8/13/2022
Today from Hiiraan Online:  _
Wararka Maanta- Talaado, Sept 11, 2012
SHARIIF SHEEKH AXMED: "Natiijada doorashada waa mid aan ku qanacsanahay waana la shaqeyn doonaan xukuumadda Soomaaliya"
Talaado, September 11, 2012 (HOL) — Madaxweynihii hore ee Soomaaliya, Shariif Sheekh Axmed ayaa sheegay inuu aqbalay natiijadii doorashada madaxweynenimo ee Soomaaliya, taasoo looga guuleystay, wuxuuna xusay inuu la shaqeyn doono dowladda cusub ee la dhisayo.

Shariif Sheekh oo muddo saddex sano iyo bar ah madax ka ahaa dowladdii KMG ahayd ee Soomaaliya ayaa looga adkaaday wareeggii ugu dambeeyay ee doorashada madaxweynimo, isagoo ka mid ahaa 21 murashax oo xilka looga guuleystay.

"Natiijadii doorashada waan aqbalay, waxaana horay dhowr jeer u sheegay inaan aqbali doono natiijo walba oo doorashada kasoo baxda, wayna iga go'an tahay inaan la shaqeeyo dowladda la dhisayo," ayuu yiri Shariif Sheekh.

Madaxweynihii hore wuxuu sheegay inuu aad ugu faraxsan yahay in dowladdii uu hoggaaminayay ay dalka soo gaarsiiso heer la is-dooran karo, wuxuuna sheegay in wax walba oo talo ah oo la iiga baahdo uu dhiibi doono, balse uusan noqon doonin mid dowladda sanka ka ka geliya taladiisa.

"Waxaan u hambalyeynayaa madaxweynaha cusub ee Soomaaliya Xasan Sheekh Maxamuud," ayuu yiri Shariif Sheekh oo sheegay in wixii maanta ka dambeeya uu ku wareejin doono xilka dalka madaxweynaha la doortay.

Xasan Sheekh ayaa wuxuu noqonayaa madaxweynihii saddexaad oo si xor ah loogu doorto Muqdisho tan iyo markii ay xorowday Soomaaliya, waxaana madaxweynayaashii ka horreeyay: Aadan Cabdulle Cismaan iyo C/rashiid Cali Sharma'arke oo labadaba geeriyooda lagu doortay gudaha dalka iyadoo ay doorteen baarlamaannadii Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/11/2012 5:39 PM EST
Talaado, September , 11, 2012 (HOL)-Madaxweynaha Somaliland Md: Axmed Maxamed Maxamuud Siillaanyo, ayaa u hambalyeeyey madaxweynaha cusub ee Soomaaliya Md: Xasan Sheekh Maxamuud, waxaanu sidoo kale hambalyo klae u diray madaxweynihii tartanka lagaga guulaystay ee Sheekh Shariif Sh. Axmed oo Aqlabay natiijaddii doorashadda ka soo baxday.

9/11/2012 5:38 PM EST
Talaado, September 11, 2012(HOL): Shacabka ku dhaqan xaafadda ay Soomaalidu ku badantahay ee Eastleigh ayaa si diiran usoo dhaweeyay madaxweeynaha cusub ee Jamhuuriyadda Federaalka Soomaaliya Mudane Xasan Sheekh Max'uud.

9/11/2012 5:36 PM EST
Talaado, September , 11, 2012 (HOL)-Dadweynaha Somaliland oo maalmihii u dambeeyey hadal hayey doorashaddii ka dhacaysay magaaladda Muqdisho ayaa mucjiso ku tilmaamay madaxweynaha cusub ee ka soo dhexbaxay musharaxiintii badnaa, iyago intooda badani u saadaalinayey musharaxiin kale inay u dhow yihiin inay tartanka ku guulaystaan.

9/11/2012 9:34 AM EST
Talaado, September, 11, 2012 (HOL)- Jaamacadda Geeska (International Horn University) ( IHU), ayaa waxa ka qalinjabiyey dufcadii 3aad oo kuuliyaddo kala duwan ka baxay, waxaana kuuliyadaha kala duwan ugu muhiimsanaa kuuliyadda quraanka kariimka ah oo markii ugu horaysay 49 arday ka qalinjabiyeen oo ka mid ah 130 ka arday ee jaamacadda ka baxay.

9/11/2012 7:09 AM EST
Talaado, September 11, 2012 (HOL) — Dibadbax lagu taageerayo madaxweynaha cusub ee jamhuuriyadda federaalka Soomaaliya ayaa maanta ka dhacay degmada Balcad ee gobolka Shabeellada dhexe, iyadoo ay halkaas isugu soo baxeen kumannaan qof.

9/11/2012 7:06 AM EST
Talaado, September 11, 2012 (HOL) — Dagaal culus oo u dhexeeya ciidamada dowladda KMG, kuwa Raaskaambooni iyo Militariga Kenya oo isgarabsanaya iyo Xarakada Al-shabaab ayaa goordhow ka qarxay deegaan lagu magacaabo harboole oo hoostaga Degmada Afmadow ee gobolka jubada hoose.

9/11/2012 7:03 AM EST
Talaado, September 11, 2012 (HOL) — Laga soo bilaabo subaxnimadii hore ee maalintii shalay ilaa laga soo gaaro fiidnimadii xalay dadka ku dhaqan magaalada Baladweyne ee xarunta gobollka Hiiraan waxaa ay siweyn ugu mashquulsanaayeen la socoshada doorashadii ka dhacday magaalada Muqdisho, iyaga oo si toos ah ugala socday qalabka warbaahinta sida TV-da iyo Idaacadaha oo si toos ah u soo gudbinayay.

9/11/2012 4:07 AM EST
Talaado, September 11, 2012 (HOL) — Qaramada Midoobay, Marekanka iyo Midowga Afrika ayaa si isku mid ah u soo dhaweeyay doorashada madaxweynaha cusub ee Soomaaliya, Xasan Sheekh Maxamuud iyagoo ku tilmaamay doorashadiisa tallaabo horay loo qaaday.