idaacadda cusub ee maanta laga hirgeliyay magaalada Kismaayo ay noqon doonto mid aan cid gaar ah u shaqeyn islamarkaasina dhexdhexaad ah, wuxuuna xusay in ay ka qeyb qaadan doonto nabadda iyo isdhexgalka bulshada ku dhaqan Jubooyinka.

Gudomiye k/xigeenka maamulka KMG Yaasiin Nuur Gaas (Raadeer) iyo afhayeenka ururka Raaskaambooni C/naasir Seeraar oo iyaguna hadallo ka jeediyay munaasabadda ayaa si diiran usoo dhaweeyay idaacadda cusub, waxayna ku tilmaameen in ay tahay tallaabo hore loo qaaday.

Sidoo kale munaasabadda furitaanka idaacadda waxa hadallo ka jeediyay aqoonyahanno, odoyaal dhaqameed iyo qaar katirsan ururrada bulshada, kuwaasoo dhamaantoodba muujiyay sida ay ugu faraxsanyihiin idaacadda cusub ee laga hirgeliyay gobolka.

Tan iyo wixii ka danbeeyay sanadii 2008 oo ahayd markii ay xoogagga Al-shabaab ilbaababada isugu dhufteen idaacaddii Horn Afrik xarunteeda kismaayo, gobolka Jubada hoose kama jirin wax idaacad ah marka laga reebo idaacaddii ku hadli jirtay afka xarakada Al-shabaab ee Radio Al-andalus taasoo iyana hawada ka baxday dabayaaqadii bishii September ee sanadii tagtay, kadib markii xoogagga Al-shabaab ay isaga baxeen magaalada Kismaayo.

Xasan Nuur, Hiiraan Online
[email protected]
Muqdisho, Soomaaliya













Click here
1/26/2013 12:29 PM EST
Sabti, Jannaayo 26, 2013 (HOL) —Wasiiradda wasaaradda horumarinta adeegga bulshada, Maryan Qaasim ayaa sheetay in xukuumadda Soomaaliya ay xabsiga dhigtay saddex sarkaal lala xiriiriyay arrimo ku saabsan musuqmaasuq lagu sameeyay deeqo waxbarasho oo Soomaaliya ay ka heshay dalka Turkiga.

1/26/2013 12:05 PM EST
Sabti, Jannaayo 26, 2013 (HOL) — Booliiska Midowga Afrika ee AMISOM ayaa tababar u soo gabgabeeyay saraakii ka tirsan booliiska Soomaaliya tababarkii saddexaad oo ku saabsan baarista dambiyada, iyadoo saaakiishan lagu guddoonsiiyay shahaadooyin dugsiga tababarka booliiska ee Jen. Kaahiye.

1/26/2013 8:12 AM EST
Sabti, January 26, 2013(HOL): Waxaa mar kale ka dhacay garoonka kubbadda cagta Cawaale ee magaalada Gaalkacyo munaasabad ballaaran oo ay isku arkayeen boqoolal dhalinyaro ah kuwaasi oo u kala ciyaara kooxaha da' yarta ah ee Koonfurta iyo Waqoyinga Gaalkacyo iyadoona dhawaan tartamo kala gadisan oo dhanka cayaaraha ah ay u furmi doonan.

1/26/2013 7:30 AM EST
Sabti, Jannaayo 26, 2013 (HOL) —Xukuumadda Soomaaliya ayaa sheegtay inay wax ka qabanayso hoos u dhaca ku yimid shillinka Soomaalga iyo sirir bararka raashinka, iyadoo wasiirka maaliyadda uu sheegay inay qaadi doonnaan tallaabo ay wax uga qabanayaan arrinaas.

1/26/2013 4:55 AM EST
Sabti, Jannaayo 26, 2013 (HOL) —Ciidamada dowladda Soomaaliya ayaa saaka waabarigii howlgallo ballaaran ka bilaabay qaar katirsan degmooyinka gobolka Banaadir, iyadoona ay ciidamadu howlgalladaasi kusoo qabqabteen dad badan oo looga shakisanyahay in ay xiriir la leeyihiin Dhaq-dhaqaaqa Al-shabaab.

1/26/2013 4:21 AM EST
Sabti, Jannaayo 26, 2013 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, Danijre Augustine Mahiga oo ku sugan magaalada Addis Ababa ayaa beesha caalamka ka dalbaday in dhaqaale ay ku bixiyaan dhismaha ciidamada Soomaaliya si ay awood ugu yeeshaan inay la wareegaan ammaanka guud ee dalka.

1/26/2013 4:02 AM EST
Sabti, Jannaayo 26, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta oo Sabti ka dhoofay Muqdisho, iyagoo kusii jeeda dalka Itoobiya, halkaasoo ay uga qaybgalayaan shir-sannadeedka Midowga Afrika.