3/28/2024
Today from Hiiraan Online:  _
Wararka Maanta- Khamiis, Apr 25, 2013
Madaxweyne xigeenka Somaliland oo tacsi u diray Fannaanka Weyn Cismaan Gacanlow oo Maanta ku Geeriyooday Magaalada Burco

Khamiis, Abriil 25, 2013 (HOL) — Madaxweyne ku xigeenka Somaliland Md: Cabdiraxmaan Cabdilaahi Ismaaciil Saylici, ayaa maanta tacsi u diray alla ha u naxariistee fanaankii weynaa ee Cismaan Maxamed Cabdikariim (Cismaan Gacanlow) oo maanta lagu aasay magaaladda Burco ee gobolka Togdheer.

Madaxweyne ku-xigeenka Mudane, Cabdiraxmaan Cabdilaahi Ismaaciil (Saylici), ayaa tacsi u diray Bahda Fanka iyo Suugaanta guud ahaan meel ay jooganba isaga oo ka tacsiyadaynaaya geerida ku timid, ALLE ha u naxariistee MARXUUM, CISMAAN MAXAMED CABDIKARIIM (CISMAAN GACANLAW) oo ka mid ah abwaanaddii waaweynaa ee Fanka soomaalidda kor u qaaday.

Sidoo kale Madaxweyne ku xigeenku waxa uu tacsi taasi la mida u dirayaa, Ehelkii, Qaraabadii, Asxaabtii, iyo Dhamaan Shacbiga Somaliland, ee uu ka baxay marxuumku.

Madaxweyne ku-xigeenku waxa uu Marxuumka ku tilmaamay Abwaan weyn oo taariikh ku leh Fanka iyo suugaanta Soomaalida kana mid ahaa dadkii fara ku tiriska ahaa ee Salka u dhigay fanka iyo suugaanta.

Madaxwayne ku-xigeenku ahna ku simaha madaxweynaha waxa uu ILLAAHAY uga baryayaa Marxuumka inuu naxariistii Janno ka waraabiyo, Bahda Fanka iyo suugaanta, Qoyskii, Eheladii, Qaraabadii, Asxaabtii iyo Dhamaan Shacbiga Somaliland ee uu ka baxayna Samir iyo Imaan ka siiyo.

Alla ha u naxariisto abwaanka waxa uu lahaa Heeso badan oo dhaxalgal noqday, isla markaana ilaa hadda aan maskaxda iyo quluubta dadka aan ka bixin.

Sidoo kale madaxweyne ku xigeenku waxa uu tacsi u diray sideedii qof ee shalay ku geeriyooday shilka baabuur ee ka dhacay duleedka Arabsiyo, waxaanu ilaahay u baryey inay janadii fardawsa ka waraabiyo, ehelkoodiina samir iyo iimaan ka siiyo, waxa kale oo uu ilaahay u baryey inuu caafimaadiyo intii ku dhaawacmay, isagoo shilkaasi ku tilmaamay mid naxdin weyn ku leh guud ahaan bulshadda Somaliland .

Barkhad-Ladiif  M. Cumar, Hiiraan Online 
[email protected] 
Hargeysa, Somaliland













Click here
4/25/2013 9:56 AM EST
Khamiis, Abriil 25, 2013 (HOL) — Wasiirka wasaaradda maaliyadda iyo qorshaynta dowladda Soomaaliya, Maxamuud Xasan Sulaymaan iyo wafti uu hoggaaminayo ayaa saaka dalka dib ugu soo laabtay kaddib markii uu kasoo qayb-galeen shirkii hay’adda lacagta adduunka ee IMF-ta oo Washington lagu qabtay.

4/25/2013 9:46 AM EST
Khamiis, Abriil 25, 2013 (HOL) — Magaalada Baydhabo waxaa lagu lagu dilay ganacsate la yiraahdo Xasan Suuley kaasoo si weyn looga yaqaanay gobolka Bay. Ganacsadahan ayaa la sheegay inuu dilay nin la yiraahdo Maxamed Bush-Bush oo ka tirsanaa kooxda Al-shabaab, isagana waxaa qabtay ciidamada booliiska iyagoo ku dilay isla goobta uu dilka ku geystay.

4/25/2013 9:28 AM EST
Khamiis, Abriil 25, 2013 (HOL) — Guddoomiyaha wargeyska madaxa banaan ee Hubaal, ayaa sheegay in laba nin oo baastoolado ku hubaysani xalay soo weerareen wargeyskoodda, isla markaana dhibaatooyin soo gaadhsiiyey gudoomiyaha wargeyska.

4/25/2013 9:02 AM EST
Khamiis, Abriil 25, 2013 (HOL) — Xukuumadda Itoobiya ayaa ka laabatay go’aan ay ku sheegtay inay kula baxayso ciidamadeeda ku sugan Somalia, waxaana Itoobiya ay sheegtay inay ciidamadeedu kusii sugnaanayaan Soomaaliya muddo aanay cayimin.

4/25/2013 8:24 AM EST
Khamiis, Abriil 25, 2013 (HOL) — Beesha Shan-bare oo ka mid ah beelaha gobollada Jubbooyinka ayaa si aad ah uga soo horjeestay shirka Kismaayo ka socda ee lagu sameynayo maamulka Jubaland, iyagoo ku taliyay inay dowladdu faragelin ku sameyso shirkaas oo ay sheegeen inay wataan dad gaar ah.

4/25/2013 7:59 AM EST
Khamiis, Abriil 25, 2013 (HOL) — Guddoomiyaha Xisbiga UCID Eng:Faysal Cali Waraabe ayaa dawladda Soomaaliya ku taageeray go’aankay ka istaagtay maamul u samaysta jubooyinka, isla markaana beelaha wada dega jubooyinka usoo jeediyey inay iska ilaaliyaan wixii khalkhal ku keenaya maadaama oo jubooyinku tahay meel la wadda dego.

4/25/2013 7:46 AM EST
Khamiis, Abriil 25, 2013 (HOL) — Xiisado ayaa ka taagan maanta magaalada Kismaayo ee xarunta gobolka Jubbada Hoose, kaddib markii uu halkaas xalay gaaray Col. Barre Aadan Shire (Hiiraale) oo ahaan jiray guddoomiyihii maamulkii dooxada Jubba oo halkaas horay uga talin jiray.

4/25/2013 7:45 AM EST
Khamiis, Abriil 25, 2013 (HOL) — Ra’iisal wasaaraha Soomaaliya, Cabdi Faarax Shirdoon “Saacid” ayaa maanta magaalda Muqdisho ku qaabilay xoghayaha arrimaha dibadda ee Britain, William Hague iyagoo kawada hadlay horumarka cusub ee Soomaaliya iyo doorka muhiimka ah ee dawladda UK ku leedahay arrimaha Soomaaliya.

4/25/2013 7:37 AM EST
Khamiis, Abriil 25, 2013 (HOL) — Saraakiisha ciidamada nabad-galyada maamulka gobollka Hiiraan ayaa sheegay in ay ka hortageen ama fashiliyeen qorshayaal dhowr ah oo sida ay sheegeen Al-shabaab ay ku doonayeen in ay qaraxyo uga fuliyaan gudaha magaalada Baladewyne.