5/19/2019
Today from Hiiraan Online:  _
Wararka Maanta- Khamiis, Feb 28, 2013
Golaha Wasiirrada Xukuumadda Soomaaliya oo yeeshay kulan ay uga hadleen qodobbo ay ka mid yihiin Canshuuraha (SAWIRRO)



Khamiis, Feberaayo 28, 2013 (HOL) — Golaha wasiirradda xukuumadda Soomaaliya ayaa maanta isugu yimid shirkoodii joogtada ahaa, kaasoo looga hadlay qodobbo dhowr ah oo ay ka mid ahaayeen warbixino laga dhagaystay wasiirro kasoo noqday safarro shaqo ugu maqnaa dibadda dalka,  ansixinta tariifo KMG ah oo lagu qaadayo canshuuraha iyo ammaanka.

 Ugu horreyntii golaha wasiirrada oo uu shirkoodu guddoominayay ra’iisul wasaare Cabdi Faarax Shir-doon (Saacid) ayaa warbixin looga dhageystay wasiirka howlaha guud iyo wasiirka kheyraadka dalka oo safar shaqo ah ku tagay dalalka Suudan iyo Itoobiya, waxayna sheegeen inay shirar la qaateen dhigaggooda dalalkaas iyagoo kala hadlay sidii Soomaaliya looga taageeri lahaa dhinacyada dib u dhiska, waxbarashada iyo noolaynta kaabayaasha dhaqaalaha dalka.

Sidoo kale, golaha ayaa ka dooday sharciga bankiga horumarinta iyo dib-u-dhiska Soomaaliya oo ay dowalddu ku talo jirto inay dhawaan howl-galiso, kaddib marka loo sameeyo sharci lagu maamulo. Bankiga horumarinta ayaa laf-dhabar u ah dhiiri-gelinta ganacsiga iyo horumarinta dadka danta yar, sida beeralayda iyo xoolo dhaqatada.

Waxaa kaloo goluhu maanta ka dooday sharciga nabad-sugidda iyo booliiska iyadoo lagu heshiiyay in la meel mariyo toddobaadka soo socda marka ay golaha wasiiradu isugu yimaadana kulankooda caadiga ah.

Dhanka kale, golaha wasiirrada ayaa si aad ah u soo dhaweeyay guulaha ay ciidamada dowladda dowladdu ka gareen waddada isku xirta shabeellada Hoose iyo Bay, iyadoo dhawaana la filayo in la isku furo isku socodka gadiidka ee magaalada Muqdisho iyo degmada Baydhabo.

Ugu dambeyn, golaha wasiirrada ayaa u ansixyay qiimaha canshuurta si KMG ah, iyagoo ka codsaday wasaaradda maaliyadda inay ku keento golaha hortiisa muddo saddex bilood ah jaangooyn dhameystiran oo lagu qaado canshuuraha kasoo xarooda ilaha dhaqaalaha dalka.






Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
2/28/2013 12:17 PM EST
Khamiis, Feberaayo 28, 2013 (HOL) — Waxaa magaalada Baydhabo ku nool curyaamiin tiradadood gaareyso 500 oo qof oo cid taakuleysaa aysan jirin, waxaana soo food saartay daryeel xumo iyo caafimaad dari aad u daran,

2/28/2013 12:07 PM EST
Khamiis, Feberaayo 28, 2013 (HOL) — Ciidamada Dowladda Soomaaliya iyo kuwa AMISOM oo shalay si nabadgalyo ah kula wareegay degmada Buur-hakaba ee gobolka Bay ayaa weli ku sugan halkaas iyadoo aysan ka dhicin wax dagaallo ah.

2/28/2013 9:08 AM EST
Khamiis, Feberaayo 28, 2013 (HOL) — Taliyaha hoggaanka socdaalka iyo jinsiyadaha Soomaaliya, Jen. C/llaahi Gaafoow Maxamuud oo shir jaraa’id ku qabtay maanta Muqdisho ayaa faah-faahin ka bixiyay lacago dhawaan laga xaday xafiis ay leedahay waaxda socdaalka iyo jinsiyadaha dowladda Soomaaliya.

2/28/2013 8:37 AM EST
Khamiis, Feberaayo 28, 2013 (HOL) —Dawladda Turkiga, ayaa dhagax dhigtay mashruuc biyo soo saar oo ay ka hirgalinayso magaaladda Berbera ee gobolka Saaxil.

2/28/2013 8:28 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inuu cafis u fidiyay dhallinyarada ka tirsan kooxaha burcadbadeedda Soomaalida haddii ay ka tanaasulaan fikirka ku saleysan rabshadaha xeebaha Soomaaliya.

2/28/2013 8:14 AM EST
Khamiis, Feberaayo 28, 2013 (HOL) — Dagaal inta la og-yahay ay laba qof ku dhinteen ayaa ciidmada dowladda Soomaaliya oo kaashanaya AMISOM iyo xoogagga Al-shabaab ku dhexmaray deegaanka Janaale ee gobolka Shabeellada hoose.

2/28/2013 7:36 AM EST
Khamiis, Feberaayo 28, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta xadhiga ka jaray dhismayaal iskugu jira kuwo cusub iyo qaar dib u habayn lagu sameeyey oo ku yaalla xarunta madaxtooyadda Somaliland.

2/28/2013 7:24 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kulan xasaasi ah kula qaatay villa Somalia 60-garsorayaal oo ka kala socday maxkamadda sare, maxkamadda dhexe iyo maxkamadda gobolka Banaadir. Kulankaas oo looga hadlay sidii dib u habeyn loogu sameyn lahaa garsoorka oo qayb ka ah lixda tiir siyaasadeed ee dowladdu ay ku shaqeynayso.

2/28/2013 5:55 AM EST
Khamiis, Feberaayo 28, 2013 (HOL) —Shirkii maamul u sameynta gobollada Jubooyinka ayaa maanta si rasmi ah uga furmay magaalada Kismaayo ee xarunta gobolka J/hoose, iyadoona madasha shirka ay ku suganyihiin ku dhawaad 800 oo ergo oo ka kala socota gobollada Jubooyinka iyo Gedo.

2/28/2013 3:32 AM EST
Khamiis, Feberaayo 28, 2013 (HOL) — Suxufiyiinta magaalada Gaalkacyo ee gobolka Mudug ayaa shalay ku yeeshay xarunta idaacadda Radio Gaalkacyo kulan ay uga hadleen xeerka saxaafadda ee ay dhawaan soo bandhigtay dowladda Soomaaliya, kaasoo ay kaga soo horjeesteen qodobbo ka mid ah xeerkaas.

2/28/2013 3:12 AM EST
Khamiis, Feberaayo 28, 2013 (HOL) — Wasiirka boostada, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa kaga qaybgalay shir looga hadlayay isgaarsiinta caalamiga ah oo magaalada Barcelona ee dalka Spain ka dhacay 25-kii illaa 27-kii bshan Feberaayo, iyadoo shirkaas ay joogeen madax wasiirro iyo mas’uuliyiin ka socday ha’yado caalami ah sida: ITU, ATU iyo GSMA.

2/28/2013 1:09 AM EST
Khamiis, Feberaayo 28, 2013 (HOL) — Ugu yaraan afar ruux oo dhinacyadii dagaalamay ka tirsan ayaa ku dhintay dagaal deegaanka Ow-diinle ee gobolka Bay ku dhexmaray ciidamada dowladda Somalia iyo xoogagga Al-shababa, iyadoo sidoo kalena guddoomiye xaafadeed lagu dilay Baydhabo.

2/28/2013 1:08 AM EST
Khamiis, Feberaayo 28, 2013 (HOL) — Warsaxaafadeed ay Al-shabaab soo saartay ayay kaga hadashay doorashooyinka Kenya ka dhacaya bisha soo socota horraanteeda iyo weliba isbedelka siyaasadeed ee dalkaas uu galayo.