3/1/2024
Today from Hiiraan Online:  _
Wararka Maanta- Talaado, May 2 , 2023
Midowga Yurub iyo Dowladda Soomaaliya oo daah-furay Qorshaha Hawl-galka Wadajirka ah ee labada dhinac
 

Talaado, May, 2, 2023 (HOL) - Dowladda Federaalka Soomaaliya iyo Midowga Yurub ayaa maanta daahfuray Geeddi-socod Wadashaqayneed oo dhabaha u furaya iskaashi cusub oo dhex maraya labada sano ee soo socota.

Mr. Josep Borrell Fontelles oo ah Wakiilka Madaxweyne Ku-Xigeenka Midowga Yurub, ayaa sheegay in geeddi-socodka wada shaqayneed uu diirrada saarayo saddex arrimood oo kala ah, siyaasada loo dhan yahay iyo dimuqraadiyadda, amniga iyo xasiloonida, iyo horumarinta dhaqaalaha bulshada.

“Midowga Yurub iyo Soomaaliya waxay jaal ahaayeen muddo dheer iyada oo hannaankan loo dhan yahay ee lagu qeexay arrimaha hortabinta u leh labada dhinac uu tusaale u yahay in iskaashigeennu miradhal noqonayo. Midowga Yurub iyo Soomaaliya waxay iska kaashanayaan suurtogelinta nabad waarta, amni iyo horumar iyada oo la raacayo nidaam ku saleysan qawaaniinta caalamiga ah", ayuu yiri Mr. Fontelles.

Wasiirka arrimaha dibadda ee Soomaaliya, Abshir Cumar Haruuse ayaa sheegay heshiiskaan uu kaalin weyn ka qaadanayo in xukuumaddu ku guulaysato qorshayaasheeda ku aadan, dhameystirka dastuurka dalka, iyo horumarinta maxkamadaha.

Ra’iisul Wasaaraha Xukuumadda Soomaaliya Xamse Cabdi Barre oo hadal ka jeediyey daah-furka ayaa bogaadiyay tallaabadan, isaga oo muujiyay ahmiyadda uu ku fadhiyo dadaalkan lagu xoojinayo iskaashiga ka dhexeeya Soomaaliya iyo Midowga Yurub.

“Qorshahan wadashaqaynta ah ee maanta la daahfuray wuxuu jidka u falayaa xiriir cusub, wuxuuna caddeyn u yahay sida ay inooga go’an tahay inaan iskaashigan uga faa'iideysano si waxtar u leh shacabkeenna, islamarkaana la xaqiijiyo in faa'iidadiisu gaarto dhammaan muwaadiniinta Soomaaliyeed. Midowga Yurub waa saaxiib la isku halleyn karo oo aan la leenahay iskaashi dhow, waxaana hubaa in Geeddisocodkan Wadashaqayneed uu horseedi doono horumar ballaaran oo laga gaaro arrimaha muhiimka u ah dowlad dhiska, amniga, nabadgelyada, koboca dhaqaalaha iyo daadajinta adeegyada dowladda", ayuu yiri Ra'iisul Wasaare Xamse.

Ku dhawaaqida heshiiskaan ayaa ergeyga Gaarka ah ee Midowga Yurub u qaabilsan Geeska Afrika iyo Badda Cas, Annette Weber, wuxuu ku dhawaaqday in €20.5 milyan Midowga Yurub oo uu ku tageerayo miisaaniyada cusub Soomaaliya ee bisha Sebtembar.












Click here
5/2/2023 1:09 PM EST
Talaado, May, 2, 2023 (HOL) - Raysul wasaaraha Soomaaliya Xamse Cabdi Barre ayaa ku dhawaqey qiimaha Xajka sanadkan, kaddib munaasabad galabta ka dhacdey Xarunta Wasaaradda Awqaafta iyo Arrimaha Diinta ee magaalada Muqdisho.

5/2/2023 12:45 PM EST
Talaado, May, 2, 2023 (HOL) - Taliyaha ciidanka xoogga dalka Soomaaliya Jenaraal Odawaa Yuusuf Raage ayaa sheegay howlgal ciidamada dowladda ay ka fuliyeen deegaanka Ceel qaboobe in lagu laayay Ajaaniib ka dhinac dagaalamaysay kooxda Al-shabaab, islamarkaana kuwa kale nolosha lagu qabtay.

5/2/2023 5:16 AM EST
Talaado, May, 2, 2023 (HOL) - Hay'adda Duulista Rayidka Soomaaliyeed ayaa soo saartay qoraal digniin ah oo ku socda shirkadaha duulimaadyada gudaha dalka oo cabasha xoogan kasoo gudbiyeen rakaabka isticmaala diyaaradaha u kala duula gobolada dalka.

5/2/2023 4:04 AM EST
Talaado, May, 2, 2023 (HOL) - Wasiirka Gaashaandhigga xukuumadda Soomaaliya Cabdulqaadir Maxamed Nuur ayaa la kulmay ku xigeenka ergeyga gaarka ah ee Qaramada Midoobay u qaabilsan Soomaaliya Anita Kiki.

5/2/2023 2:41 AM EST
Talaado, May, 2, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ka qeyb galay dood furan oo si toos ah loogu weydiinayay su'aalo kala duwan oo la xariira xaalada dalka iyo waxqabadka dowladdiisa ayaa si faahfaahsan uga hadlay arrimo ay ka mid ahayeen in dowladiiisa ay ka go'an tahay in dalka laga xureeyo Al-shabaab, islamarkaana ay hirgeliso qabashada doorasho qof iyo cod ah sanadka 2026-ka.

5/2/2023 1:30 AM EST
Talaado, May, 2, 2023 (HOL) - Ciidanka Xoogga Dalka ee ku sugan Koonfurta gobolka Mudug ayaa la sheegay inay howlgal qorshaysan ku dileen 60 ka tirsan Alshabaab.