3/3/2024
Today from Hiiraan Online:  _
Wararka Maanta- Arbaco, Mar 15, 2023
Dowladda Soomaaliya oo xukun dil ah ku fulisay saraakiil ciidan iyo dhaqtar been abuur ah oo katirsanaa Alshabaab

Arbaco, Maarso, 15, 2023 (HOL) - Maxkamadda ciidamada qalabka sida ee Soomaaliya ayaa saakay xukun dil ah ku fulisay saddex nin oo katirsanaa Alshabaab.

Saddexda nin ee la toogtay ayaa lagu kala magacaabaa.

1-Maxamed Cabdulle Abkow Cumar (Biyamaalow).

2-Shariif Maxamed Barqadle Ayaanle (Jeego).

3- Maxamed Cabdi Nuur Jiirow (Dhaqtar Fanax).

Sida ay maxkamaddu sheegtay saddexdan nin waxay kala ahaayeen labo sarkaal oo hay'adaha amniga ee dowladda katisanaa, balse u xuubsiibtay Alshabaab iyo mid ku shaqeysanayay darajada sarkaal iyo dhaqtar been abuur ah.

Raggaan ayaa masuul ka ahaa qaraxyo waawayn oo dad badani ku dhinteen oo badi Muqdisho ka dhacay iyo dilal qorshaysan oo loo geystay rad rayid ah iyo masuuliyiin dowladeed.

Hay'adaha amniga ee dowladda ayaa ku guulaystay inay raggaan soo qabtaan, iyagoo ku shaqeysanayay magaca ciidanka, Shabaabna u fududeeyay weerraro badan oo khasaare geystay.

Dowladda ayaa u muuqata inay xukunkooda dadajisay todobaadyo kadib markii xukun dil ah lagu riday, lanasoo bandhigtay macluumaadkooda iyo dambiyada ay geysteen.













Click here
3/15/2023 11:09 AM EST
Arbaco, Maarso, 15, 2023 (HOL) - Waxaa magaalada Dhuusamareeb ee xarunta maamulka Galmudug lagu soo gabagabeeyay shir afartii maalmood ee lasoo dhaafay halkaasi uga socday Wasaaradda Ganacsiga Xukuumadda Federaalka Soomaaliya iyo Wasaaradaha Ganacsiga dowlad gooboleedyada kala ah Galmudug, Jubbaland, Hirshabeelle, Koonfur Galbeed iyo Maamulka Gobolka Banaadir.

3/15/2023 7:56 AM EST
Arbaco, Maarso, 15, 2023 (HOL) - Dowladda Imaaraatka Carabta ayaa maanta Muqdisho ka dajisay gargaar mucaawino ah oo gaaraya 800 tan.

3/15/2023 6:27 AM EST
Arbaco, Maarso, 15, 2023 (HOL) - Afhayeenka Guddida 33-ka ee Laascaanood ku sugan, ayaa sheegay in anay hirgalin xabad joojintii xukuumada Somaliland ku dhawaqday, iyo in anay wadahadal aqbalayn ilaa ciidamada Somaliland Oog tagaan.

3/15/2023 5:58 AM EST
Arbaco, Maarso, 15, 2023 (HOL) - Puntland ayaa sheegtay inay kasoo horjeedo qorshaha dowladda Federaalka Soomaaliya ay ku doonayso in ay deymo uga hesho hay’adaha caalamiga ah iyo dalalka deeqaha bixiya.

3/15/2023 3:54 AM EST
Arbaco, Maarso, 15, 2023 (HOL) - Dowladda Fedaraalka Soomaaliya ayaa markale shaaca ka qaaday in ciqaab adag la marsiin doono cid walba oo lagu helo iney ka mid tahay kooxda Al-shabaab ama garab u noqota.

3/15/2023 2:30 AM EST
Aqoonta cusub ee daaweynta unugyada asliga ah (stem cell therapy) ayaa waa cusub u furtay daaweynta cuduro kala duwan. Qaar ka mid ah cudurada ku dhaca indhaha ayaa ka mid kuwa lagu daaweyn karo habkaan cusub ee daaweynta unugyada (Stem Cell therapy). Haddii laga helo ogolaasho Wasaaradda Caafimaadka ee qaabilsan arrintaan, bukaano badan ayaa ka faa’ideysan karo aqoontaan cusub ee daaweynta unugyada (Stem Cell Therapy).