Hiiraan Online

Talaado, February, 7, 2023 (HOL) - Waxaa la baajiyay oo dib loo dhigay isdiiwaan galinta doorashada qof iyo cod oo la filayay inay maanta ka billaabato magaalada Garowe ee caasimadda Puntland.

Wararka aan helayno waxay sheegayaan in loo baajiyay iyadoo aan weli wax xal ah laga gaarin qulqulatooyin looga soo horjeedo doorashada oo ay Garowe ka wadaan ciidamo maleyshiyo beeleed ah oo ku xiran siyaasiyiin isku xiran oo mucaraad ah.

Sidoo kale dagaalka ka socda magaalada Laascaanood, ayaa qeyb ah sababaha keenay in dib loo dhigo diiwaan galinta doorashada.

Illaa iyo hadda lama oga xilliga ay bilaabanayso diiwaan galinta doorashada. Guddiga doorashada ayaa la filayaa inay soo saaraan warbixin.