3/1/2024
Today from Hiiraan Online:  _
Wararka Maanta- Talaado, May 2 , 2023
Dowladda Soomaaliya oo ku dhawaaqday qiimaha sanadkan lagusoo xajinayo
 

Talaado, May, 2, 2023 (HOL) - Raysul wasaaraha Soomaaliya Xamse Cabdi Barre ayaa ku dhawaqey qiimaha Xajka sanadkan, kaddib munaasabad galabta ka dhacdey Xarunta Wasaaradda Awqaafta iyo Arrimaha Diinta ee magaalada Muqdisho.

Wasiirka Wasaaradda Awqaafta iyo Arrimaha Diinta Sheekh Mukhtaar Roobow Cali, ayaa Raysul Wasaaraha ku sharfey inuu asaga si rasmi ugu dhawaaqo qiimaha xajka ee sanadkan iyo shirkadda diyaaradaha ee ku guuleysatey daabulka xujeyda Soomaaliyeed.

Wasaaradda diinta ayaa soo saartay qiimaha lagu tagayo xajka, qiimahaas oo dhan $4,484, waxaana sida muuqata hoos loo dhigay lacagihii awal xujeyda laga qaadi jiray oo ahayd ku dhawaad shan kun oo dollar.

Wasaaradda diinta iyo awqaafta waxay sheegtay in tallaabo laga qaadidoono shirkaddii qarash intaan ka badan ka qaada xujeyda Soomaaliyeed.

Illaa 75 shirkadood ayaa ku guulaystay daabulka xujeyda, kaddib wasaaraddu u qabatay shirkadaha soo dalbaday.













Click here
5/2/2023 12:45 PM EST
Talaado, May, 2, 2023 (HOL) - Taliyaha ciidanka xoogga dalka Soomaaliya Jenaraal Odawaa Yuusuf Raage ayaa sheegay howlgal ciidamada dowladda ay ka fuliyeen deegaanka Ceel qaboobe in lagu laayay Ajaaniib ka dhinac dagaalamaysay kooxda Al-shabaab, islamarkaana kuwa kale nolosha lagu qabtay.

5/2/2023 9:07 AM EST
Talaado, May, 2, 2023 (HOL) - Dowladda Federaalka Soomaaliya iyo Midowga Yurub ayaa maanta daahfuray Geeddi-socod Wadashaqayneed oo dhabaha u furaya iskaashi cusub oo dhex maraya labada sano ee soo socota.

5/2/2023 5:16 AM EST
Talaado, May, 2, 2023 (HOL) - Hay'adda Duulista Rayidka Soomaaliyeed ayaa soo saartay qoraal digniin ah oo ku socda shirkadaha duulimaadyada gudaha dalka oo cabasha xoogan kasoo gudbiyeen rakaabka isticmaala diyaaradaha u kala duula gobolada dalka.

5/2/2023 4:04 AM EST
Talaado, May, 2, 2023 (HOL) - Wasiirka Gaashaandhigga xukuumadda Soomaaliya Cabdulqaadir Maxamed Nuur ayaa la kulmay ku xigeenka ergeyga gaarka ah ee Qaramada Midoobay u qaabilsan Soomaaliya Anita Kiki.

5/2/2023 2:41 AM EST
Talaado, May, 2, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ka qeyb galay dood furan oo si toos ah loogu weydiinayay su'aalo kala duwan oo la xariira xaalada dalka iyo waxqabadka dowladdiisa ayaa si faahfaahsan uga hadlay arrimo ay ka mid ahayeen in dowladiiisa ay ka go'an tahay in dalka laga xureeyo Al-shabaab, islamarkaana ay hirgeliso qabashada doorasho qof iyo cod ah sanadka 2026-ka.

5/2/2023 1:30 AM EST
Talaado, May, 2, 2023 (HOL) - Ciidanka Xoogga Dalka ee ku sugan Koonfurta gobolka Mudug ayaa la sheegay inay howlgal qorshaysan ku dileen 60 ka tirsan Alshabaab.