3/1/2024
Today from Hiiraan Online:  _
Wararka Maanta- Talaado, May 2 , 2023
Soomaaliya iyo Qaramada Midoobay oo ka wada hadlay cunaqabateynta hubka ee saaran Soomaaliya
 

Talaado, May, 2, 2023 (HOL) - Wasiirka Gaashaandhigga xukuumadda Soomaaliya Cabdulqaadir Maxamed Nuur ayaa la kulmay ku xigeenka ergeyga gaarka ah ee Qaramada Midoobay u qaabilsan Soomaaliya Anita Kiki.

Labada mas’uul ayaa ka wada hadlay arrimo dhowr ah oo ay ka mid yihiin kordhinta taageerada dhanka saadka ah ee ciidamada qalabka sida iyo qaadista cunaqabateynta hubka ee saaran Soomaaliya.

Maalmo ka hor yay ahayd markii dalalka ciidamadu ay ka joogaan Soomaaliya ay ku baaqeen in Soomaaliya laga cuna qabataynta hubka, si ciidamadeeda qalabka sida u helaan qalabayn iyo dib u dhis xooggan.

Dowladda Soomaaliya waxay sheegtay in cunaqabaynta hubka ay caqabad weyn ku tahay dib u xoraynta dalka iyo dagaalka lagula jiro kooxda Alshabaab.

Bishii November, 2022, Golaha Ammaanka ee Qaramada Midoobay ayaa u codeeyay in la sii wado cunaqabateynta hubka ee saaran Soomaaliya.

Golaha ammaanku wuxuu sheegay in Al-shabaab ay weli khatar weyn ku tahay nabadda iyo xasilloonida gobolka, loona baahan yahay in cunaqabateyn lagu soo rogo si loo dhimo dhaqdhaqaaqyadooda.












Click here
5/2/2023 1:09 PM EST
Talaado, May, 2, 2023 (HOL) - Raysul wasaaraha Soomaaliya Xamse Cabdi Barre ayaa ku dhawaqey qiimaha Xajka sanadkan, kaddib munaasabad galabta ka dhacdey Xarunta Wasaaradda Awqaafta iyo Arrimaha Diinta ee magaalada Muqdisho.

5/2/2023 12:45 PM EST
Talaado, May, 2, 2023 (HOL) - Taliyaha ciidanka xoogga dalka Soomaaliya Jenaraal Odawaa Yuusuf Raage ayaa sheegay howlgal ciidamada dowladda ay ka fuliyeen deegaanka Ceel qaboobe in lagu laayay Ajaaniib ka dhinac dagaalamaysay kooxda Al-shabaab, islamarkaana kuwa kale nolosha lagu qabtay.

5/2/2023 9:07 AM EST
Talaado, May, 2, 2023 (HOL) - Dowladda Federaalka Soomaaliya iyo Midowga Yurub ayaa maanta daahfuray Geeddi-socod Wadashaqayneed oo dhabaha u furaya iskaashi cusub oo dhex maraya labada sano ee soo socota.

5/2/2023 5:16 AM EST
Talaado, May, 2, 2023 (HOL) - Hay'adda Duulista Rayidka Soomaaliyeed ayaa soo saartay qoraal digniin ah oo ku socda shirkadaha duulimaadyada gudaha dalka oo cabasha xoogan kasoo gudbiyeen rakaabka isticmaala diyaaradaha u kala duula gobolada dalka.

5/2/2023 2:41 AM EST
Talaado, May, 2, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ka qeyb galay dood furan oo si toos ah loogu weydiinayay su'aalo kala duwan oo la xariira xaalada dalka iyo waxqabadka dowladdiisa ayaa si faahfaahsan uga hadlay arrimo ay ka mid ahayeen in dowladiiisa ay ka go'an tahay in dalka laga xureeyo Al-shabaab, islamarkaana ay hirgeliso qabashada doorasho qof iyo cod ah sanadka 2026-ka.

5/2/2023 1:30 AM EST
Talaado, May, 2, 2023 (HOL) - Ciidanka Xoogga Dalka ee ku sugan Koonfurta gobolka Mudug ayaa la sheegay inay howlgal qorshaysan ku dileen 60 ka tirsan Alshabaab.