3/29/2024
Today from Hiiraan Online:  _
Wararka Maanta- Sabti, Jun 16, 2012
Ahlusunna Waljamaaca oo sheegay in degmada Ceelbuur ay uga soo baxeen sababo la xiriira qaabkii dagaalka oo ay bedeleen

Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

Afhayeenka Ahlusunna ee gobollada dhexe, Sheekh Axmed Cabdullaahi Ilka-Case ayaa sheegay inaysan uga soo bixin degmada Ceelbuur khilaaf soo dhexgalay iyaga iyo ciidamada Ahlusunna iyo culeys ay kala kulmeen Al-shabaab, balse ay ku timid is-bedel ay ku sameeyeen qaabka ay kula dagaalamaan Al-shabaab.

"Sababihii aan uga soo baxnay degmada Ceelbuur iyo deegaanka Wabxo waxay la xiriirtaa qorshihii dagaalka oo aan bedelnay, waayo xoogaggii halkaas ku sugnaa ee Al-shabaab waxay billaabeen inay iyagoo shan-shan u socda ay weeraraan goobihii aan ku sugnayn," ayuu yiri Sheekh Axmed Ilka-Case.

Afhayeenku wuxuu hadalkiisa ku daray in qorshihii ay ku qabseen degmada Ceelbuur iyo deegaannada kale ee gobolkaas ay ahayd sidii ay u naafeyn lahaayeen wuxuu ugu yeeray cadowga, balse ay taasi suurigeli waday ayna go'aansadeen saraakiisha hoggaanka ciidanku in la bedelo qorshaha dagaal si loo dhabar-jabiyo mar kale.

"Al-shabaab waxay noqotay qodax dhulka ku mudan, taasna ayaana keentay inay khuburada milateriga ee Ahlusunna ku taliyaan in laga baxo deegaannadaas si waji kale loogu yeelo dagaalka looguna dhabar-jabiyo cadowga," ayuu yiri afhayeenka raaciyay hadalkiisa.

Mar uu ka jawaabayay su'aal ahayd in maamulka Ahlusunna iyo ciidamada Itoobiya ee gobollada dhexe ku sugan uu khilaaf u dhexeeyo, ayuu sheegay inuusan jirin wax khilaaf ah oo u dhexeeya, ayna ka mideysan yihiin sidii Al-shabaab loo cirib-tiri lahaa.

Ugu dambeyn, afhayeenku wuxuu sheegay inay taageersan yihiin dowladda KMG ah ayna ka mideysan yihiin sidii dalka loo gaarsiin lahaa dowlad dhameystiran looguna soo celin lahaa ammaankii iyo kala dambeyntii.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/16/2012 2:16 PM EST
Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

6/16/2012 9:51 AM EST
Saraakiil isugu jirta Uganda, Burundi iyo Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

6/16/2012 9:34 AM EST
Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 8:01 AM EST
Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Na'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

6/16/2012 7:28 AM EST
Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

6/16/2012 6:46 AM EST
Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.