3/29/2024
Today from Hiiraan Online:  _
Wararka Maanta- Isniin, Aug 20, 2012
Muqdisho oo laga dareemayo diyaar-garowga kulan ay yeelanayaan Xildhibaannada Baarlamaanka Soomaaliya

Isniin, Ogoosto 20, 2012 (HOL) — Iyadoo maanta ay ku eg-tahay xilliga DKMG ah ee Soomaaliya ayaa waxaa magaalada Muqdisho laga dareemayaa qabanqaabada kulankii ugu horreeyay oo ay yeelanayaan xidlhibaannada cusub ee baarlamaanka Soomaaliya, kuwaasoo isla maanta la dhaafin doono guddoomiye KMG ah dhexdooda ka xulanaya.

Ammaanka magaalada ayaa aad loo adkeeyay iyadoo kulanka xidhibaannada ee lagu wado inuu maanta qabsoomo ay ka qayb-galaan xubno ka socda beesha caalamka iyo guddiga farasamo ee xulista baarlamaanka.

Mas'uuliyiinta guddiga farsamada ayaa sheegay in kaararka aqoonsiga ay siiyeen 215 xildhibaan kuwaasoo ka qaybgalaya kulanka ugu horreeya ee ay yeelanayaan, waxayna xuseen in maalmaha soo socda la dhameystirayo tirada xildhibaannada oo ah 275-xubnood.

Wararka hoose ee la helayo ayaa waxay sheegayaan in lagu wado in guddoomiyaha KMG ah ee baarlamaanka loo doorto xildhibaanka ugu da'da weyn oo la sheegay in loo maleynayo inuu noqdo jeneraal 73-jir ah oo ka mid ah xidlhibaannada cusub ee baarlamaanka federaalka Soomaaliya.

Xildhibaannadan ayaa waxay go'aan ka gaari doonaan xilliga ay dhacayaan doorashooyinka madaxweynaha, guddoomiyaha baarlamaanka iyo ku xigeennadiisa, iyadoo aan la ogeyn xilliga ay noqon doonto.

Beesha calaamka ayaa waxay doonayaan in doorashada madaxweynaha ay maanta dhacdo si loosoo gabgabeeyo xilliga KMG ah ee Soomaaliya, inkastoo aan rajo weyn laga qabin in doorashada madaxweynuhu ay maanta dhacdo.

Kulanka baarlamaanka cusub ayaa ka dhacaya garoonka diyaaradaha ee Muqdisho, iyadoo kulankaas ay goobjoog ka noqon doonaan madaxweynaha Soomaaliya, ra'iisul wasaaraha iyo guddoomiyihii baarlmaankii KMG ahaa oo dhammaantood ah murashaxiinta u taagan doorashada madaxnimo ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/20/2012 12:48 PM EST
Isniin, August 20, 2012(HOL): Sidii aad kula socoteen wararkeennii hore waxaa hool ku yaalla garoonka diyaaradaha Muqdisho ka socotay dhaarinta xildhibaannada Baarlamaanka cusub ee Soomaaliya, kuwaasi oo tiradoodu dhammeyd 211 Mudane, waxaana dhaarintaas kaddib guddoomiye kumeel gaar ah loo doortay Muuse Shiikh Xasan Cabdulle Xasan.

8/20/2012 10:56 AM EST
Isniin, Ogoosto 20, 2012 (HOL) — Waxaa garoonka diyaaradaha Muqdisho goor dhow ka furmay shirka xildhibaannada cusub ee baarlamaanka Soomaaliya, kaasoo lagu dhaarin doono ayna ku dooran doonaan guddoomyaha kulammada si KMG ah u guddoomin doono inta laga dooranayo guddoomiye cusub.

8/20/2012 10:54 AM EST
Isniin, Ogoosto 20, 2012 (HOL) — Munaasabad si heer sare ah loosoo agaasimay oo laba loogu qaybinayay gobolka Hiiraan ayaa maanta lagu qabtay magaalada Muqdihso, iyadoo ay goojoog ka ahaayeen xildhibaanno iyo wasiirro kasoo jeeda gobolka Hiiraan.

8/20/2012 6:10 AM EST
Hay'adda Camuud (Amoud Foundation) ayaa soo gabagabeysay barnaamijyo isugu jiray afurin, biya-qaybin iyo kaalmo ay ugu talo-gashay ciidul-fidriga kuwaasoo ay ka qaybisay gobollada dalka qaarkood, iyadoo ay ka faa'iideysteen deeqahaas dad badan oo ay ku jireen indhoolayaal.

8/20/2012 5:29 AM EST
Isniin, Ogoosto 20, 2012 (HOL) — Kulan looga hadlayay ammaanka Muqdihso uuna shir guddoominayay madaxweynaha Soomaaliya, Shariif Sheekh Axmed ayaa xalay ka dhacay xarunta madaxtooyada Soomaaliya, waxaana kulankaas ka qayb-galay taliyaha guud ee AMISOM Andrew Gutti.

8/20/2012 3:28 AM EST
Isniin, Ogoosto 20, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dowladda cusub ee la dhisayo ay xoogga saari doonto dib u dhiska dalka 20-sano oo dagaallo kaddib ayna la dagaalami doonto burcadbadeedda oo uu sheegay inay dhibaato ku hayaan dhaqaalaha caalamka.

8/20/2012 3:25 AM EST
Isniin, Ogoosto 20, 2012 (HOL) — Munaasabadda Ciidul-fidriga ayaa si heer loogu dabaal-dagay magaalada Baydhabo ee xarunta gobolka Bay, taasoo lagu qabtay xarunta garoonka kubadda cagta ee Dr Ayuub, waxaana tukashada Salaadda ciidda ka qaygalay mas'uuliyiinta dowladda Soomaaliya ee gobolka Bay.

8/20/2012 2:47 AM EST
Isniin, Ogoosto 20, 2012 (HOL) — Ugu yaraan afar qof oo shacab ah ayaa ku dhaawacmay qaraxyo siyaabo kala duwan xalay uga dhacay degmooyinka Muqdisho kuwaasoo lagu weeraray booliiska Soomaaliya iyo booliiska AMISOM.