3/4/2024
Today from Hiiraan Online:  _
Wararka Maanta- Isniin, Mar 27, 2023
Garaad Jaamac Garaad Ismaaciil oo ka hadlay qorshaha cusub ee millateriga Somaliland

Isniin, Maarso, 27, 2023 (HOL) - Garaad Jaamac Garaad Ismaaciil oo ka hadlay qorshaha uu millateriga Somaliland sheegay in uu kula dagaalamayo xoogaga Laascaanood, ayaa sheegay in horeba ay ciidanka Somaliland weerar u ahaayeen.

Garaad Ismaaciil oo waraysi siiyay idaacada BBC Somali, ayaa ka jawaabay qorshaha uu millaterigu ku sheegay in ay kula dagaalamayaan ciidamada aan reer Sool ahayn, wuxuuna ku andacooday in cid aan reer Sool ahayni anay joogin gobolka.

"Waxan reer Sool ahayn anagu ma aragno, dadka joogaa waa dadkii deegaanka u dhashay, haday weerar soo qaadayaan awalba way soo qaadi jireen wax u dhimana ma jiraan" ayuu yidhi Garaad Ismaaciil.

Millateriga Somaliland ayaa shalay ku dhawaaqay in ay weerar qorshaysan ku qaadi doonaan xoogaga kula dagaalamaya Laascaanood, gaar ahaan ciidamo beeleedyada ka yimid deegaanada Puntland.

Kadib go'aanka uu millaterigu soo saaray shalay maanta wax dagaal ahi ma dhicin, iyadoo ay magaalada Laascaanood soo gaadheen madaxdhaqameed kasoo kicitimay magaalada Muqdisho oo sheegay in ay gacan ka gaysanayaan daminta colaada.












Click here
3/27/2023 11:17 AM EST
Isniin, Maarso, 27, 2023 (HOL) - Raysal Wasaaraha Xukuumadda fedaraalka Soomaaliya Xamse Cabdi Barre ayaa Maanta magaalada Muqdisho ka dhagax dhigay Warshadd sameyneysa Burka oo ah tii ugu horreysay ee nooceeda ah ee ganacsato Soomaaliyeed ay ka hirgeliyaan gudaha dalka burburkii dowladii dhexe kadib.

3/27/2023 10:05 AM EST
Isniin, Maarso, 27, 2023 (HOL) - Urur goboleedka IGAD ayaa beesha caalamka ugu baaqaya in ay dhaqaale dheeri ah ku bixiyaan sidii loola dagaalami lahaa abaaraha ka jira dalka Soomaaliya.

3/27/2023 9:44 AM EST
Isniin, Maarso, 27, 2023 (HOL) - Taliska qeybta 60-aad ee ciidanka xoogga dalka Soomaaliyeed ee ka howlgalada deegaanada maamulka Koonfur Galbeed ayaa Maanta soo bandhigay Abshir Axmed Macalin oo ka mid ahaa mudo aad u dheer dagaalamayaasha kooxda Al-shabaab.

3/27/2023 8:53 AM EST
Isniin, Maarso, 27, 2023 (HOL) - Wararka aanu ka helayno dowlad degaanka Soomaalida ayaa sheegaya in Ciidamada Fedaralka ee Itoobiya ay rasaas ku fureen dad shacab ahaa oo banaan bax ka sanaynayay magaalada Ayshica oo ku taal gobolka Siti ee dowlad degaanka Soomaalida.

3/27/2023 5:44 AM EST
Isniin, Maarso, 27, 2023 (HOL) - Waxaa Maanta magaalada Kismaayo ee xarunta gobolka Jubbada Hoose ku geeriyooday Allah u naxariistee Xildhibaan Shukri Saalax Cabdullaahi oo ka mid ahaa mudanayaasha Baarlamaanka maamulka Jubbaland.

3/27/2023 4:05 AM EST
Isniin, Maarso, 27, 2023 (HOL) - Guddigii Isimada xal u raadinta colaadda Laascaanood ee Muqdisho ka yimid ayaa maanta markii ugu horreysay tagay jiidaha dagaalka ee magaalada Laascaanood.

3/27/2023 2:08 AM EST
Isniin, Maarso, 27, 2023 (HOL) - Puntland ayaa sii daysay liiska rasmiga ee codbixiyaasha doorashooyinka dowladaha hoose sida lagu sheegay warbixin kasoo baxday guddiga kumeel gaarka ah ee doorashooyinka Puntland.