3/28/2024
Today from Hiiraan Online:  _
Wararka Maanta- Arbaco, Feb 1 , 2023
Faahfaahino kasoo baxaya dagaal xoogan oo ka dhacay deegaanka Beerxaano ee gobolka Hiiraan
 

Arbaco, February, 1, 2023 (HOL) - Warar dheeraad ah ayaa kasoo baxaya dagaal xoogan oo Maanta ku dhexmaray ciidamada dowladda Soomaaliya oo kaashanaya kuwa dib u xureynta deegaanka iyo dagaalamayaal ka tirsan kooxda Al-shabaab deegaanka Beerxaano oo ka mid ah deegaanada hoostaga magaalada Baledweyne.

Dagaalka ayaa yimid kadib markii ciidamada is garabsanaya ay ka war heleen xubno ka tirsan Shabaab oo isku aruursanaayay deegaanka, islamarkaana ay weerar ku qaadeen goobtii ay isku aruursanayeen xubnaha ka tirsan Shabaab.

Waxaa la tilmaamay in dagaalka uu ahaa mid aad u xoogan oo la isku adeegsaday hubka noocyadiisa kala duwan oo waliba laga maqlaayay meelo ka fog fog halka uu dagaalka ku dhexmaray ciidamada is garabsanaya iyo Al-shabaab.

Dagaalka oo qaatay mudo ka badan 1 saac oo xiriir ayaa labada dhinac waxaa kala gaaray gurmadyo ciidan, wararka hordhaca ee aan ka haleynay khasaaraha ka dhashay dagaalka ayaa sheegaya iney ku dhinteen 4 ruux oo labada dhinac ah, sida uu shabakada HOL u sheegay mid ka mid dadka ku sugan deegaanka Beerxaano ee gobolka Hiiraan.

Saraakiisha ciidamada dowladda ayaa warbaahinta gudaha waxay u sheegeen in dagaalka ay khasaare xoogan ku gaarsiiyeen Al-shabaab, walow aysan carabaabinta inta uu dhan yahay khasaaraha, iyagoo intaa ku daray in Shabaab ay ka saareen deegaano ay ka mid yihiin Beerxaano Tarashante Dhoqor iyo kuwa kale oo dhamaantood dhaca dhinaca Koonfureed ee magaalada Baledweyne.












Click here
2/1/2023 8:10 AM EST
Arbaco, February, 1, 2023 (HOL) - Shir madaxeedka dalalka safka hore uga jira dagaalka Alshabab ayaa lagusoo gabagabeeyay magaalada Muqdisho, waxaana kasoo baxay war murtiyeed ay ku midaysan yihiin madaxda shirka.

2/1/2023 7:29 AM EST
Arbaco, February, 1, 2023 (HOL) - Madaxweynaha Soomaaliya Xasan Sheekh Maxamuud ayaa guddoomiyey shir afar-geesood ah oo ay Muqdisho kuwa qaateen madaxweynayaasha dalalka Kenya, Jabuuti iyo Ra’iisul Wasaaraha Itoobiya.

2/1/2023 4:23 AM EST
Arbaco, February, 1, 2023 (HOL) - Dowladda Kenya ayaa sheegtay in Soomaaliya ay ka taageeri doonto dagaalka ka dhanka ah Al-Shabaab, xilli magaalada Muqdisho uu ka socdo shir looga hadlayo amniga oo u dhaxeeya wadamada safka hore kaga jira howlaha nabad ilaalinta Soomaaliya.

2/1/2023 3:01 AM EST
Arbaco, February, 1, 2023 (HOL) - Waxaa Maanta magaalada Dhuusamareeb es xarunta maamulka Galmudug lagu qabtay doorashada kursiga tirsigiisu yahay HOP 147, kaasoo ka mid ahaa kuraasta ka banaan Golaha Shacabka Baarlamaanka 11-aad ee dalka, kasoo uu baneeyay Taliyaha Hay'adda NISA Mahad Maxamed Salaad.

2/1/2023 2:04 AM EST
Talaado, January, 31, 2023 (HOL) - Inta badan degmooyinka magaalada Muqdisho ayaa laga maqlay jugta tiro hoobiyeyaal oo la tilmaamay iney ku dhaceen qaar kood xaafadaha ku yaala agagaarga Xarunta Madaxtooyada Soomaaliya.

2/1/2023 12:22 AM EST
Arbaco, February, 1, 2023 (HOL) - Madaxweynayaasha dalalka Kenya, Ethoipia iyo Jabuuti ayaa maanta kusoo wajahan magaalada Muqdisho, iyagoo ka qeyb galaya shir madaxeedka dalalka ciidamadu ka joogaan Soomaaliya.

2/1/2023 12:13 AM EST
Arbaco, February, 1, 2023 (HOL) - Xukuumada Somaliland ayaa Puntland uga digtay in ay diwaangalinta doorashada ka samayso deegaanka Dhahar, iyadoo taageertay diidmo ay shacabku ka muujiyeen qaadashada kaadhka codaynta Puntland.