4/12/2024
Today from Hiiraan Online:  _
Wararka Maanta- Isniin, Mar 13, 2023
Soomaaliya iyo Shiinaha oo ka wada hadlay dagaalka ka dhanka ah argagixisada
 

Isniin, Maarso, 13, 2023 (HOL) - Soomaaliya iyo Shiinaha ayaa ku heshiiyey in ay iska kaashadaan la dagaallanka argagixisada ka dib wada hadal dhexmaray Wasiirka Gaashaandhigga Soomaaliya, C/qaadir Maxamed Nuur iyo Safiirka Shiinaha ee Soomaaliya, Fei Shengchao.

Mas’uuliyiintan oo ku kulmay magaalada Muqdisho ayaa sidoo kale isku afgartay in la xoojiyo xiriirka labada dal.

Labada masuul ayaa ku nuuxnuuxsaday muhiimadda ay leedahay xoojinta iskaashiga Soomaaliya iyo Shiinaha ee horumarinta nabadda iyo amniga.

Waxa ay sidoo kale ka wada hadleen ajandayaasha dowladda ee la dagaalanka kooxda Alshabaab iyo baahida loo qabo qaadista cunaqabateynta hubka.

Wasiirka gaashaandhigga, ayaa sheegay in  Fei, ay ka wada hadleen arrimaha nabadda iyo ammaanka, dadaallada la dagaallanka argagixisada, iyo qaadista cunaqabateynta hubka ee saaran Soomaaliya.












Click here
3/13/2023 4:54 PM EST
Isniin, Maarso, 13, 2023 (HOL) - Guddiga amniga gobolka Mudug ee Puntland ayaa amray in masaajidda kuyaalla magaalada Gaalkacyo lagu xiro kaamirooyinka qarsoon ee ka qeyb qaata sugida amniga .

3/13/2023 11:35 AM EST
Isniin, Maarso, 13, 2023 (HOL) - Golaha Aqalka Sare ee Baarlamaanka Fedaraalka Soomaaliya oo uu shir guddoominaayay guddoomiye ku xigeenka koowaad Cali Shacbaan Ibraahin ayaa Maanta cod aqlabiyad leh ku ansixiyay xubnaha guddiga madaxa banaan ee dib u eegista Dastuurka dalka.

3/13/2023 10:37 AM EST
Isniin, Maarso, 13, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo Maanta magaalada Muqdisho ka daahfuray shirweynaha qaran ee Waxbarashada dalka ayaa sheegay in dowladdiisa ay ka go'an tahay dib u soo nooleynta, mideynta iyo tayeynta nidaamka Waxbarashada dalka.

3/13/2023 7:43 AM EST
Isniin, Maarso, 13, 2023 (HOL) - Goob uu madaxweynaha Soomaaliya Xasan Sheikh Maxamuud uga qeyb galayay shirweynaha waxbarashada Soomaaliya, ayaa si kedis ah waxaa halmar uga kacay dab ka dhashay fiilooyinka korontada.

3/13/2023 3:13 AM EST
Isniin, Maarso, 13, 2023 (HOL) - Ciidamada Kumaandooska xoogga dalka Soomaaliyeed oo kaashanaya ciidanka Daraawiishta maamulka Jubbaland ayaa saacadahii lasoo dhaafay howlgalo qorsheysaysan ka sameeyay deegaanka Miido oo ka mid ah deegaanada hoostaga degmada Afmadoow ee gobolka Jubbada Hoose.

3/13/2023 1:37 AM EST
Isniin, Maarso, 13, 2023 (HOL) - Maxkamadda ciidamada qalabka sidda ee Soomaaliya, ayaa saakay xukun dil ah ku fulisay labo askari oo katirsanaa ciidanka dowladda.