5/19/2019
Today from Hiiraan Online:  _
Wararka Maanta- Arbaco, Feb 27, 2013
Waxgarad ka soo jeeda Jubbooyinka oo Xukuumadda Kenya ugu baaqay inay Faraha kala baxdo maamul u sameynta Jubbooyinka




Arbaco, Feberaayo 27, 2013 (HOL) — Kulan ballaaran oo ay isugu yimaadeen qaar kamid ah beelaha dega gobollada Jubooyinka islamarkaasina ka dhacay Hotel City Palace ee magaalada Muqdisho ayaa si kulul loogu cambaareeyay dowladda Kenya oo lagu eedeeyay in ay faraha kula jirto arimaha maamul u sameynta Jubooyinka.

Odoyaal, waxgarad iyo aqoonyahanno goobta hadallo kala duwan ka jeediyay ayaa siweyn uga soo horjeestay shirka la doonayo in maamul loogu sameeyo gobolalda Jubooyinka oo ay sheegeen in uu yahay mid aan loo dhameyn islamarkaasina ay wataan dad gaar ah.

Xildhibaan Xuseen Baajuun oo kamid ahaa dadkii goobta ka hadlay ayaa si kulul u cambaareeyay shirka imika ka soconayo magaalada Kismaayo, wuxuuna ugu baaqay dhamaan beelaha dega Jubooyinka in ay isu yimaadaan islamarkaasina ay si wadajir ah uga tashadaan aayahooda.

Xildhibaan Max’ed Xassan Fiqi oo isna goobta ka hadlay ayaa sheegay in dowladda Kenya ay masuul ka tahay dhibaatada ka taagan magaalada Kismaayo, wuxuuna ugu baaqay in ay faraha kala baxdo arimaha maamul u sameynta Jubooyinka.

“Uma dulqaadaneeyno in dowladda Kenya ay horistaagto hannaanka nabadda Soomaaliya,” ayuu yiri Bood C/dile Magan oo ka mid ah siyaasiyiintii goobta ka hadashay, isagoona intaa ku daray in dowladda Soomaaliya ay masuul ka tahay arinta maamul u sameynta Jubooyinka islamarkaasina ay haboon tahay in iyada looga danbeeyo.

Goobta ayaa waxa sidoo kale hadallo ka jeediyay aqoonyahanno, odoyaal, haween iyo dhalinyaro, kuwaasoo dhamaantoodba si isku mid ah uga soo horjeestay shirka imika ka soconayo Kismaayo ee la doonayo in maamul loogu sameeyo Jubooyinka, iyagoona sidoo kale dowladda Soomaaliya ugu baaqay in ay sida ugu dhaqsaha badan usoo farageliso arinta maamul u sameynta Jubooyinka.

Shirkan ay yeesheen waxgaradaka kasoo jeeda Jubooyinka ayaa kusoo beegmaya xilli dhawaan wasiirka arimaha gudaha iyo amniga qaranka dowladda Soomaaliya Mudane C/kariin Xuseen Guuleed  uu sheegay in xukuumadda Soomaaliya aysan waxba kala socon shirka maamulka loogu sameynayo gobollada Jubooyinka ee ka socda magaalada Kismaayo, isagoona ugu baaqay maamulka KMG ee Kismaayo iyo shacabka ku dhaqan gobolkaasi in ay kasoo qeybgalaan shir wadatashi ah oo looga hadlayo arimaha Jubooyinka, kaasoo la filayo in bisha soo socota bilowgeeda uu ka dhaco  magaalada Muqdisho ee caasimadda dalka Soomaaliya.








Xasan Nuur, Hiiraan Online
[email protected]
Muqdisho, Soomaaliya










Click here
2/27/2013 12:50 PM EST
Arbaco, Feberaayo 27, 2013 (HOL) — Ururka dhallinyarada SYL II ayaa maanta xaflad qalin-jebin ah u sameeyay illaa 150 arday oo ahaa dufcaddii saddexaad oo ka qalin-jebiya machadka SYL II ee xirfadaha shaqo abuurka, kaasoo si lacag la’aan ah wax loogu barayay.

2/27/2013 12:13 PM EST
Arbaco, Feberaayo 27, 2013 (HOL) — Xaalad biyo la'aaneed oo baahsan ayaa soo food saartay dadweynaha ku dhaqan magaalada Laascaanood ee Gobolka Sool, kaddib markii ay ilo-biyoodyadii deegaanka oo dhami ay gabaabsi noqdeen.

2/27/2013 8:43 AM EST
Arbaco, Feberaayo 27, 2013 (HOL) — Munaasabad siweyn loo soo agaasimay islamarkaana ay ka qeyb-galeen mas’uuliyiinta maamulka gobollka, saraakiisha ciidamada Jabuuti AMISOM, odayaasha dhaqanka iyo xubno ka kala socday qeybaha bulshada rayidka oo lagu qabtay magaalada Baladweyne aya lagu soo bandhigay waxqabadka ururka midowgga dhalinyarrada gobollka Hiiraan [Hiran Youth Development Association].

2/27/2013 8:07 AM EST
Arbaco, Feberaayo 27, 2013 (HOL) — Ugu yaraan 35-qof ayaa ku dhintay shil gaari oo maanta ka dhacay magaalada Mwingi oo ku taalla duleedka magaalada Nairobi ee xarunta Kenya, iyadoo ay ku dhaawacmeen 70 qof oo kale.

2/27/2013 7:27 AM EST
Arbaco, Feberaayo 27, 2013 (HOL) — Maxkamadda ciidamada qalabka sida ee Puntland ayaa maanta xukun ku ridey dad ku eedeysnaa in ay ka danbeeyeen dilkii Sheekh/Dr. Axmed Xaaji Cabdiraxmaan oo kamid ahaa culimada waaweyn ee Soomaaliya.

2/27/2013 7:25 AM EST
Arbaco, Feberaayo 27, 2013 (HOL) — Ciidamada booliiska magaalada Baladweyne ayaa gacanta ku dhigay maanta oo Arbaco ah in ka badan 25 dhalinyarro ah oo sida ay sheegeen saraakiisha booliiska Baladweyne uga shakisan yihiin in ay ka tirsan yihiin Al-shabaab.

2/27/2013 2:55 AM EST
Arbaco, Feberaayo 27, 2013 (HOL) — Magaalada Jabuuti ee xarunta dalka Jabuuti ayaa waxaa labadii maalmood ee ugu dambeeyay ka socday isku-dhacyo u dhexeeyay ciidamada ammaanka Jabuuti iyo taageerayaasha xisbiga mucaaradka ah ee USN oo ka cabanaya natiijadii doorashooyinkii golaha baarlamaanka Jabuuti.

2/27/2013 2:21 AM EST
Arbaco, Feberaayo 27, 2013 (HOL) — Ugu yaraan shan qof oo labada dhinac ah ayaa ku dhintay tiro intaas ka badnna way ku dhaawcmeen dagaal culus oo ciidamada dowladda iyo xoogagga Al-shabaab ku dhexmaray gabal-dhicii shalay deegaanka Daynuunaay oo 18-km u jira degmada Baydhabo.

2/27/2013 2:03 AM EST
Arbaco, Feberaayo, 27, 2013 (HOL) -- Weerar loo adeegsaday Bam gacmeed ayaa fiidnimadii xalay waxaa ay kooxo hubeysan ku qaadeen guri ku yaalla xaafadda Howl-wadaag ee magaalada Baladweyne, sida ay HOL u xaqiijiyeen saraakiisha ciidamada booliiska.

2/27/2013 1:50 AM EST
Arbaco, Feberaayo 27, 2013 (HOL) — Hay’adda Bancroft iyo AMISOM ayaa shalay tababar uga furay Muqdisho saraakiil ka tirsan ciidamada Milateriga dowladda Soomaaliya, kaasoo socon doona muddo laba toddobaad ah.

2/27/2013 1:25 AM EST
Arbaco, Feberaayo 27, 2013 (HOL) — Dekedda weyn ee Muqdisho ayaa laga dhoofiyay markii ugu horreysay xalay xoolo nool oo ganacsi ah, kaddib sannado badan, iyadoo munaasabadda furitaanka ay ka qaybgaleen xubno ka socday dowladda Soomaaliya.

2/27/2013 12:50 AM EST
Arbaco, Feberaayo 27, 2013 (HOL) — Ciidamada dowladda Soomaaliya iyo kuwa AMISOM oo iskaashanaya ayaa 7:00 aroonimo saakay oo Arbaco ah si nabad ah kula wareegay degmada Buur-hakaba ee gobolka Bay, kaddib markii ciidamadu labaadii maalmood ee lasoo dhafay ku dhawaanayeen degmadaas.