3/28/2024
Today from Hiiraan Online:  _
Wararka Maanta- Jimco, Mar 1 , 2013
Jaaliyadda Reer Jabuuti ee ku nool Magaalada Ottowa oo dhigay Dibadbax ay uga Horjeedaan Natiijadii Doorashada (SAWIRRO)


Jimco, Maarso 01, 2013 (HOL) — Bannaabax looga soo horjeedo doorashadii ka dhacday dalka Jabuuti iyo siyaasiyiinta lagu xir-xiray dalkaas ayaa lagu qabtay magaalada Ottawa. Bannaanbaxaas ayaa waxaa soo qaban-qaabiyay jaaliyadda reer Jabuuti ee ku nool magaalada Ottawa ee dalka Kanada.

Dadkan ayaa waxay ku hor bannaabaxayeen safaaradaha Mareykanka iyo Fransiiska, waxaana ka dhex muuqday fannaanka weyn ee Cawaale Aadan ee u dhashay dalka Jabuuti. Bannaabaxayaasha ayaa waxay ku dhawaaqayeen erayo ka mid yihiin: ‘Ma dooneyno kaligii-taliye, maxaabiis u xirxiran siyaasad iyo erayo kale’, iyagoo dalbanayay in lasii daayo siyaasiyiinta xirxiran.

Mudaaharaadkan oo noqonaya kii ugu horreeyay oo xisbiga mucaaradka ah ee USN uu ku qabto meel dibadda ka ah Jabuuti ayaa wuxuu imaanayaa xilli dhawaan ay gudaha Jabuuti ka dhacayeen dibadbaxyo looga horjeedo natiijadii doorashooyinka baarlamaaniga ah ee bishii hore ka dhacay dalka Jabuuti.

Dibadbaxayda ka dhacay gudaha dalka ayaa waxay sababeen isku dhacyo dhexmaray taageerayaasha mucaaradka iyo ciidamada ammaanka Jabuuti, iyadoo kuwaasoo sababay dhaawcyo, iyadoo dhawaan afhayeenka USN, Daahir Axmed Faarax (Deef) uu sheegay in lagu xabsi guri lagu hayo.

Jabuuti ayaa waxaa 22-kii Feberaayo ee lasoo dhaafay ka dhacay doorasho baarlamaani ah, taasoo uu ku guuleysatay isbahaysiga talada dalka Jabuuti haya ee UMP, iyadoo xisbiga USN uu si aad ah ugu dhow yahay, laakiinse mas’uuliyiinta xisbiga ayaa sheegay in la qariyay natiijooyinka rasmiga ah ee doorashooyinka.

Mucaaradku waxay ku andacoonayaan inay heleen tiro ka badan inta lagu dhawaaqay, ayna doonayaan in si rasmi ah loogu dhawaaqo codadka la tiriyay, haddii kale ay socon doonaan dibadbaxyada ay gudaha dalka ka dhigayaan.

Dhanka kale, wasiirka arrimaha gudaha ee dalka Jabuuti, Xasan Dharaar Hufane ayaa ka dalbaday shacabka Jabuuti inaysan ka qaybgelin dibadbaxyo lagu abuurayo deggenaasho la’aan, isagoo xisbiyada mucaaradka ah ee qaba cabashadana ugu baaqay inay cabashadooda u gudbiyaan golaha dastuuriga ah ee dalka Jabuuti.

Axmed Guure, Hiiraan Online
[email protected]
Toronto-Ottowa, Canada













Click here
3/1/2013 12:08 PM EST
Jimco, Maarso 01, 2013 (HOL) — Xoogag taabacsan ururka Al-shabaab ayaa maanta ku dilay deegaanka Awdiinle ee gobolka Bay ganacsade lagu magacaabi jiray, Aadan Shariif, kaddib markii ay kala dageen gaari uu la socday.

3/1/2013 11:57 AM EST
Jimco, Maarso 01, 2013 (HOL) — Maxkamadda ciidammada qalabka sida ee dowladda Soomaaliya ayaa xukunno dil ah ku ridday askar ka tirsan ciidamada dowladda, kuwaasoo horay u geystay dambiyo kala duwan oo ay ku jiraan dilal.

3/1/2013 11:10 AM EST
Jimco, Maarso 01, 2013 (HOL) — Qaar ka mid ah 135-tii oday dhaqameed ee soo xulay xildhibaannada baarlamanka Soomaaliya oo maanta kulan ku yeeshay magaalada Muqdisho ayaa kulankooda kaga hadlay xaaladda uu dalku marayo, dagaalladii Jubbooyinka xildhibaanno la sheegay inay wadaan mooshin ka dhan ah xukuumadda iyo waxqabadka dowladda Soomaliya inta ay jirtay.

3/1/2013 9:45 AM EST
Jimco, Maarso 01, 2013 (HOL) — Laba qarax oo waaweyn ayaa ka dhacay maqaayad ku taal xeebta Liido oo lagu magacaabo Indian Ocean iyadoona qaraxyadaasi ay sababeen khasaarooyin isugu jira dhimasho iyo dhaawac.

3/1/2013 9:09 AM EST
Jimco, March 01, 2013(HOL) - Ra’iisul wasaare ku xigeenka ahna wasiirka arrimaha dibadda ee Soomaaliya marwo Fawziya Yuusuf Xaaji Aadan ayaa ka qaybgashay shir ay yeesheen qaar kamid ah wasiirrada arrimaha dibadda ee wadamada ku bahoobay urur goboleedka IGAD.

3/1/2013 8:58 AM EST
Jimco, Maarso 01, 2013 (HOL) — Ra’isul wasaaraha xukuumadda Federaalka Soomaaliya Cabdi Faarax Shirdoon (Saacid) ayaa markii ugu horeeysay sheegay in xukuumadiisu ay kasoo horjeedo habka uu u socdo shirka maamul u sameynta gobollada Jubooyinka ee maalinimadii shalay ka furmay magaalada Kismaayo ee xarunta gobolka J/hoose.

3/1/2013 2:50 AM EST
Jimco, Maarso 01, 2013 (HOL) — Ururka Midowga Yurub ayaa sheegay inay si dhaqso badan ugu rarayaan howsha tababaridda ciidamada Soomaaliya gudaha magalada Muqdisho ee xarunta Soomaaliya, halkaasoo lagu tababari doono ciidamada Soomaaliya.

3/1/2013 2:36 AM EST
Jimco, Maarso 01, 2013 (HOL) — Qiimaha Shiidaalka, gaar ahaan Naaftadda ayaa qiimahoodii kor u kacay Somaliland, taas oo keentay in gaadiidleydii magaaladda u kala gooshta iyo shirkadihii Laydhka ku hanjabaan inay qiimaha ay dadka ka qaadi jireen ku kordhin doonaan shacabka haddii aan wax laga qaban.

3/1/2013 2:16 AM EST
Jimco, Maarso 01, 2013 (HOL) — Bandhig faneed ay ka qaybgaleen boqolaal qof oo loogu talo-galay in dhaqaalaha kasoo baxa lagu caawiyo caruurta darbiyo jiifka ah ayaa xalay lagu qabtay magaalada Muqdisho ee xarunta Soomaaliya.

3/1/2013 2:14 AM EST
Jimco, Maarso 01, 2013 (HOL) — Ciidamadda sida gaar ah u tobabaran ee loo yaqaan RRU-da oo ay wehelinayaan ciidamadda sirdoonka Somaliland, ayaa habeen hore xilli dambe baadhitaan xoogan ku sameeyey guryo shacab ah oo ku yaala degmadda 26 june ee magaaladda Hargeysa.

3/1/2013 1:57 AM EST
Jimco, Maarso 01, 2013 (HOL) — Gabdho Soomaliyeed oo wax ka barta dlaka Suudaan ayaa soo bandhigay hiddaha iyo dhaqanka Soomaalida oo ay ku jiran habka cunno-karinta, fanka iyo sidoo kale dharka ay Soomaalidu xirntaan.