2/22/2024
Today from Hiiraan Online:  _
Wararka Maanta- Talaado, Nov 14, 2023
Madaxweynaha Somaliland oo isku shaandhayn ku sameeyay xukuumadiisa

Talaado, November, 14, 2023 (HOL) - Madaxweynaha Somaliland Muuse Biixi Cabdi ayaa magacaabid, xilka qaadis iyo isku badal ku sameeyay golihiisa xukuumada.

Madaxweynaha ayaa xilkii ka qaaday Wasiirkii Beeraha Cabdiqaadir Iimaan Warsame, Wasiirkii Isgaadhsiinta Dr. Cabdiweli Sh. Cabdillaahi Suufi Jibriil, Wasiirkii Diinta iyo Awqaafta Cabdirisaaq Xuseen Cali Albaani iyo Wasiirkii Maalgashiga Cabdi Cismaan Cabdulle Dhaga-weyne.

Dhinaca kale, waxa uu xilal u magacaabay Axmed Yuusuf Idiris Cawaale Wasiirka Wasaaradda Isgaadhsiinta, Axmed Aadan Axmed Buuxane Wasiirka Wasaaradda Waxbarashada, Axmed Maxamed Diiriye Wasiirka Wasaaradda Qorshaynta, Cabdirisaaq Ibraahim Maxamed Wasiirka Maal-gashiga, Cali Xasan Maxamed Wasiirka Wasaaradda Warfaafinta, Saleebaan Yuusuf  Cali Koore Wasiirka Biyaha iyo Maxamed Xaaji Aadan Cilmi Wasiirka Wasaaradda Diinta iyo Awqaafta.

Marka lag yimaado isku badalka iyo xil ka qaadista madaxweynaha ayaa Afhayeenkii Xisbiga Kulmiye Cabdinaasir Muxumed Xasan Buuni u magacaabay Wasiirka Xidhiidhka Golayaasha iyo Arrimaha Dastuurka,  sidookale Raabbi Cabdi Maxamed ayuu u magacaabay Wasiirka Wasaaradda Kalluumaysiga, halka Saleebaan Cawad Cali Bukhaari  iyo Axmed Maxamed Habbane  loo magacaabay wasiirada jidadka iyo beeraha.

Waa isku shaandhayntii ugu balaadhnayd ee uu madaxweynaha Somaliland sameeyo tan iyo markii uu xilka qabtay 6 sanno kahor.












Click here
11/14/2023 9:11 AM EST
Talaado, November, 14, 2023 (HOL) - Raysal wasaare ku xigeenka Xukuumadda Fedaraalka Soomaaliya Saalax Axmed Jaamac iyo wafdi uu hogaaminayo ayaa maanta tagay magaalada Baydhabo ee xarunta gobolka Baay si ay uu ugu kuur galaan xaaladda dadka ay saameeyeen daadadka ka dhashay roobabka deyrta ah ee El-nino.

11/14/2023 6:40 AM EST
Talaado, November, 14, 2023 (HOL) - Dallada mucaaradka Puntland ayaa maanta oo talaado ah waxay soo saareen jadwalka doorashada baarlamaanka iyo madaxtooyada, iyagoo sheegay in ay ka ambaqaadayaan go’aankii kasoo baxay shirkii golaha Isimada.

11/14/2023 4:26 AM EST
Talaado, November, 14, 2023 (HOL) - Wabiga Shabeelle ayaa saadacahii lasoo dhaafay ku fatahay deegaano iyo degmooyin ka tirsan gobolka Shabeellaha Hoose.

11/14/2023 3:52 AM EST
Talaado, November, 14, 2023 (HOL) - Madaxweynaha Soomaaliya, Xasan Sheikh Maxamuud oo wareysi siiyay warbaahinta Arab News, ayaa sheegay, in rabshadaha u dhexeeya Israa'iil iyo kooxda Falastiiniyiinta ee Xamaas lagu xalin karo heshiis siyaasadeed.

11/14/2023 1:10 AM EST
Talaado, November, 14, 2023 (HOL) - Garaad Jaamac Garaad Cali oo katirsan golaha sare ee dhaqanka SSC- Khaatumo, ayaa sheegay in ay ciidamada SSC ku fasixi doonaan inay gudaha u galaan degaanada Somaliland.