3/28/2024
Today from Hiiraan Online:  _
Wararka Maanta- Arbaco, Feb 1 , 2023
Soomaaliya iyo Kenya oo ku heshiiyey in ay wadajir ah uga qeyb galaan howlgallada ka dhanka ah Al-Shabaab
 

Arbaco, February, 1, 2023 (HOL) - Dowladda Kenya ayaa sheegtay in Soomaaliya ay ka taageeri doonto dagaalka ka dhanka ah Al-Shabaab, xilli magaalada Muqdisho uu ka socdo shir looga hadlayo amniga oo u dhaxeeya wadamada safka hore kaga jira howlaha nabad ilaalinta  Soomaaliya.

Itoobiya, Jabuuti iyo Kenya ayaa kumannaan askari oo milateri ah ku deeqay si ay u taageeraan ciidamada Soomaaliya si ay uga adkaadaan Al-Shabaab.

Sida lagu sheegay war qoraal ah oo ka soo baxay Milatariga Soomaaliya, Taliyaha Ciidanka Xoogga Gen. Odawaa Yuusuf iyo dhiggiisa Kenya Gen. Robert Kariuki ayaa wada hadal ku yeeshay Muqdisho.

Labada Taliye ayaa ka wada hadlay xoojinta iskaashiga ciidan ee ka dhaxeeya labada dal.

Kariuki ayaa muujiyay sida dalkiisu uu diyaar ugu yahay in uu door muhiim ah ka qaato dagaalka ka dhanka ah Al-Shabaab.

Kenya ayaa horay waxaa uga dhacay weeraro lagu hoobtay oo Al-Shabaab ay ku qaadeen oo galaaftay nolosha boqolaal muwaadiniin Kenyan ah.

Kooxda Alshabaab ayaa beegsatay magaalooyinka xuduudka sida Mandheera, Wajeer iyo Gaarisa iyo sidoo kale Nairobi iyo deegaano ka tirsan gobolka xeebta.

Taliyaha ciidamada XDS, Gen. Odawaa ayaa xaqiijiyay in Soomaaliya ay kala shaqeyn doonto Kenya sugidda ammaanka xuduudaha u dhaxeeya dalalka, isagoo sheegay in Soomaaliya ay diyaar u  tahay in ay Kenya la wadaagta xogta sirdoonka.












Click here
2/1/2023 9:20 AM EST
Arbaco, February, 1, 2023 (HOL) - Warar dheeraad ah ayaa kasoo baxaya dagaal xoogan oo Maanta ku dhexmaray ciidamada dowladda Soomaaliya oo kaashanaya kuwa dib u xureynta deegaanka iyo dagaalamayaal ka tirsan kooxda Al-shabaab deegaanka Beerxaano oo ka mid ah deegaanada hoostaga magaalada Baledweyne.

2/1/2023 8:10 AM EST
Arbaco, February, 1, 2023 (HOL) - Shir madaxeedka dalalka safka hore uga jira dagaalka Alshabab ayaa lagusoo gabagabeeyay magaalada Muqdisho, waxaana kasoo baxay war murtiyeed ay ku midaysan yihiin madaxda shirka.

2/1/2023 7:29 AM EST
Arbaco, February, 1, 2023 (HOL) - Madaxweynaha Soomaaliya Xasan Sheekh Maxamuud ayaa guddoomiyey shir afar-geesood ah oo ay Muqdisho kuwa qaateen madaxweynayaasha dalalka Kenya, Jabuuti iyo Ra’iisul Wasaaraha Itoobiya.

2/1/2023 3:01 AM EST
Arbaco, February, 1, 2023 (HOL) - Waxaa Maanta magaalada Dhuusamareeb es xarunta maamulka Galmudug lagu qabtay doorashada kursiga tirsigiisu yahay HOP 147, kaasoo ka mid ahaa kuraasta ka banaan Golaha Shacabka Baarlamaanka 11-aad ee dalka, kasoo uu baneeyay Taliyaha Hay'adda NISA Mahad Maxamed Salaad.

2/1/2023 2:04 AM EST
Talaado, January, 31, 2023 (HOL) - Inta badan degmooyinka magaalada Muqdisho ayaa laga maqlay jugta tiro hoobiyeyaal oo la tilmaamay iney ku dhaceen qaar kood xaafadaha ku yaala agagaarga Xarunta Madaxtooyada Soomaaliya.

2/1/2023 12:22 AM EST
Arbaco, February, 1, 2023 (HOL) - Madaxweynayaasha dalalka Kenya, Ethoipia iyo Jabuuti ayaa maanta kusoo wajahan magaalada Muqdisho, iyagoo ka qeyb galaya shir madaxeedka dalalka ciidamadu ka joogaan Soomaaliya.

2/1/2023 12:13 AM EST
Arbaco, February, 1, 2023 (HOL) - Xukuumada Somaliland ayaa Puntland uga digtay in ay diwaangalinta doorashada ka samayso deegaanka Dhahar, iyadoo taageertay diidmo ay shacabku ka muujiyeen qaadashada kaadhka codaynta Puntland.