3/29/2024
Today from Hiiraan Online:  _
Wararka Maanta- Khamiis, Aug 22, 2013
Kenya oo shaacisay in dowladda Belgium ay gacan ka siinayso dib u celinta Qoxootiga Soomaaliyeed ee dalkeeda ku nool

Khamiis, August 22, 2013 (HOL) — Dowladda Kenya ayaa sheegtay in dalka Belgium uu gacan ka siinayo sidii qoxootiga Soomaalida ee dalkeeda ku nool dib loogu celin lahaa dalkooda Soomaaliya.

Madaxweyne ku xigeenka dalka Kenya ayaa sheegay in dalkiisa ay ka go’an tahay inuu qoxootiga Soomaalida dib ugu celiyo dakooda Soomaaliya sida ugu dhaqsiyaha badan ee suurogalka ah.

“Shirka Soomaaliya loogu qabanayo dalka Belgium waxaa lagu soo qaadi doonaa qodobbada kasoo baxa shirka looga hadlayo dib u celinta qoxootiga Soomaalida ee Kenya ka dhacaya 28-ka iyo 29-ka bishan Ogoosto,” ayuu yiri William Ruto.

Ruto wuxuu hoosta ka xariiqay in dalkiisu uu ka qaybqaadanayo sidii nabad loogu soo celin  lahaa Soomaaliya. Isagoo xusay in ciidamadooda Somalia ku sugan ay halkaas u joogaan sidii ay howlaha nabadeynta ay uga qaybqaadan lahaayeen.

“Xukuumad ahaan waxaan doonaynaa in saaxiibbadeen ay nagala qayb-qaataan sidii ay ku suurogeli lahayd in qoxootiga Soomaalida dalkooda dib loogu celiyo. Waxaan rumeysannahay in qoxootiga 600,000 ee xeryaha dalkeenna ku jira ay culeys weyn nagu yihiin,” ayuu hadalkiisa raaciyay.

Dhanka kale, wuxuu sheegay in shirarkaas looga hadli doono sidii loogu bixin lahaa dadaallo in nabad ku soo dabbaalidda dalalka haroooyinka waaweyn ee Qaaradda Afrika, gaar ahaan Jamhuuriyadda Dimuqraaddiga Congo iyo dalka Koonfurta Suudaan.

Kenya ayaa waxaa muddo sannado ah dadaallo ugu jirtay sidii qoxootiga Soomaalida ah ee dalkeeda ku noolaa 20-kii sano ee lasoo dhaafay dib loogu celin lahaa Soomaaliya.

Madaxweynayaasha dalalka Soomaaliya iyo Kenya ayaa horay ugu heshiiyay in la qabto shirweyne looga hadlayo sidii qoxootiga Soomaalida ah ee dalka Kenya ku nool dib loogu celin lahaa dalkooda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/22/2013 12:44 PM EST
Khamiis, August 22, 2013 (HOL) — Ururka kubadda cagta ee adduunka FIFA ayaa ku tababaray Muqdisho garsoorayaal iyo ciyaartoy Soomaaliyeed oo ay tiradoodu ahayd 330, waxaana tababarkan uu noqnoayaa kii ugu horreeyay muddo 20-sano ka badan oo FIFA ay xubno Isboorti ku siiso Muqdisho.

8/22/2013 10:39 AM EST
Khamiis, August 22, 2013 (HOL) — Waxaa maanta si rasmi ah magaalada Baladweyne loogu soo gabagabeeyay {Shirweynihii wadatashiga dhaqanka beesha Xawaadle ee Samadoon} oo maalintii Talaada aynu soo dhaafnay si rasmi ah uga furmay magaalada Baladweyne.

8/22/2013 10:18 AM EST
Khamiis, August 22, 2013 (HOL) — Golaha wasiiradda Soomaaliya oo kulan ku yeeshay maanta Muqdisho ayaa waxay hadleen qodobbo dhowr ah oo la xariira amniga, falkii shalay lagu dhaawacay haweeney dalka Sweden u dhalatay iyo codsi ay u jeediyeen golaha ammaanka ee Qaramada midoobay oo la xariira in xorriyadiisa dhaqdhaqaaq loosoo celiyo ganacsade Axmed Nuur Cali Jimcaale.

8/22/2013 8:42 AM EST
Khamiis, August 22, 2013 (HOL) — Madaxweynaha Somaliland, Axmed Maxamed Maxamuud (Silaanyo) ayaa maanta xafiiskiisa ku qaabiley guddiga akadeemiga daryeelka Afka Soomaaliga oo dhawaan booqasho ku yimid magaalada Hargeysa.

8/22/2013 8:16 AM EST
Khamiis, August 22, 2013 (HOL) — Madaxweynaha Somalia, Xasan Sheekh Maxamud ayaa maanta xariga ka jaray iskuul laga furay deegaanka Jazeera ee duleedka Muqdisho oo wax lagu bari doono carruur Soomaaliyeed, kaasoo dhismihiisa uu hirgeliyay ururka Midowga Afrika.

8/22/2013 7:31 AM EST
Khamiis, August 22, 2013 (HOL) — Dood-cilmiyeed ay soo qaban-qaabisay hay'adda wada-hadalka bulshada ayna ka qaybgaleen ururka haweenka Qaranka Soomaaliyeed, kan haweenka gobolka banaadir iyo qaar ka mid ah guddoomiyeyaasha degmooyinka gobolka Banaadir ayaa maanta lagu qabtay magaalada Muqdisho.

8/22/2013 7:06 AM EST
Khamiis, August 22, 2013 (HOL) — Madaxweynihii hore ee dalka Masar, Maxamed Xusni Mubaarak ayaa lagu xukumay xabsi guri, kaddib markii laga sii daayay maanta xabsigii ku jiray, sida lagu shaaciyay warsaxaafadeed ka soo baxay xafiiska ra’iisul wasaaraha Masar.

8/22/2013 6:36 AM EST
Khamiis, August 22, 2013 (HOL) — Ururka Midowga Afrika ayaa Arbacadii shalay tababar socon doonta saddex maalmood oo ku saabsan dhowrista xuquuqda aadanaha u furay 32 sarkaal oo ka tirsan ciidamada Soomaaliya.

8/22/2013 6:07 AM EST
Khamiis, August 22, 2013 (HOL) — Laba Beelood oo isku deegaan ah, ayaa shalay dagaal ku dhexmaray deegaanka Gawse weyne ee degmadda Oog ee gobolka Saraar.

8/22/2013 5:52 AM EST
Khamiis, August 22, 2013 (HOL) — Munaasabad lagu dhaarinayo madaxweynaha dalka Zimbabwe Robert Mugabe - oo markii todobaad ku guuleystey madaxtinimada dalkaas - ayaa maanta ka dhaceysa caasimadda Zimbabwe ee Harare.

8/22/2013 3:00 AM EST
Khamiis, August 22, 2013 (HOL) —Golaha ammaanka ee Qaramada Midoobey oo isugu yimid kulan aan caadi ahayn, ayaa ku baaqay in baaritaan madax bannaan oo deg deg ah lagu sameeyo duqeyn loo adeegsadey gantaalaha xambaara kiimikada sunta ah, oo shalay ka dhacday deegaanka Qowdah oo ku yaalla duleedka caasimadda Suuriya ee Dimishiq.

8/22/2013 1:49 AM EST
Khamiis, August 22, 2013 (HOL) — Iskahorimaad khasaare dhaliyay ayaa ka dhacay deegaan ku dhow xadka Soomaaliya iyo Kenya kuna yaalla gudaha Kenya, iyadoo aan la ogeyn khasaaraha dhimasho iyo midka dhaawac inta uu le’eg yahay.

8/22/2013 1:39 AM EST
Khamiis, August 22, 2013 (HOL) — Mas’uulka bisha cas ee dalka Turkiga u jooga Soomaaliya oo horkacaya kolanyo gaadiid ah oo ay saaran yihiin raashin ayaa soo gaaray magaalada Laascaanood xarunta gobolka Sool.

8/22/2013 1:33 AM EST
Khamiis, August 22, 2013 (HOL) — Saddex xiddigle ka tirsanaa booliiska Soomaaliya iyo ruuxii dilay oo Al-shabaab ayaa shalay lagu dilay magaalada Muqdisho, waxaana ruuxa ay ciidamadu toogteen ee sarkaalka dilay la dul-dhigay digniin ah inaan maydkiisa la qaadi karin.