11/22/2018
Today from Hiiraan Online:  _
Wararka Maanta- Sabti, May 19, 2012
Guddoomiyaha Gobolka Hiiraan oo Xarigga ka jiray Dhismo cusub oo ay ku shaqeyn doonaan Mas’uuliyiinta Baladweyne (SAWIRRO)



Sabti, May 19, 2012 (HOL) — Guddoomiyaha maamulka gobolka Hiiraan, Cabdifitaax Xasan Afrax oo ay wehliyaan ku-xigeenadiisa iyo mas'uuliyiinta maamulka degmada ayaa maanta xariga ka jiray dhismo cusub oo ay ku sii shaqeyn doonaan mas’uuliyiinta maamulka degmada Beledweyne.

Guddoomiyaha oo hadal ka jeediyay munaasabada loo qabtay fursita xarunta cusub ee maamulka degmada Beledweyne ayaa sheegay in maanta wax lagu farxo tahay in bulshadii gobollka oo kaashanaya maamulkooda u soo jeestaan dib u dhiska xarumihii dowladda.

"Marka ugu horeysay waan ka mahad celinayaa dhismaha xarunta cusub, cid kasta oo gacan ka geystay waxaan leeyahay mahad ka gaarto, waayo waxaa hubaal ah in howl socon karta aysan jirin haddii aan la helin goob lagu shaqeeyo," ayuu yiri guddoomiyaha maamulka gobolka Hiiraan.

Waxaa uu intaa ku darray in xaruntii maamulka gobollka Hiiraan iyo tii degmada intaba hadda bur bursan yihiin, kadib markii horaantii sanadkan lala beegsaday weerar Ismiidaamin ah oo khasaare xoog leh gaarsiiyay dhimaha xarumaha gobollka iyo degmada, isaga oo sheegay in sida ugu dhaqsiyaha badan loo dayactirayo.


Guddoomiyaha ayaa soo hadal qaaday sida uu hadal ka u dhigay weerar maalmihii ugu danbeeyayba siweyn loo hadal hayay oo ahaa in uu khilaaf soo kala dhaxgalay mas’uuliyiinta maamulka.

"Marka hore waan leenahay wax khilaaf ma jiro, waayo guddoomiyihii degmada waa kan dhinaceyga taagan, haddii uu jiro xitaa waxaa meesha ka cad in bulshada reer Hiiraan iyo mas’uuliyiintoodaba yihiin kuwo awood u leh in ay durbaba xal ka gaaraan xaalad kasta oo markaa taagan," ayuu C/fitaax Xasan hadalkiisa ku daray.

Dhinaca kale, mar uu ka hadlya arrinta dastuurka ayuu sheegay inay wax laga xumaado tahay in mas’uuliyiinta dowladda iyo siyaasiyiinta Soomaaliyeed ku murmaan qodobbo aan wax micno ah ku fadhin xili umadda Soomaaliyeed baaba’san tahay una baahan tahay in la samatabixiyo

"Anniga ila ma’aha in la joog waqtigii lagu murmi lahaa mustaqbalka umad baaba’san oo u baahan in marka hore laga fikiro nabad-galyadooda iyo waliba sidii ay u heli lahaayeen nolashii ay xaqa u lahaayeen, marka waxba yaan meel cidla ah lagu murin, ee halaga fikiro nabad-galyada iyo sidii bulshada looga samata bixin lahaa waqtiga iyo xiliga adag oo ay dhax maquuranayaan,’’ ayuu guddoomiyuhu yiri.
 
Guddoomiyaha degmada Beledweyne Cismaan Barre Max’ed ayaa dhinaciisa ka hadllay munaasabada, isaga oo meesha ka saaray in uu khilaaf jiro, waxaana uu sheegay in haddii la wada hadllo aan la kala tagin, loona baahan yahay bulshadu in ay fahanto ujeedada loo socdo oo ah in wax la toosiyo.


Waxaa uu sheegay guddoomiyaha degmada wixii hadda ka danbeeya aan la aqbali doonin in la kala saar saaro bulshada ku dhaqan gobollka Hiiraan, cid kasta oo qabyaalad ka shaqeysana maamulku talaabo cad ka qaadi doono.

Munaasabada maanta ayaa marka laga soo tago furista xarunta cusub ee degmada, ayaa dhinaca kale waxaa ay muujisay in uusan jirin wax khilaaf ah oo waqtigan ka dhaxeeya mas’uuliyiinta maamulka gobollka Hiiraan oo si wada jir ah bulshada ula hadllay.



C/raxmaan Diini, Hiiraan Online
[email protected]
Beledweyne, Soomaaliya






Click here
5/19/2012 6:26 PM EST
Axad, May 20, 2012(HOL): Kooxda Chelsea ayaa noqotaykooxdii 5aad oo Ingiriis ah oo ku guuleysata Koobka Horyaalnimada Yurub, kaddibmarkii ay ciyaartii kama dambeysta ahayd kaga adkaatay Kooxda Byer Munich oo ay ku kala baxeen gool-ku-laad 4—3.

5/19/2012 12:18 PM EST
Safaarada Soomaalida ee magaalada Nairobi ayaa ugu deeqday gaariga curyaaminta nin curyaan ah oo kamid ah dadka Soomaalida ah ee ku tabaalaysan dalka Kenya.

5/19/2012 9:41 AM EST
Sabti, May 19, 2012 (HOL) — Ugu yaraan laba haween ah ayaya kooxo hubeysani ku dileen xeryaha qoxootiga IFO iyo Dhagaxley ee dalka Kenya 24-kii saac ee ugu dambeeyay, iyadoo sidoo kale ay dableydu mid ka mid ah gacmihiisa ka jareen nin ay afduub ku kaxeysteen.

5/19/2012 8:55 AM EST
Sabti, May 19, 2012 (HOL) — Maalinta Isniinta ah ee soo socota ayaa waxaa lagu wadaa inuu magaalada Addis Ababa ka furmo shir looga hadlayo dastuurka cusub ee Soomaaliya oo ay Puntland ka cabatay iyadoo shirkaas ay ka qaybgeli doonaan dhammaan saxiixayaashii heshiiska tubta nabadda (Roadmap).

5/19/2012 8:25 AM EST
Sabti, May 19, 2012 (HOL) — Ciidamada booliiska Soomaaliya ayaa maanta ku toogtay degmada Xamar-weyne ee gobolka Banaadir nin hubeysan oo xirnaa surweelka ciidamada milateriga Soomaaliya iyo shaar caadi ah, kaasoo lagu eedeeyay inuu falal ammaan-darro ku howlanaa.

5/19/2012 8:07 AM EST
Sabti, May 19, 2012 (HOL) — Madaxweynaha Soomaaliya, Shariif Sheekh Axmed oo magaalada Bujumbura ee xarunta dalka Burundi kula kulmay madaxweyaha Burundi, Pierre Nkurunziza ayaa ka dalbaday in dalkiisu uu ciidammo dheeraad ah ku xoojiyo kuwa AMISOM ee Soomaaliya ku sugan.

5/19/2012 7:47 AM EST
Sabti, May 19, 2012 (HOL) — Siminaar ay soo qabanqaabisay Hay'adda CCD halku dhiggiisuna ahaa "Wada-shaqeynta odayaasha dhaqanka waxay horseedi kartaa nabadda iyo amniga Soomaaliya oo fiicnaada" ayaa maanta loogu qabtay Muqdisho odayaasha-dhaqanka Soomaaliyeed.

5/19/2012 7:24 AM EST
Sabti, May 19, 2012 (HOL) — Ciidamada Dowladda KMG, kuwa Raaskaambooni iyo Militariga Kenya oo iskaashanaya iyo Xoogagga Al-shabaab ayuu saaka aroortii dagaal xooggan ku dhexmaray duleedka deegaanka Taabto ee gobolka Jubada Hoose.

5/19/2012 7:22 AM EST
Sabti, May 19, 2012 (HOL) — Ugu yaraan laba qof oo midi uu ahaa askari ka tirsan ciidamada DKMG ah ayaa ku dhintay, lix kalena way ku dhaawacmeen laba bambo oo saakay lagu weeraray ciidammo ka tirsan kuwa dowladda Soomaaliya oo howl-gallo lagu burburinayo dhismayaal sharci-darro ah ka waday suuqa Bakaaraha ee Muqdisho.

5/19/2012 4:27 AM EST
Sabti, May 19, 2012 (HOL) — Shirkadda Horn Petroleum Corp ayaa sheegtay inay joojisay ceelkii shidaalka ee ay ka qodaysay dooxada Darroor ee Puntland, kaddib markii ay sheegtay inaysan u muuqan in halkaas uu shidaal ka imaan karo.

5/19/2012 4:05 AM EST
Sabti, May 19, 2012 (HOL) — Madaxa shirkadda SKA ee maamulka garoonka diyaaradaha Aadan Cadde ee Muqdisho, Anthony Randerson ayaa xaqiijiyay in ruux shaqaalahooda ka mid ah uu la goostay lacago fara badan oo ay shirkaddu lahayd.

5/19/2012 3:36 AM EST
Sabti, May 19, 2012 (HOL) — Munaasabad ay ku qalin-jabinayeen dufcadii labaad oo wax-ka-bartay kuliyada caafimaadka ee jamaacadda Koonfurta Soomaaliya ee magaalada Baydhabo ayaa shalay lagu qabtay magaaladaas, waxaana ardaydan ay muddo laba sano ah baranayeen cilmiga caafimaadka.

5/19/2012 3:01 AM EST
Sabti, May 19, 2012 (HOL) — Diyaaradda Turkish Airlines ayaa waxay mar kale fariisan waday garoonka diyaaradaha ee Muqdisho, iyadoo maamulka garoonka uu sheegay in sababaha ay u fariisan waday aysan ahayn khilaaf u dhexeeya shirkadda iyo maamulka garoonka diyaaradaha.