2/28/2024
Today from Hiiraan Online:  _
Wararka Maanta- Sabti, Nov 18, 2023
Xildhibaano iyo siyaasiyiin reer Hiiraan ah oo ka hadlay saameynta fatahaada Baledweyne
 

Sabti, November, 18, 2023 (HOL) - Qaar ka mid ah Xildhibaanada iyo siyaasiyiinta kasoo jeeda gobolka Hiiraan ayaa maanta kulan ay ku yeesheen magaalada Muqdisho kaga hadlay saameynta ka dhalatay fataahada wabiga Shabeelle uu ka sameeyay Baledweyne.

Xildhibaanadaan iyo siyaasiyinta ayaa ugu baaqay dowladda Soomaaliya iyo beesha Caalamka in gurmad deg deg ah la gaaran shacabka reer Baledweyne ee sida weyn u saameysay Fataahada.

Xildhibaan Maalik Cabdalla oo ka mid ah mudanayaasha Baarlamaanka Fedaraalka Soomaaliya ayaa sheegay in dadka reer Baledweyne gabi ahaanba ay wajahaan xaalado adag oo dhanka nolosha ah, islamarkaana loo baahan yahay in gargaar lala gaaro.

"Caruur, waayeel, haween, dhalinyaro dhamaan waa laga barakacay guud ahaan xaafadaha Baledweyne, waxa indhaha laga fiirsan kato maha waxa Baledweyne ka jiro, waxaan ku baaqeyna in loo gurmado dadkaas dhibaatadu hayso" ayuu yiri Xildhibaan Maalin Cabdalla.

Waxaa sidoo kale ay ka digeen Xildhibaanada iyo siyaasiyiin in gurmadka loo sameynayo dadka reer Baledweyne in loo marsiiyo gacan aamin ah.

"Waxan dalbaneyna in gargaarka Baledweyne la gaarsiin doono in laga taxadaro oo gacan aamin ah lagu hubiyo oo aanan loo gacan galin kuwa wax ka raadinaya gargaarka shacabka, anaga Xildhibaanada waan tageyna si aan uga hortagno inuu gacan kale galo gargaarka dadweynaha loogu talo galay"ayuu yiri Xildhibaan Maalik Cabdalla.

Hadalkaan kasoo yeeray qaar ka mid ah Xildhibaanada iyo siyaasiyiinta reer Hiiraan ayaa kusoo beegmaya, iyadoo gargaarka loogu talo galay dadka shacabka ah dhowr jeer oo hore la boobay ama aanan la garsiin dadkii loogu talo galay, sababo la xariira musuqmaasuq.












Click here
11/18/2023 3:58 AM EST
Sabti, November, 18, 2023 (HOL) - Kulan looga hadlayay ammaanka deegaanada hoos yimaada degmada Cadale ee Gobolka Shabeellaha Dhexe, ayaa waxaa heshiis lagu gaaray in hay’adaha amnigu soo qabtaan qofkii qof dila, laguna fuliyo xukunka shareecada.

11/18/2023 3:46 AM EST
Sabti, November, 18, 2023 (HOL) - Taliyaha ciidanka Danab ee Puntland, Kornayl Jimcaale Jaamac Takar ayaa jawaab ka bixiyay hadal uu shalay saxaafadda kasii daayay madaxweyne Deni, kaasoo ahaa inuu cafis fidiyay sarkalkan iyo ciidankiisa.

11/18/2023 2:52 AM EST
Sabti, November, 18, 2023 (HOL) - Magaalada Bacaadweyn ee gobolka Mudug ayaa lagu soo bandhigay boqolaal ciidamada deegaanka ah oo loo diyaariyay ka qeybgalka dagaalka ka dhanka ah kooxda Al-shabaab.

11/18/2023 2:13 AM EST
Sabti, November, 18, 2023 (HOL) - Warar dheeraad ah ayaa kasoo baxaya dab xoogan oo geystay khasaare badan oo Xalay ka kacay suuqa Xamarweyne, gaar ahaan qeybta Masjidka Marwaas, kaasoo markii dambe ku fiday qeybo kale oo ka mid ah suuqa Dahablaha iyo Suuqa Hilibka.

11/18/2023 1:57 AM EST
Sabti, November, 18, 2023 (HOL) - Laba wiil oo dhallinyaro ah ayaa geeriyooday kadib markii ay ku qarqoomeen bada Berbera shalay galabtii.

11/18/2023 1:24 AM EST
Sabti, November, 18, 2023 (HOL) - Madaxweynaha Puntland Siciid Cabdulaahi Deni ayaa markii ugu horraysay sheegay in uu diyaar u yahay inuu garnaqsi la galo siyaasiyiinta mucaaradka ee kasoo horjeeda doorashada qof iyo cod.