3/28/2024
Today from Hiiraan Online:  _
Wararka Maanta- Axad, May 21, 2023
Dowladda Soomaaliya oo gargaar u dirtay magaalada Laascaanood

Axad, May, 21, 2023 (HOL) - Hay'adda Maareynta Musiiboyinka Qaranka Soomaaliya ee SODMA ayaa Maanta diyaarad sida shixnad gargaar oo daawo ah u dirtay magaalada Laascaanood ee xarunta gobolka Sool oo ay ka socdaan tan iyo bishii labaad dagaalo qaraar oo u dhaxeeya ciidamada Somaliland iyo kuwa dadka deegaanka Laascaanood.

Diyaaradaan ayaa gargaarka daawada ah ka dajin doonta magaalada Garoowe ee xarunta maamulka Puntland, waxaana halkaasi kasii qaadaya gaadiid geyn doona Isbitaalka magaalada Laascaanood.

Gargaarkaan daawada ah ee Maanta Muqdisho ka dirtay hay'adda maareeynta Masiibooyinka Qaranka ayaa isugu jira qeybaha kala duwan ee daawada, taasoo loogu talo galay in lagu dabiibo dadka rayidka ah ee waxyeelada kasoo gaartay dagaalada iyo duqeymaha ka socda Laascaanood.

Masuliyiin ay ka tirsan Hay'adda Mareeynta musiiboyinka Qaranka Soomaaliya ayaa diyaaradaan Maanta ka sagootiyay garoonka diyaaradaha Aadan Cadde ee magaalada Muqdisho.

Gargaarkaan daawada ah ee loo diray Isbitaalka Laascaanood ayaa kusoo beemaya, iyadoo Muqdisho horay loo geeyay dad shacab ah oo kusoo dhaawacmay dagaalada iyo duqeymaha ciidamada Somaliland ka wadaan gudaha magaalada Laascaanood ee xarunta gobolka Sool.
    












Click here
5/21/2023 5:16 PM EST
Axad May 21, 2023 (HOL) - Safiirka Soomaaliya u fadhiya dalka Sacuudi Arabia danjire Saalim Macow Xaaji ayaa iscasilay sababo la xariira dhaqan xume ay kula kaceen wafdigii madaxweynaha ee shirka Jaamacadda kaga qayb-galay magaalada Jidda ee dalka Sacuudiga.

5/21/2023 10:02 AM EST
Axad, May, 21, 2023 (HOL) - Wararka ka imaanaya gobolka Galgaduud ee maamulka Galmudug ayaa sheegaya in ciidamada dowladda Soomaaliya oo kaashanaya kuwa dadka deegaanka iney Maanta u ruqaansadeen dhinaca degmada Ceelbuur ee gobolka Galgaduud.

5/21/2023 9:54 AM EST
Axad, May, 21, 2023 (HOL) - Guddoomiyaha xisbiga UCID ee Somaliland Faysal Cali Waraabe, ayaa sheegay in Somaliland anay la hadli doonin ergayga wadahadal Somaliland iyo Soomaaliya ee dhawaan uu Madaxweyne Xasan Sheekh magacaabay.

5/21/2023 6:47 AM EST
Axad, May, 21, 2023 (HOL) - Dowladda federalka Soomaaliya ayaa sida aan xogta ku helayno waxay casuumaad u fidisay Isimada SSC ee ku sugan magaalada Laascaanood, si ay u yimaadaan magaalada Muqdisho.

5/21/2023 4:49 AM EST
Axad, May, 21, 2023 (HOL) - Dowladda Uganda ayaa tababar usoo xirtay ciidamo katirsan milatariga Soomaaliya, kuwaas oo uu tababar uga socday dalka Uganda.

5/21/2023 3:05 AM EST
Axad, May, 21, 2023 (HOL) - Raysal wasaaraha Xukuumadda fedaraalka Soomaaliya Xamse Cabdi Barre ayaa sheegay in dib loo dhigay qaadista Imtxaanka shahaadiga ah ee ardayda magaalada Baledweyne, sababo la xariira fataahada wabiga Shabeelle uu ka sameeyay Baledweyne oo ay ku barakaceen kumanaan qoys.

5/21/2023 1:58 AM EST
Axad, May, 21, 2023 (HOL) - Dowladda Soomaaliya ayaa sheegtay inuu geeriyooday horgooje sare oo katirsanaa kooxda Alshabaab oo lagu magacaabo Mahad Cagadub.