9/21/2018
Today from Hiiraan Online:  _
Wararka Maanta- Sabti, Jun 2 , 2012
Ban Ki-Moon oo ka digay in Dagaal-oogayaashii Soomaaliya ay mar kale la wareegaan Awoodda Soomaaliya



Sabti, June 02, 2012 (HOL) — Xoghayaha guud ee Qaramada Midoobay Ban Ki-Moon ayaa uga digay wufuuddii ka qaybgashay shirkii looga hadlay mustaqablka Soomaaliya ee labada maalmood ka socday magaalada Istanbuul ee dalka Turkiga in mar kale ay awoodda Soomaaliya la wareegaan dagaal-oogayaashii Soomaaliya.

Mr. Ki-Moon ayaa sheegay in dagaal-oogayaasha ay ka faa'iideysan karaan markaan xagga maamulka ah oo timaada marka uu dhamaado xilliga KMG ah ee ay dowladda hadda jirta shaqeynayso.

"Si looga hor-istaago hoggaamiyeyaashii dagaalka Soomaaliya inay awoodda mar kale la wareegaan waa in beesha caalamka ay kordhiso dhaqaalaha ay siiso dalka Soomaaliya; sidoo kalena ay qayb ka qaataan sidii lagu soo celin lahaa degnaasho ka hirgasha Soomaaliya," ayuu yiri Ban Ki-Moon.

Waqtiga ay shaqeynayso dowladda KMG ah ayaa wuxuu ku eg-yahay bisha Ogoosto ee soo socota, wuxuuna xoghayaha guud ee Qaramada Midoobay uu sheegay in shirka ka dhacay Istabuul uu muujiyay ballanqaadyo wanaagsan oo loogu diyaar-garoobayo xilliga kala guurka ah.

"Madaxweynaha Soomaaliya wuxuu ii ballanqaaday in xilliga KMG ah lasoo afjarayo waqtigii loogu talogalay, wufuudda shirka kasoo qaybgashayna waxay rajo wanaagsan ka qabaan in Soomaaliya ay yeelato dowlad cusub oo loo dhan yahay," ayuu yiri Ban Ki-Moon.

Xoghayaha guud wuxuu kula taliyay dowladda cusub ee Soomaaliya inay noqoto mid leh heerarka kala duwan ee caalamiga ah, sida inay dhowrto xuquuqda aadanaha, isagoo sheegay in dastuurka dowladda cusub afti looga qaado dadka oo dhan iyadoo aan loo eegayn jinsi, midan iyo siyaasad.

Mr. Ki-Moon wuxuu soo dhaweeyay in haweenku ay 30% ku yeeshaan baarlamaanka cusub ee Soomaaliya ay yeelanayso, isagoo ku taliyay in si taxadar leh looga fiirsado hirgelinta heshiisyadii la gaaray.

Dhanka kale, wasiirka arrimaha dibadda ee dalka Turkiga, Axmed Daa'uud Oogle oo isna ka hadlay shirkii ayaa sheegay in dib u soo noolaashada Soomaaliya ay ku xiran tahay saddex arrimood oo kala ah: Deggenaasho siyaasadeed oo la helo, horumar dhinaca dhaqaalaha ah iyo ammaanka oo la adkeeyo.

Shirkan oo aan ahayn mid dhaqaale lagu yaboohayay ayaa waxaa madaxdii dunida ka socotay ee ka qaybgalay waxay isku raaceen in Soomaaliya aysan wixii hadda ka dambeeya aan lagu cidleynayn wax ka qabashada ammaankeeda, iyadoo la isku raacay in la sameeyo Sanduuq dhaqaale oo wax looga qabanayo deggenaasho la'aanta Soomaaliya ka jirta.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/2/2012 9:09 AM EST
Sabti, June 02, 2012 (HOL) — Madaxda dalalka ay ka socdaan ciidamada AMISOM ee ku sugan Soomaaliya ayaa ka sheegay shirkii Istanbuul II ee kusoo xirmay dalka Turkiga inay gacan ka siinayaan DKMG ah ee Soomaaliya sidii ay ammaan uga dhigi lahayd dalka oo dhan.

6/2/2012 8:37 AM EST
Sabti, June 02, 2012 (HOL) — Shirkii Isbtanbuul laba ee looga hadlayay sidii ay uga gudbi lahayd Soomaaliya xilliga KMG ah ayaa waxaa kasoo baxay qodobbo muhiim ah oo tilmaamaya howlaha la doonayo in calaamku ka qabto Soomaaliya.

6/2/2012 7:53 AM EST
Sabti, June 02, 2012 (HOL) — Madaxweynihii hore ee dalka Masar, Xusni Mubaarak iyo wasiirkii arrimaha gudaha Xabiib Cadli ayaa maanta lagu xukumay xabsi daa'in kaddib dacwado socday tan iyo markii xukunka laga tuuray Mubaarak.

6/2/2012 7:32 AM EST
Sabti, June 02, 2012 (HOL) — Ciidamada Booliiska iyo kuwa nabad-sugidda DKMG ah ee Soomaaliya ayaa lagu wareejiyay ammaanka deegaannada loo barkaacay ee duleedka Muqdisho, halkaasoo ciidamada dowladda iyo kuwa AMISOM ay toddobaad ka hor ka qabsadeen xoogaggii Al-shabaab ee ka talin jiray.

6/2/2012 7:04 AM EST
Sabti, June 02, 2012 (HOL) — Abaanduulaha ciidamada xoogga dalka, Jen. C/kariin Yuusuf Aadan (Dhego-badan) iyo taliyaha ciidamada nabadsugidda DKMG ah. Jen. Khaliif Axmed Ereg ayaa maanta lagu weeraray jidka Muqdisho iyo Afgooye u dhexeeya, waxaana mas'uuliyadda weerarradaas sheegatay Xarakada Al-shabaab.

6/2/2012 4:52 AM EST
Sabti, June 02, 2012 (HOL) — Ra'iisul wasaaraha dalka Turkiga, Recep Tayyip Erdogan oo ka hadlayay shirkii lagu soo gabgabeeyay Istanbuul ee looga hadlay sidii dib loogu soo celin lahaa deggenaashii Soomaaliya ayaa beesha caalamka ku war-geliyay inaysan ogaan karin xaaladda ka jirta Soomaaliya iyagoo aan tegin.

6/2/2012 4:34 AM EST
Sabti, June 02, 2012 (HOL) — Hal qof ayaa ku dhaawacmay kaddib markii xalay ay dadweyne careysan rabshado ka sameeyeen magaalada Garoowe ee xarunta Puntland, iyadoo dadkan ay muddo kooban xireen waddada weyn ee dhexmara degmadaas.