3/28/2024
Today from Hiiraan Online:  _
Wararka Maanta- Khamiis, Aug 16, 2012
Qoys ku sumoobay Tuulada Qalaanqal ee gobolka Nugaal

Khamiis, August 16, 2012(HOL): Qoys ka kooban 5 qof ayaa ku sumoobey tuulada Qalaanqal oo ka tirsan gobolka Nugaal, kadib markii ay cabeen biyo ku jirey weel caag ah, oo markiisii hore dareere sun ah lagu keenay.

Hal qof oo qoyskaas ka tirsanaa, islamarkaana ahayd gabar yar ayaa la xaqiijiyey in ay geeriyootey, waxaana maanta deegaankaas gaarey koox ka socota wasaaradda caafimaadka oo isugu jirta dhakhaatiir iyo kaal kaaliyeyaal.

Yuusuf Cali (Dogob) oo ka tirsan odayaasha tuulada Qalaanqal ayaa HOL u sheegay in arintani ay ahayd mid si lama filaan ah ku timid, aadna ay uga argagaxeen, balse markii danbe ay laamaha caafimaadka usoo qaylo dhaan dirsadeen.

" Waa wax laga argagaxo, Jirigaanka markaasaa reerka loo keenay, waxayna u badan tahay in iyaga oo aan si fiican u dhaqin ay biyaha ku shubteen, qadar baase meesha ku jirtey" Yuusuf Cali oo hadalkiisa sii wata ayaa yiri.

Bishii Julay ee lasoo dhaafay ayey ahayd markii Isbitaalada Boosaaso, Qardho iyo Ceeri-gaabo lasoo gaarsiiyey, dad ay tiradoodu 40 kor u dhaafeysey oo ku sumoobey deegaanka Qol ee gobolka Sanaag, kadib markii ay cabeen caano lagu keenay weel aan nadiif ahayn.

Dhulka Soomaalidu  degto waxaa si aad ah looga adeegsadaa weelashada caagga ah (Jirigaamada), gaar ahaan tuulooyinka iyo dhulka miyiga ah, waxaana xusid mudan in xiliyada qaar ay dadku isticmaalaan caagag ay ka dhamaadeen Kiimikooyin halis ah, sida kuwa lagu keeno sunta xoolaha dulinka looga dilo.


Maxamed Salaad Xaaji Dirir, Hiiraan Online
[email protected]
Puntland, Somalia













Click here
8/16/2012 10:59 AM EST
Khamiis, August 16, 2012(HOL): Ra’iisal Wasaaraha Xukuumadda Soomaaliya C/weli Maxamed Cali ayaa ka jawaabay hadal uu shalay qalabka warbaahinta ka sii daayay Madaxweynaha Soomaaliya Shiikh Shariif Shiikh Axmed, kaasi oo ahaa in xukuumadda Soomaaliya aysan lahayn wax saameyn ah, isla markaana aysan wax qaraar ah soo saari karin maadaama uu madaxweynenimo isu soo sharraxay Ra’iisal Wasaaraha.

8/16/2012 9:59 AM EST
Khamiis, Agoosto 16, 2012 (HOL)-Madaxweynaha Somaliland Md: Axmed Maxamed Maxamuud (Siillaanyo), ayaa xalay kulan afur iyo casho iskugu jirta la yeeshay culimadda Somaliland,isla markaana uga waramay xaaladda guud iyo kaalinta ay culimadu ka qaadan karaan wacyigelinta dadweynaha.

8/16/2012 9:55 AM EST
Khamiis August 16, 2012(HOL): Maalmihii ugu dambeeyay, waxaa isbadal xoog leh laga dareemayaa baraamijyada ka baxa idaacadda BBC. Dad badan ayay dhici kartaa in ay la yaaban yihiin waxa sababay isbadalka tayada barnaamijyada, oo uu ka mid yahay midka subixii 7-da aroornimo saacadda Afrikada bari soo gala, waxaa horay uga shaqay jiray muddo sanado ah qof kaliya, iyadoo hadda laba qof ay ka howlgalaan.

8/16/2012 4:25 AM EST
Khamiis, Ogoosto 16, 2012 (HOL) — Waxaa Muqdisho lagu soo bandhigay buuq cusub oo diiradda saaraya xaalada gobolada dhexe, iyadoo buugan loogu magac daray [Tiirka Nabada, Carqaladaga iyo Fursadaha Gobolada Dhexe] ayaa waxaa soo bandhigtay xarunta cilmi-baarista iyo wada-tashiga ee CRD.

8/16/2012 4:22 AM EST
Khamiis, Ogoosto 16, 2012 (HOL) — Ugu yaraan 15-qof oo dhinacyadii dagaalamay ka tirsan ayaa ku dhintay tiro intaas ka badan oo dad rayid ah ay ku jiraanna way ku dhaawacmeen dagaallo culus oo xalay ka dhacay gudaha iyo daafaha degmada Xudur ee gobolka Bakool.

8/16/2012 4:18 AM EST
Khamiis, Ogoosto 16, 2012 (HOL) — Hay'adda culummada Soomaaliyeed ayaa baaq u jeedisay madaxda DKMG ah ee Soomaaliya iyo odayaasha dhaqanka ee ku howlan xulista xildhibaannada cusub ee baarlamaanka.

8/16/2012 4:06 AM EST
Khamiis, Ogoosto 16, 2012 (HOL) — Xoogag taabacsan Xarakada Al-shabaab ayaa shalay gubay gaari jaad u waday degmada Afmadow ee gobolka Jubbada hoose oo ay gacanta ku hayaan ciidamada DKMG ah iyo kuwa caawinaya, iyagoo sidoo kale dilay darawalkii iyo nin kale oo lagu sheegay inuu ahaa ganacsadihii jaadka lahaa.