8/8/2022
Today from Hiiraan Online:  _
Wararka Maanta- Arbaco, Oct 24, 2012
AMISOM oo sheegtay inay Kismaayo ku qabteen xoogag ka tirsan Al-shabaab oo ay ku jirtay haweeney Hoggaamiye ah
Arbaco, Oktoobar 24, 2012 (HOL) — AMISOM ayaa sheegtay 72 dagaalyahan oo ka tirsan Al-shabaab ay ku qabteen baaritaanno ay ka sameeyeen degmada Kismaayo ee xarunta gobolka Jubbada Hoose, kuwaasoo ay ku jirtay haweeney hoggaamiye ah.

Afhayeenka milateriga Kenya, Col. Cyrus Oguna ayaa sheegay in haweeneyda ay qabteen lagu magacaabo Maryan Ciise Maxamed ayna ka mid ahayd haweenka ka tirsan Al-shabaab ee hoggaamiyeyaasha ah, inkastoo aan la sheegin inay ahayd mid dagaallada hoggaamin jirtay iyo in kale.

"Baaritaanno guri-guri ah oo Kismaayo laga sameeyo laga soo billaabo 21-kii bishan Oktoobar waxaa lagu qabtay 72 dagaalyahan oo Al-shabaab ka tirsan, waxaana sidoo kale la helay hubkooda," ayuu yiri Col. Oguna.

Magaalada Kismaayo ayaa waxaa bisha horraanteedii si rasmi ah ula wareegay ciidamada Kenya ee qaybta ka ah howgalka AMISOM iyo ciidamada dowladda Soomaaliya oo ay wehliyaana xoogagga Raaskambooni.

Saraakiisha dowladda iyo kuwa AMISOM waxay sheegeen in howgalladu ay sii socon doonaan inta guulo la taaban karo laga gaarayo howgallada looga horjeedo Al-shabaab ee ka socda Jubbooyinka.

"Dadweynaha ku nool Kismaayo waxay ciidamada ka caawiyaan sidii ay howlahooda ugu guuleysan lahaayeen," ayuu yiri Col. Oguna oo sheegay in xaaladda ammaan ee Kismaayo ay tahay mid hadda la isku halleyn karo.

Sidoo kale, afhayeenka milateriga Kenya wauxu ka hadlay iskahorimaadyo dhexmaray ciidamada Kenya iyo kuwa Al-shabaab, isagoo sheegay in Isniintii lasoo dhaafay uu isku dhac ka dhacay meel ku dhow xuduudda Soomaaliya iyo Kenya.

"Laba askarta Kenya ka tirsan ayaa weerarkaas ku dhaawacmay, waxaana lagu dilay saddex Al-shabaab ka tirsan, laba kalena waa lagu dhaawacay, sidoo kale waxaan ku furannay hub isugu jira qoryaha fudud iyo baasuukayaal," ayuu yiri Col. Oguna.

Ma jiro hadal kasoo baxay dhinaca Al-shabaab oo ku saabsan dagaalkaas ay Kenya sheegtay inay ku dishay xubnaha ka tirsan Al-shabaab, iyadoo dagaalkan uu qarxay markii Al-shabaab ay weerar gaadmo ah ku qaadday ciidammo Kenyan ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/24/2012 10:53 AM EST
Arbaco, October, 24, 2012 (HOL)- wasiiradda wasaaradaha Kalluumaysiga, wasiirka Maaliyadda iyo Taliyaha Xeebaha Somaliland oo safar shaqo ku gaallaa bixiyey gobolladda bariga Somaliland, ayaa ka warbixiyey ujeedadda safarkooda, kuwaas oo sheegay inay wadeen dakhli ururin balaadhan iyo horumarinta deegaanaddaasi sidii wax loola qaban lahaa.

10/24/2012 10:44 AM EST
Arbaco, Oktoobar 24, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay dowladda Soomaaliya ku shaqeynayso saddexda bilood ee sannadkan ka harsan oo ay ku jirto bishan Oktoobar.

10/24/2012 10:33 AM EST
Arbaco, Oktoobar 24, 2012 (HOL) — Kulan looga hadlayay sidii ururrrada bulshada rayidka ah ee Soomaaliyeed ay uga qaybqaadan lahaayeen xaslinta dalka ayaa maanta ku dhexmaray Muqdisho saraakiishii hore ee ciidamada milateriga Soomaaliya ee dajiyay qorshaha xasilinta dalka iyo ururrada bulshada rayidka ah ee Soomaaliya.

10/24/2012 10:12 AM EST
Arbaco, Oktoobar 24, 2012 (HOL) — Ciidamada dowladda Soomaaliya iyo kuwa AMISOM ayaa maanta soo bandhigay hub ay sheegeen inay kasoo heleen kayd ay Al-shabaab ku lahayd gobolka Shabeellada hoose.

10/24/2012 10:04 AM EST
Arbaco, Oktoobar 24, 2012 (HOL) — Taangiga Kaydka shiidaalka warshadda Laydhka ee magaaladda Berbera, ayaa saaka dab aan la garan waxa dhaliyey ka kacay, kaas oo hawada isku shareeray ololka iyo qiiqa, muddo ka dibna lagu guulaystay in la bakhtiiyo dabkaasi.

10/24/2012 10:02 AM EST
Arbaco, Oktoobar 24, 2012 (HOL) — Saraakiisha ciidamada Jabuuti ee qeybta ka ah howlgalka midowgga Africa ee AMISOM ayaa sheegay in ay ka shaqeynayaan nabad-galyada magaalada Baladweyne ee xarunta gobolka Hiiraan.

10/24/2012 4:23 AM EST
Arbaco, Oktoobar 24, 2012 (HOL) —Weerar Bambaano ah ayaa xalay lagu qaaday Saldhigga dhexe ee magaalada Kismaayo, iyadoona kooxaha weerarka fuliyay ay ilaa dhowr bambaano ku tureen gudaha iyo afaafka hore ee saldhigga.

10/24/2012 3:13 AM EST
Arbaco, Oktoobar 24, 2012 (HOL) — Mudanayaasha baarlaamanka Soomaaliya ayaa maanta mar kale ka doodaya miisaaniyadda ay dowladda Soomaaliya ku shaqeynayso saddexda bilood ee soo socota, taasoo ka doodisteeda dib loo dhigay toddobaadkii hore.

10/24/2012 3:03 AM EST
Arbaco, Oktoobar 24, 2012 (HOL) — Kooxo baastoolado ku hubeysan oo aan heybtooda la aqoon ayaa xalay fiidkii toogasho ku dilay Allaha u naxariistee Wariye Axmed Saakin Faarax oo u shaqeyn jiray TV-ga Universal.