3/19/2024
Today from Hiiraan Online:  _
Wararka Maanta- Sabti, Feb 2 , 2013
Madaxweynaha Somaliland oo markii ugu horreysay Ciidamada kala duwan ee Somaliland siiyay Darajooyin

abti, Feberaayo 02, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa markii ugu horaysay ciidamadda Somaliland ee kala duwan siiyey darajooyin, waxaanay noqonaysaa muddo 22 sanno ka dib inay somaliland qaybiso darajooyinka ciidanka, kuwaas oo ku qaadan doona mushaharkoodda, isla markaana miisaaniyadda sanadkan lagu daray in mushaharka lagu siiyo sarkaal waliba darajadda uu sito.

Madaxweynaha ayaa ka qaybgallay sanadguuraddii 19aad ee aasaaskii ciidanka Milatariga Somaliland oo ku beegan 2 Ferbraayo, waxaanu madaxweynuhu sheegay inuu noqdo madaxweynihi u horeeyey ee bixiya darajooyinka ciidamadda oo tan iyo markii la aasaasay ciidankaasi 2 febraayo 1994 kii la siiyo darajooyinkoodda.


Ciidamada darajooyinka loo tallay ayaa ka kala socda ciidanka Milatariga, ciidanka Booliska, ciidanka Asluubta iyo Ciidanka Badda, waxaanu madaxweynuhu darajada ku tollay 12 ka sarkaal ee ugu sareeya oo ah Taliyeyaasha qaybaha kala duwan ee ciidamada iyo ku xigeenaddoodda, kuwaas oo kala ah Taliyaha ciidanka Milatariga Ismaaciil Shaqalle oo laga dhigay darajadda Sareeye Gaas, Taliyaha ciidanka Booliska Cabdilaahi Fadal Iimaan ayaa la siiyey darajadda Sareeye Guuto, Taliyaha Ciidanka Asluubta  Maxamed Xuseen Xiirane ayaa laga dhigay darajada sareeye Guuto, Taliyaha Ilaalinta Xeebaha Axmed Cismaan Axmed ayaa lagu tollay Sareeye Guuto, Abaan-duuleyaasha koowaad iyo labaad ee Ciidanka Milatariga iyo Taliye ku xigeenadda Booliska ayaa la siiyey darajooyinka Sareeye Guuto, Taliye ku xigeenadda Aslaabtu ayaa la gaadhsiiyey Gaashaalle sare.

Munaasibadan loogu dabaaldegayey aasaaskii Ciidanka Milatariga Somaliland ayaa waxa ka soo qaybgalay shirgudoonadda labadda gole, wasiiro, wakiilka Itoobiya u fadhiya Somaliland iyo marti sharaf kale oo badan, waxaany maanta ka duwanayd xafladihii hore ee ay ciidanku qabsan jiray maadaama oo ay tahay markii ugu horaysay oo darajooyin kala yeeshaan ciidanku, taas oo farxad badani ka muuqatay ciidanka kala duwan ee munaasibadda ka soo qaybgalay.

Saraakiisha kala duwan ee la dalacsiiyey ayaa noqonaya shan kun oo sarkaal oo ka tiran qaybaha kala duwan ee ciidanka, waxaanay xisbiga kulmiye u noqoysaa guul weyn oo uu ku faano mar haddii ay arrintaasi u suurtogashay maadaama oo xukuumadihii ka horeeyey aanay suurtogalin, inkastoo ay marar badan isku dayeen inay darajooyinkaasi siiyaan ciidanka, waxaase nasiib u helay xukuumaddan uu gadhwadeenka ka yahay madaxweyne Axmed Siillaanyo.



Sidoo kale, waxa ciidankan ku jiro saraakiil dhallinyaro ah oo kuuliyadaha ciidamadda ee Itoobiya waxbarasho jaamacadeed ka soo qaatay, kuwaas oo iyagu nasiib u helay in aqoontoodda ku helaan darajooyinkaasi ciidanka la siiyey.

Si kastaba ha ahaateem, darajooyinka ciidanka ee maanta la bixiyey ayaa shacabka reer Somaliland aad usoo dhoweeyeen maadaama oo mooralka ciidanka kor u qaadayso.



Barkhad-Ladiif  M. Cumar, Hiiraan Online
[email protected]
Hargeysa, Somaliland













Click here
2/2/2013 4:35 PM EST
Sabti, February 02, 2013(HOL): Waxaa goor dhaw ka billaabatay Hoolka Central Hall Westminster, xaflad si weyn loo soo qaabeeyay oo lagu soo dhaweynayay Madaxweynaha Soomaaliya Xasan Shiikh Maxamuud iyo wafdigiisa oo beryahan ku sugnaa magaalada London ee caasimadda dalka Britain.

2/2/2013 2:53 PM EST
Sabti, February 02, 2013(HOL): Isu soo bax lagaga soo horjeedo kala goynta Soomaaliya isla markaana lagu taageerayo midnimada umada Soomaaliyeed inay tahay mid lama taabtaan ah ah ayaa lagu qabtay magaaladda Buuhoodle gobolka Cayn.

2/2/2013 11:32 AM EST
Sabti, February 02, 2013-Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi heersare ah oo howl shaqo u jooga London ayaa maanta kulamo la qaatay saraakill sar sare oo ka tirsan dowladda Ingriiska.

2/2/2013 8:05 AM EST
Sabti, Feberaayo 02, 2013 (HOL) — Golaha ammaanka ee Qaramada Midoobay ayaa go’aan ka qaadanaya cunno-qabteynta hubka ee saaran Soomaaliya 21-kii sano ee lasoo dhaafay, si dib loogu dhiso ciidamada xoogga dalka oo dagaal kula jira xoogagga Al-shabaab.

2/2/2013 7:18 AM EST
Sabti, Feberaayo 02, 2013 (HOL) — Maxkamadda gobolka Banaadir ayaa dib u dhigtay manta dacwadda loo haysto shan ruux oo ku eedeysan inay ka been abuureen ciidamada dowladda, kuwasoo ay ku jiraan wariye Koronto, haweeney sheegtay inay kufsadeen ciidamada dowladda iyo saddex ruux oo kale, kuwaasoo uu ku jiro sayga haweeneyda la kufsaday.

2/2/2013 7:14 AM EST
Sabti, Feberaayo 02, 2013 (HOL) — Suldaan Muuse Faarax Muuse oo ahaa suldaanka guud ee beelaha Ugaar Saleebaan, ayaa barqanimadii maanta lagu toogtey bartamaha magaalada Boosaaso ee xarunta gobolka Bari.

2/2/2013 6:59 AM EST
Sabti, Feberaayo 02, 2013 (HOL) — Ciidamada dowladda Soomaaliya ee maamulka gobollka Hiiraan iyo kuwa midowgga Africa AMISOM ee ka socda dalka Jabuuti ayaa dhaq dhaqaaqyo militari ka wada deegaanno hoostaga magaalada Baladweyne ee xarunta gobollka Hiiraan.

2/2/2013 6:52 AM EST
Sabti, Feberaayo 02, 2013 (HOL) — Wasiirka wasaaradda qorshaynta iyo horumarinta qaranka Dr. Sacad Cali Shire ayaa sheegay in xukumaddu wado qorshe ay kor u qaadayso wax soo saarka dalka si looga baxo cuntadda dibadda laga keensaddo.

2/2/2013 6:51 AM EST
Sabti, Feberaayo 02, 2013 (HOL) — Buug cusub oo lagu soo koobay taariikhdii Sheekh Isxaaq Binu Axmed ayaa xalay lagu soo bandhigay hoolka hoteel Maansoor ee magaalada Hargeysa ee xarunta Somailland.

2/2/2013 2:20 AM EST
Sabti, Feberaayo 02, 2013 (HOL) —Kooxo hubeysan ayaa xalay weerar banbaano ku qaaday saldhig ay ciidamada Booliska Soomaaliyeed ku lahaayeen degmada Xamarweyne ee gobolka Banaadir, iyadoona weerarkaasi uu sababay dhaawaca sedex qof oo laba kamid ah ay katirsanyihiin ciidamada dowladda.

2/2/2013 1:15 AM EST
Sabti, Feberaayo 02, 2013 (HOL) — Dowladda Kenya ayaa sheegtay in duqeyn diyaaradeed oo ay ka geysatay gobolka Gedo ee Koonfurta dalka Soomaaliya ay ku dishay tiro ka mid ah xoogagga Al-shabaab, sidoo kalena ay ku burburisay gaadiid dagaal iyo kuwo xamuul.

2/2/2013 12:56 AM EST
Sabti, Feberaayo 02, 2013 (HOL) — Wasiirka arrimaha gudaha Somailand, Maxamed Nuur Carraale (Duur) oo warbaahinta la hadlay ayaa sheegay in heegan buuxa la geliyay ciidamada Somaliland, si loo adkeeyo ammaanka guud ee deegaannada uu maamulka Somaliland ka taliyo.

2/2/2013 12:45 AM EST
Sabti, Feberaayo 02, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Britain ayaa ugu baaqay Soomaalida dibadaha ku nool inay dib ugu laabtaan dalkooda, si ay uga qaybqaatan dib u dhiska dalka iyo sugidda ammaankiisa.