9/24/2018
Today from Hiiraan Online:  _
Wararka Maanta- Isniin, May 14, 2012
Guddoomiyaha gobollka Hiiraan oo ka qeyb-galay munaasabad gaadiid lagu guddoonsiinayay Jaamacada Hiiraan University



Isniin, May, 14, 2012 (HOL)   -- Munaasabad ay ka soo qeyb-galeen mas’uuliyiinta maamulka gobollka Hiiraan, ardeyda Jaamacada Hiiraan Universaty, Waxgarad iyo Aqoon-yahanno, ayaa looga mahad celiyay Jaaliyaddaha Hiiraan ee dalka dibadiisa labo Bas oo ay ugu deeqeen Ardeyda Jaamacada.

 

Guddoomiyaha maamulka gobollka Hiiraan C/fitaax Xassan Afrax oo munaasabada ka qeyb-galay ayaa sheegay in maamulkiisa waxyaabaha ugu horeeyay ee uu xooga saarayo ka mid tahay waxbarashada iyo sidii horay loogu sii dhaqaajin lahaa, gaar ahaan waxaa uga mahad celiyay maamulka Jaamacada Hiiraan waqtiga adag oo ay ku shaqeynayaan, isaga oo dhinaca kalana ka mahad celiyay gadiidka loogu deeqay Jaamacada.

 

‘’Waxbarashada waa muhiim, waliba annaga waxaan u aragnaa arinta farxad leh in maanta ardeydii gobollka waxbarasho heer Jaamacadeed ah ku heystaan gobollkooda, waa arrin lagu farxo,’’ ayuu yiri,’’ guddoomiyaha maamulka gobollka Hiiraan.

 

Sidoo kale waxaa munaasabada ka hadlay Keynadiid Muumin Cali madaxa hay’addaha samafalka maamulka gobollka Hiiraan oo sheegay in uu xasuusto xili gobollka Jaamacado looga aadi jiray qeybaha kale ee dalka, laakiin arin soo dhaaweyn mudan tahay in maanta gobollka ka jiraan Jaamacado ay wax ka baran karaa ardeyda iyaga oo waliba gurigooda jooga.

 

Madaxa Jaamacada Hiiraan Universaty ‘’HU” Cismaan Max’ed Cilmi ‘’Cismaan Caato’’ oo isagana ka  hadllay goobta ayaa sheegay in Basaskan loogu deeqay Jaamacada weyn ka tari doonaan habsami u socodka waxbarashada, maadaama ardeyda wax ka barata Jaamacada ay ka kala yimaadaan xaafaddaha kala gadisan ee magaalada una baahan yihiin gadiid soo gaarsiiya xarunta Jaamacada.

 


 
‘’Waan ka mahad celineynaa deeqdan la soo gaarsiiyay Jaamacada, waliba marka la eego ah deeq ay siweyn ugu baahneyd, waxaana rajeynayaa in talaabadan noqon doonto mid dhiirigalin u ah Ardeyda iyo guud ahaanba maamulka Jaamacada,’’ ayuu yiri,’’ Madaxa Jaamacada Hiiraan Universaty.

 

Ka qeyb-galayaasha oo u badnaa ardeyda wax ka barta Jaamacada ayaa dhinacooda soo dhaweeyay deeqda la soo gaarsiiyay, waxaana ay maamulka gobollka ka codsadeen in dib loogu howlgaliyo dhismihii Jaamacada Hiiraan Universaty oo hadda saldhig u ah ciidamada dowladda Itoobiya.

 

Madaxa Jaamacada Hiiraan Unversity Cismaan Caato ayaa dhinaca kale u sheegay HOL in hay’adda MSF Swiss ee hadda gacanta ku heysa Isbitaalka weyn ee degmada Beledweyne u ogolaatay Jaamacada in ardeyda barata caafimaadka marka ay u baahdaan tagi karaa Isbitaalka iyaga oo ku howlgalaya maadooyinkii ay barteen, taasoo sare u qaadeysa aqoonta ardeyda.





C/raxmaan Diini, Hiiraan Online

[email protected]

Beledweyne, Soomaaliya.

 







Click here
5/14/2012 8:56 AM EST
Talaado, May 15, 2012 (HOL) — Xarakada Al-shabaab ayaa sheegtay maanta inay dileen saraalkii hoggaaminayay ciidamada Burundi ee ka dagaalama degmada Dayniile, kaddib weerar gaadmo ah oo ay xoogaggoodu qaadeen habeennimadii Talaadadii lasoo dhaafay.

5/14/2012 8:07 AM EST
Isniin, May 14, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hoggaaminayo ayaa dalka Maerykanka uga qaybgalaya shir looga hadlayo arrimaha Soomaaliya.

5/14/2012 7:55 AM EST
Isniin, May 14, 2012 (HOL) — Dowladda Mareykanka ayaa sheegtay in sarkaal sare oo ka mid ahaa hoggaamiyeyaasha ciidamada Al-shabaab uu hadda billaabay inuu kala shaqeeyo sidii ugu marqaati furi lahaa dadka taageeray iyo kuwa u dagaalamay Al-shabaab.

5/14/2012 7:30 AM EST
Isniin, May 14, 2012 (HOL) — Munaasabadda lagu dhaarinayay ra'iisul wasaare ku xigeenka ahna wasiirka Beeraha, xanaanada xoolaha dhirta iyo daaqa dowladda KMG ah ee Soomaaliya, Xuseen Maxamuud Sheekh Xuseen ayaa maanta ka dhacday guriga afhayeenka baarlamaanka Somaaliya, Shariif Xasan Sheekh Aadan.

5/14/2012 7:29 AM EST
Isniin, May 14, 2012(HOL) -Waxaa magaalada Stockholm lagu qabtay kulan lagu falanqeynaayey qabyo-qoraalka dastuurka Soomaaliya ah oo ay qabanqaabadiisa iska kaashadeen Ururka Baadigoobka Waddaniga Soomaaliyeed (UBWS) iyo Royal TV.

5/14/2012 7:09 AM EST
Isniin, May 14, 2012 (HOL) — Ciidamada badda Turkiga ayaa qabtay 14-burcad-badeed Soomaaliyeed ah kaddib markii ay ku weerareen meel ku dhow xeebaha dalka Cummaan, waxayna howlgalkaas ku furteen kalluumeysato Yemeniyiin ah oo tiradoodu ahayd toddoba ruux.

5/14/2012 3:16 AM EST
Isniin, May 14, 2012 (HOL) — Ugu yaraan lix qof oo dhinacyadii dagaalamay ka mid ah ayaa ku dhintay dagaal culus oo xalay degmada Badhaadhe ee gobolka Jubbada hoose ku dhexmaray ciidamada DKMG ah, kuwa Kenya iyo xoogagga Al-shabaab.

5/14/2012 3:10 AM EST
Isniin, May 14, 2012 (HOL) — Kulankan oo ahaa mid dhaqaale waxbarasho dibadeed loogu raadinayay gabadhaha da’yarta ah ee ku dhaqan gobolka waqooyi-bari ee dalka Kenya gaar ahaanna kuwa ku nool deegaannada miyiga ah ee ka baxsan magaalooyinka oo aan inta badan helin fursadaha waxbarasho ayaa waxaa ka qayb-galay dadweyne fara badan oo ka kala socday qeybaha bulshada, sida siyaasiinta ka tirsan goleyaasha siyaasadda ee dalka Mareykanka oo uu ka mid yahay Keith Elison, culumo, ganacsato, aqoonyahano iyo waliba siyaasiin ka socotay dalka Kenya oo maalmihii ugu dambeyey ku sugnaa Mareykanka.

5/14/2012 3:08 AM EST
Isniin, May 14, 2012 (HOL) — Wasiirka arrimaha gudaha Somaliland, Maxamed Nuur Caraale (Duur) iyo wasiirka Qorshaynta Qaranka Sacad Xaaji Cali Shire ayaa kaga qaybgalay magaalada Wajaaale hirgalinta Qorshe cusub oo ku saabsan hirgaliyey laanta socdaalka ee xuduudda Wajaale, waxaana xariga ka jaray laantaas taliyaha laanta socdaalka Somaliland Maxamed Cali Yuusuf.

5/14/2012 3:07 AM EST
Isniin, May 14, 2012 (HOL) — Laba qof oo mid ka mid ah ay tahay haweenay ayay kooxo bastoolado ku hubeysan ku dileen shalay gallinkii dambe degmada Baydhabo ee xarunta gobolka Bay, halkaasoo ay dowladda iyo ciidamada Itoobiya gacanta ku hayeen tan iyo bishii Feberaayo ee sannadkan.