Axad, Janaayo, 29, 2017 (HOL) – Ciidamada dowladda ee gobolka Gedo ayaa
howlgal ay ka sameeyeen deegaanno hoostaga degmada Baardheere waxaa ay ku
dileen sarkaal ka tirsanaa Al-shabaab oo magacbiisa lagu sheegay Cabdullaahi
Qanaas.
Saraakiisha ciidamada ee gobolka Gedo ayaa sheegay in howlgal ay ciidamad ka
sameeyeen deegaan lagu magacabo Tuulo Barwaaqo oo ka tirsan degmada Baardheere
ee gobolka Gedo lagu toogtay sarkaalkan.
Sargaalkaan la dilay ayaa lagu sheegay
in uu ahaa horjoogiyihii Al-shabaab ee degmooyinka Garbahaarey, Beledxaawo,
Luuq iyo Buurdhuubo oo ka wada tirsan gobolka Gedo.
Saraakiisha ayaa sheegay in sarkaalka toogteen xili sida ay hadalka u
dhigeen uu ku sugnaa Tuullada islamarkaana aroos ku jiray.
Ugu danbeyntii, saraakiisha ciidamada
dowladda ee gobolka Gedo ayaa sheegay in ay socdaan howlgalo lagula dagaalamayo
Al-shabaab oo wali maamulo qeybo ka mid ah gobollka Gedo ee Koonfurta
Soomaaliya.
C/raxmaan Diini, Hiiraan Online
[email protected]
