Isniin, May 24, 2010 (HOL) − Guddoomiyaha Ururka Xisbul Islaam Sheekh Xasan Daahir Aweys oo la hadlay saxaafadda ayaa sheegay in ganacsatada Soomaaliyeed laga doonayo inay shixnadahooda ganacsi kusoo rargtaan Maraakiibta caymiska ku jira.
Sheekh Xasan Daahir ayaa sheegay inuu tacsi u dirayo ganacsatadii uu u rarnaa Markab ganacsi ee ku dagay xeebaha dalka Soomaaliya, kaasoo kusoo jeeday Magaalada Muqdisho, isagoo sheegay in khasaaradaas ay tahay mid aad u weyn.
"Ganacsatadii lahayd alaabooyinka Markabka dagay Waxaan uga tacsiyeynayaa dhibaatadii ku dhacday, waayo Adduunku marna waa qaraar marna waa macaan, waana inay ka digtoonaadaan inay soo rartaan Maraakiibta aan caymiska ku jirin" ayuu yiri Sheekh Xasan Daahir.
Hoggaamiyaha Ururka Xisbul Islaam inay ugu baaqayaan in ganacsatada intii ay doorbidi lahaayeen lacagta yar ee ay kusoo raranayaan Maraakiibta duqowday ay soo rartaan Maraakiibta caymiska ku jira si u helaan caymis dhaqaaale.
"Waxaa la yiri Bakhiilku laba jeer buu qasaaraa, waana uga digayaa gancasatada inay Raqiiska raacaan ayna ku Khasaaraan" ayuu yiri Sheekh Xasan Daahir, isagoo sheegay inay u rajeynayaan ganacsatadii khasaaray badal ka wanaagsan wixii ka lumay.
Markabkan dagay ayaa la sheegay inuu waday ganacsi ay ku jireen baabuur uuna kasoo kicitimay dalka Imaaraadka Carabta, mana jirto tafaasiil dheeraad ah laga hayo shaqaalihii Markabkaas la socday.
Maxamed Xaaji Xuseen, Hiiraan Online
[email protected]
Muqdisho, Soomaaliya
SHEEKH XASAN DAAHIR AWEYS: "Ganacsatada Soomaaliyeed waa inay soo rartaan maraakiibta ku jirta caymiska, si ganacsigooda ugu badbaado"
More News
- Isku shaandheyn lagu sameeyay Galinkii dambe maanta Maamulka Islaamiga ah ee Degmada kismaayo
- Madaxweynaha Somaliland Daahir Rayaale Kaahin, ayaa sheegay in cadaadis lagu saaray in la sii daayo dadka u xidhan falalka Argagixiso ee ku jira Xabsiyada dalka.
- Xarakada Shabaabul Mujaahidiin oo sheegtay inay dagaal weyn ku qaadi doonaan ciidamada AMISOM iyo Madaxtooyada Soomaaliya
- Culummaa'uddiinka Ahlusunna Waljacaama oo sheegay inay xoojin doonaan dagaalka ay kula jiraan Xoogagga Dowladda Soomaaliya kasoo horjeeda
- Xarrakatul Shabaabul Mujaahidiin iyo Ururka Xisbul Islaam oo ka mamnuucay deegaannada ay gacanta ku hayaan Isticmaalka Tusbaxa
- Qoysaskii ku harsanaa Degmooyinka Magaalada Muqdisho oo bilaabay inay guryahooda isaga barakacaan, kaddib dagaallo xooggan oo ka dhacay
- Madaxweynaha Soomaaliya Sheekh Shariif iyo Wasiirka Hiddaha iyo Tacliinta Sare ee Soomaaliya oo ka warbixiyay shirkii Turkey
- Qoys ka koobnaa Hooyo iyo Afar Caruur ah oo ay dhashay oo degmada Buula-burte ugu geeriyooday Biyo sumeysan oo ay cabeen.