11/18/2018
Today from Hiiraan Online:  _
Wararka Maanta- Khamiis, May 31, 2012
Qarax ka dhacay Magaalada Wajeer ee dalka Kenya oo sababay khasaare isugu jira dhimasho iyo dhaawac


Khamiis, May 31, 2012 (HOL) — Hal qof ayaa dhintay saddex oo uu ku jiray cunug yarna dhaawacyo ayaa kasoo gaaray qarax xalay fiidkii ka dhacay hoteel ku yaalla degmada Wajeer oo ka mid ah degmooyinka gobolka Waqooyi-bari ee dalka Kenya.

Booliiska degmada Wajeer ayaa ku eedeeyay weerarkan Xarakada Al-shabaab ee ka dagaalanta Soomaaliya, waxaana weerarkan uu imaanayaa xilli weerarro qaraxyo ah ay ka dhaceen toddobaadkan magaalada Nairobi ee xarunta Kenya.

"Qaraxu wuxuu ka dhacay meel ay dad badan oo Kenyan ah ku qaxweynayeen, waxaana ku dhintay hal qof, saddex kalena dhaawacyo ayaa soo gaaray," ayuu yiri mid ka mid ah dadkii ku sugnaa goobaha ku dhow halka uu qaraxu ka dhacay.

Weerarkan ayaa wuxuu imaanayaa xilli ra'iisul wasaaraha dalka Kenya, Raila Odinga uu ka dalbaday shacabka dalkaas inay gacan ka siiyaan dowladda sidii looga hor-tegi lahaa qaraxyada laga geysanayo gudaha dalka Kenya.

Sidoo kale, weerarkan ayaa waxaa lagu soo beegay xilli ay ciidamada Kenya ee ku sugan gudaha Soomaaliya ay dagaallo culus kula galeen gobolka Jubbada hoose xoogagga Al-shabaab kuwaasoo difaacanayay degmadea Afmadow oo ah degmada labaad ee ugu weyn Jubbada hoose.

Ma jirto cid sheegatay inay mas'uul ka tahay weerarkaas, balse ciidanka ammaanka ee Kenya ayaa wada baaritaanno ay ku raadinayaan kooxihii weerarkaas geystay mana jirto cid loo qabtay weerarka bambaano ee xalay ka dhacay Wajeer.

Gobolka Waqooyi-bari ee dalka Kenya oo ku yaala soohdinta ay wadaagaan Kenya iyo Soomaaliya ayaa waxaa tan iyo bishii Oktoobar ee sannadkii hore ka dhacayay qaraxyo ay waxyeello kasoo gaartay dad shacab ah iyo ciidamada Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/31/2012 11:45 AM EST
Anagoo ah ka soo qayb galayaasha Shirka Istanbuul ee Bulshada Rayidka ah ee Soomaaliyeed oo ka kooban odayaasha Dhaqanka, Culumaa’udiinka, Aqoonyahannada, Ururrada Siyaasadeed ee abuubulan, Ururrada haweenka, dhalinyarada, ganacsatada iyo qurba-joogta....

5/31/2012 9:11 AM EST
Khamiis, May 31, 2012 (HOL) — Taliyaha ciidamada dalka Kenya, Jen. Julius Karangi ayaa sheegay in ajadanaha ciidamadooda ku sugan Soomaaliya oo hadda ka mid ah AMISOM uu yahay sidii ay Al-shabaab uga qabsan lahaayeen degmada Kismaayo inta aan la gaarin bisha Ogoosto ee sannadkan.

5/31/2012 8:28 AM EST
Khamiis, May 31, 2012 (HOL) — Madaxweynaha dalka Uganda, Yoweri Museveni oo booqasho laba maalmood ah ku tagay magaalada Asmara ee dalka Eritrea ayaa kala hadlay arrimaha Soomaaliya madaxweynaha Eritrea, Issias Efwerki, iyagoo isku raacay in gacanta laga geysto xalislinta Soomaaliya.

5/31/2012 8:01 AM EST
Khamiis, May 31, 2012 (HOL) — Wararkii ugu danbeeyay ee aynu ka heleyno degmada Afmadow ayaa sheegaya in ciidamada dowladda KMG oo kaashanaya kuwa Kenya ay si buuxda ula wareegeen degmada Afmadow ee Gobolka Jubada Hoose.

5/31/2012 6:56 AM EST
Khamiis, May 31, 2012 (HOL) — Wasiirka waxbarashada Somaliland Marwo Samsam cabdi Aadan, ayaa ka qaybgashay xaflad shahaadooyin lagu siinayey sodan hablood oo tobabar macalinimo ah ku qaadanayey dugsiga SOS ee magaaladda Sheekh ee gobolka Saaxil.

5/31/2012 6:50 AM EST
Khamiis, May 31, 2012 (HOL) — Wararkii ugu danbeeyay ee aynu ka heleyno degmada Afmadow ayaa sheegaya in dagaalyahannada Al-shabaab ay isaga baxeen degmadaasi, kadib dagaal culus oo oo iyaga iyo Ciidamada huwanta ha ku dhexmaray duleedka degmada Afmadow ee gobolka Jubada Hoose.

5/31/2012 6:42 AM EST
Khamiis, May 31, 2012 (HOL) — Shir looga hadlayo mustaqbalka Soomaaliya oo ay ka qaybgalayaan madaxda ka socda in ka badan 54-dalka iyo madaxd DKMG ah ee Soomaaliya ayaa ka furmay maanta oo Khamiis ah magaalada Istanbuul ee dalka Turkiga.

5/31/2012 12:52 AM EST
Ra'iisul Wasaaraha Soomaaliya Prof Abdiweli Mohamed Ali oo ku sugan magaalada Istanbul ee dalka Turkiga ayaa kulan dheer la qaatay dhigiisa Ra'iisul Wasaaraha Dalka Turkiga Recep Tayyip Erdogan oo ay ka wada hadleen arrimo dhowr ah oo ay ka mid yihiin xiriirka labada dalka, shirka Istanbul ee arrimaha Soomaaaliya iyo soo afjaridda Xilliga KMG ah.