2/28/2024
Today from Hiiraan Online:  _
Wararka Maanta- Axad, Nov 19, 2023
Dowladda Soomaaliya oo Safiirkii ugu horeeyay u dirtay dalka Eretariya
 

Axad, November, 19, 2023 (HOL) - Madaxweynaha dalka Eretariya Isaias Afwerki ayaa warqadaha aqoonsiga Safiirnimo si rasmi ah uga guddoomay Safiirkii ugu horeeyay ee abid Soomaaliya u dirto dalkaas.

Madaxweyne Xasan Sheekh Maxamuud ayaa u magacaabay Safiirka Soomaaliya u fadhin doona dalka Eretariya Dr Cumar Idiris, kaasoo horey u soo noqday Safiirkii dalka Qatar u fadhiyay Soomaaliya sanadahii 2011 ilaa 2017-kii.

Safiirka cusub ee Soomaaliya ee dalka Eretariya ayaa qoraal uu soo dhigay bartiisa X ee horay loo oran jiray Twitter-ka ku sheegay inuu ku faraxsan yahay inuu noqdo safiirkii ugu horeeyay ee dalka Soomaaliya u fadhiista Eretariya.

“Sharaf ayay ii ahayd in aan noqdo safiirkii ugu horreeyey ee Soomaaliya u fadhin doona Erirea taariikhda labada dal ee walaalaha ah” ayuu ku yiri Danjire Cumar Idiris qoraal kooban oo u soo dhigay bartiisa X.

Wuxuu sidoo kale sheegay Danjire Cumar iney ka go’an tahay ka shaqeynta xiriirka walaaltinnimo ee labada dal Soomaaliya iyo Eretariya oo leh taariikh dheer.












Click here
11/19/2023 5:26 PM EST
Axad, November, 19, 2023 (HOL) - Hay'adda Sirdoonka Somaliland ee NIA ayaa soo bandhigtay hub, dawooyin iyo dirays ciidan oo ay ku qabatay magaalada Burco.

11/19/2023 11:24 AM EST
Axad, November, 19, 2023 (HOL) - Faahfaahin dheeraad ah ayaa kasoo baxaysa weerar ay kooxda Al Shabaab xalay saqdii dhexe ku qaadeen Saldhigga Ciidamada Midowga Afrika ee ATMIS ay ku leeyihiin degmada Buulo Mareer ee Gobolka Shabellaha Hoose.

11/19/2023 7:54 AM EST
Axad, November, 19, 2023 (HOL) - Nabadoonada iyo waxgaradka kasoo jeeda magaalada Garowe ayaa soo saaray baaq nabadeed oo ay u jeedinayaan siyaasiyiinta mucaaradka iyo madaxweynaha Puntland.

11/19/2023 3:54 AM EST
Axad, November, 19, 2023 (HOL) - Ciidamo taabacsan mucaaradka Puntland ayaa saakay waaberigii, waxay dhaqdhaqaaqyo ciidan ka sameeyeen qeybo kamid ah magaalada Garowe ee caasimadda Puntland.

11/19/2023 2:36 AM EST
Axad, November, 19, 2023 (HOL) - Waxaa goordhaw lagu toogtay fagaare ku yaala magaalada Guriceel ee gobolka Galgaduud askari ka tirsanaa ciidanka Nabadsugida oo bilawgii bishaan dil ugu geystay gudaha magaaladaasi Cabdullaahi Cali Hudey oo ahaa nin la dhashay taliyaha Booliiska Saldhigga degmada Guriceel.

11/19/2023 2:09 AM EST
Axad, November, 19, 2023 (HOL) - Warar dheeraad ah ayaa kasoo baxaya dagaal Xalay ka dhacay gudaha degmada Buula mareer ee gobolka Shabeellaha Hoose, kaasoo u dhaxeyay ciidanka Midowga Afrika ee ATMIS, gaar ahaan kuwa ka socda dalka Uganda iyo kuwa Kooxda Al-shabaab.

11/19/2023 1:24 AM EST
Axad, November, 19, 2023 (HOL) - Mucaaradka Puntland oo saxaafadda kulada magaalada Garowe, ayaa wada hadalkii madaxweyne Deni ee arrimaha doorashooyinka, ku tilmaamay mid jees jees ah