12/14/2019
Today from Hiiraan Online:  _
Wararka Maanta- Khamiis, Feb 28, 2013
Shirkii Maamul u Sameynta Gobollada Jubbooyinka oo Maanta si rasmi ah uga Furmay Magaalada Kismaayo [DAAWO SAWIRRO]




Khamiis, Feberaayo 28, 2013 (HOL) —Shirkii maamul u sameynta gobollada Jubooyinka ayaa maanta si rasmi ah uga furmay magaalada Kismaayo ee xarunta gobolka J/hoose, iyadoona madasha shirka ay ku suganyihiin ergooyin ka kala yimid gobollada Jubooyinka iyo Gedo.

Shirka ayaa ka furmay xarunta Jaamacadda Kismaayo oo ku taal duleedka magaalada, waxaana maanta lagu furmay shirka qudbado hordhac ah oo ay jeedinayeen qaar ka tirsan xubnihii kasoo qeybgalay shirka.

Gudoomiyaha gudiga farsamada ee shirka maamul u sameynta Jubooyinka Macalim Max’ed Ibraahim oo goobta hadal ka jeediyay ayaa sheegay in maanta uu si rasmi ah u furmay shirkii maamul u sameynta Jubooyinka oo mudo dheer ay qabanqaabadiisa ka socotay magaalada Kismaayo.

“Waxaan ku faraxsannahay maanta oo ay taariikhdu tahay 28-ka Febraato, 2013, in qorshihii maamul u sameynta gobollada Jubooyinka ee aan soo wadnay mudo dhan afar sano uu maanta ka furmo xarunta Jaamacadda ee magaalada Kismaayo,” ayuu masuulkani hadalkiissii raaciyay.

Sidoo kale waxa uu sheegay in shirkani ay ka qeybqaadan doonaan ilaa 800 oo ergo oo ka kala iman doonta gobollada Jubooyinka iyo Gedo, isagoona intaa ku daray in ay sugayaan ergo uga iman doonta dowladda Soomaaliya iyo kuwa kale oo laga sugayo dhanka gobolka Gedo, kuwaasoo uu xusay in la filayo in ay isla maanta yimaadaan.

Shirka ayaa waxaa goob joog ka ah Odoyaal dhaqameed, Salaadiin, siyaasiyiinta iyo waxgarad ka kala yimid gobollada Jubooyinka iyo Gedo, waxaana sidoo kale goobta ku sugan masuuliyiinta maamulka KMG ee Kismaayo.

Sheekh Axmed Max’ed Islaam (Axmed Madoobe) oo isna ka mid ahaa masuuliyiintii ka hadashay furitaanka shirka ayaa ugu baaqay dowladda Soomaaliya in ay shirka ka qaadato kaalinteeda, wuxuuna sidoo kale kula dardaarmay ergada shirka ka qeybqaadaneyso in ay soo dhisaan maamul ay iyaga raali ka yihin islamarkaasina gobollada Jubooyinka iyo Gedo ka saara dhibaatooyinka ay mudada dheer kusoo jireen.

Magaalada Kismaayo ayaa maanta si weyn looga hadal hayaa arinta shirka maamul u sameynta gobollada Jubooyinka ee furmay, iyadoona ammaanka magaalada ay siweyn u sugayaan ciidamada dowladda Soomaaliya iyo kuwa Raaskaambooni.

Shirkani ayaa socon doona maalmaha fooda nagu soo hayo, iyadoona la filayo in gabagabada shirka lagu soo dhiso maamul goboleed ay yeelan doonaan sedexda gobol ee Jubada Hoose, J/dhexe iyo Gedo, waxaana uu shirkan kusoo beegmaya xilli shir wadatashi ah oo isna maanta lagu soo gabagabeeyay magaalada Garbahaareey ee xarunta gobolka Gedo, go'aanadii kasoo baxay ay ka mid ahaayeen in dhismaha maamulka jubbaland ka hor loo baahanyahay in xoogga la saaro sidii Al-shabaab looga saari lahaa gobolladaasi, iyo in dhismaha maamulka laga hormariyo shir dib u heshiisiin ah oo ay isugu yimaadaan beelaha dega gobollada Jubooyinka.





Xasan Nuur, Hiiraan Online
[email protected]
Muqdisho, Soomaaliya










Click here
2/28/2013 12:17 PM EST
Khamiis, Feberaayo 28, 2013 (HOL) — Waxaa magaalada Baydhabo ku nool curyaamiin tiradadood gaareyso 500 oo qof oo cid taakuleysaa aysan jirin, waxaana soo food saartay daryeel xumo iyo caafimaad dari aad u daran,

2/28/2013 12:07 PM EST
Khamiis, Feberaayo 28, 2013 (HOL) — Ciidamada Dowladda Soomaaliya iyo kuwa AMISOM oo shalay si nabadgalyo ah kula wareegay degmada Buur-hakaba ee gobolka Bay ayaa weli ku sugan halkaas iyadoo aysan ka dhicin wax dagaallo ah.

2/28/2013 11:41 AM EST
Khamiis, Feberaayo 28, 2013 (HOL) — Golaha wasiirradda xukuumadda Soomaaliya ayaa maanta isugu yimid shirkoodii joogtada ahaa, kaasoo looga hadlay qodobbo dhowr ah oo ay ka mid ahaayeen warbixino laga dhagaystay wasiirro kasoo noqday safarro shaqo ugu maqnaa dibadda dalka, ansixinta tariifo KMG ah oo lagu qaadayo canshuuraha iyo ammaanka.

2/28/2013 9:08 AM EST
Khamiis, Feberaayo 28, 2013 (HOL) — Taliyaha hoggaanka socdaalka iyo jinsiyadaha Soomaaliya, Jen. C/llaahi Gaafoow Maxamuud oo shir jaraa’id ku qabtay maanta Muqdisho ayaa faah-faahin ka bixiyay lacago dhawaan laga xaday xafiis ay leedahay waaxda socdaalka iyo jinsiyadaha dowladda Soomaaliya.

2/28/2013 8:37 AM EST
Khamiis, Feberaayo 28, 2013 (HOL) —Dawladda Turkiga, ayaa dhagax dhigtay mashruuc biyo soo saar oo ay ka hirgalinayso magaaladda Berbera ee gobolka Saaxil.

2/28/2013 8:28 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inuu cafis u fidiyay dhallinyarada ka tirsan kooxaha burcadbadeedda Soomaalida haddii ay ka tanaasulaan fikirka ku saleysan rabshadaha xeebaha Soomaaliya.

2/28/2013 8:14 AM EST
Khamiis, Feberaayo 28, 2013 (HOL) — Dagaal inta la og-yahay ay laba qof ku dhinteen ayaa ciidmada dowladda Soomaaliya oo kaashanaya AMISOM iyo xoogagga Al-shabaab ku dhexmaray deegaanka Janaale ee gobolka Shabeellada hoose.

2/28/2013 7:36 AM EST
Khamiis, Feberaayo 28, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta xadhiga ka jaray dhismayaal iskugu jira kuwo cusub iyo qaar dib u habayn lagu sameeyey oo ku yaalla xarunta madaxtooyadda Somaliland.

2/28/2013 7:24 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kulan xasaasi ah kula qaatay villa Somalia 60-garsorayaal oo ka kala socday maxkamadda sare, maxkamadda dhexe iyo maxkamadda gobolka Banaadir. Kulankaas oo looga hadlay sidii dib u habeyn loogu sameyn lahaa garsoorka oo qayb ka ah lixda tiir siyaasadeed ee dowladdu ay ku shaqeynayso.

2/28/2013 3:32 AM EST
Khamiis, Feberaayo 28, 2013 (HOL) — Suxufiyiinta magaalada Gaalkacyo ee gobolka Mudug ayaa shalay ku yeeshay xarunta idaacadda Radio Gaalkacyo kulan ay uga hadleen xeerka saxaafadda ee ay dhawaan soo bandhigtay dowladda Soomaaliya, kaasoo ay kaga soo horjeesteen qodobbo ka mid ah xeerkaas.

2/28/2013 3:12 AM EST
Khamiis, Feberaayo 28, 2013 (HOL) — Wasiirka boostada, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa kaga qaybgalay shir looga hadlayay isgaarsiinta caalamiga ah oo magaalada Barcelona ee dalka Spain ka dhacay 25-kii illaa 27-kii bshan Feberaayo, iyadoo shirkaas ay joogeen madax wasiirro iyo mas’uuliyiin ka socday ha’yado caalami ah sida: ITU, ATU iyo GSMA.

2/28/2013 1:09 AM EST
Khamiis, Feberaayo 28, 2013 (HOL) — Ugu yaraan afar ruux oo dhinacyadii dagaalamay ka tirsan ayaa ku dhintay dagaal deegaanka Ow-diinle ee gobolka Bay ku dhexmaray ciidamada dowladda Somalia iyo xoogagga Al-shababa, iyadoo sidoo kalena guddoomiye xaafadeed lagu dilay Baydhabo.

2/28/2013 1:08 AM EST
Khamiis, Feberaayo 28, 2013 (HOL) — Warsaxaafadeed ay Al-shabaab soo saartay ayay kaga hadashay doorashooyinka Kenya ka dhacaya bisha soo socota horraanteeda iyo weliba isbedelka siyaasadeed ee dalkaas uu galayo.