3/28/2024
Today from Hiiraan Online:  _
Wararka Maanta- Arbaco, Sept 28, 2022
Koonfur Galbeed oo beenisay inay Alshabaab dileen ciidamo katirsan nabad sugidda maamulkaas
 

Arbaco, September, 28, 2022 (HOL) - Wasiirka Warfaafinta Dowlad Goboleedka Koonfur Galbeed Soomaaliya ,Ilyaas Cali ayaa wax lagu qoslo ku tilmaamay sheegashada ah in Alshabaab ay ciidamo ka tirsan Nabadsugida Koonfur Galbeed ku dileen Seydheelow.

Wasiirka warfaafinta Koonfur Galbeed ayaa saxaafadda usoo bandhigay qaar ka mid ah askarta ay Alshabaab sheegtay inay dileen, kuwaas oo kasoo muuqday shir uu qabtay.

Alshabaab ayaa bartooda internetka ku faafiyay maydadka askar badan oo ay sheegeen inay katirsan yihiin nabad sugidda Koonfur Galbeed, kuwaaas oo ay tilmaamen inay ku dileen dagaallo ka dhacay duleedka Baydhabo.

Ururka waxay kaloo sheegeen inuu so dirqi ah uga badbaaday wasiirka warfaafinta Koonfur Galbeed, Ilyaas Cali. Waxay sheegeen inay dileen ilaaladiisa gaarka ah.

Alshabaab ayaa sheegay inay deegaanka Labaatan Jiroow kusoo bandhigeen meydadka 12 askari oo lagu dilay dagaalkii doraad Seydheeloow ka dhacay. Waxay sheegeen inay si adag udifaaceen dhammaan deegaannadii lagu dagaallamay oo dhaca duleedyada Baydhabo.












Click here
9/28/2022 5:04 PM EST
Arbaco, September, 28, 2022 (HOL) - Wararka naga soo gaaraya deegaanka Ceel jiqoow oo ka mid ah deegaanada hoostaga degmada Maxaas ee gobolka Hiiraan ayaa sheegaya in laba ruux oo ka mid ahaa dadka deegaankaasi ay u geeriyooday biyo sumeysan oo ay ka cabeen Ceel biyoodkii deegaanka Ceel jiqoow.

9/28/2022 10:49 AM EST
Arbaco, September, 28, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud oo Maanta gaaray magaalada Adis Ababa ee dalka Itoobiya ayaa isaga iyo wafdigiisa wadahadalo laba geesood ah waxay la yeesheen Rayaal Wasaaraha Xukuumadda Federaalka dalka Itoobiya Abiy Axmed iyo Golahiisa Xukuumadda.

9/28/2022 4:13 AM EST
Arbaco, September, 28, 2022 (HOL) - Madaxweynaha Soomaaliya Xassan Sheekh Maxamuud ayaa maanta booqasho ku yimid magaalada Addis Ababa ee caasimadda dalka Itoobiya.

9/28/2022 3:58 AM EST
Arbaco, September, 28, 2022 (HOL) - Puntland ayaa sheegtay inay gacanta ku dhigtay 150 qarax oo Alshabaab u qorsheynaysay inay weerarro uga geysato magaalooyinka Puntland iyo Somaliland.

9/28/2022 3:25 AM EST
Arbaco, September, 28, 2022 (HOL) - Ciidanka xoogga dalka Soomaaliyeed iyo kuwa dadka deegaanka ee dhawaan Al-shabaab kala wareegay deegaanada hoostaga degmada Buulaburte ee gobolka Hiiraan ayaa bilaabay caawinta dadka beeraleyda ah ee ku dhaqan deegaanadaasi.

9/28/2022 2:56 AM EST
Arbaco, September, 28, 2022 (HOL) - Maraykanka ayaa soo saaray warbixin sannadle ah oo uu ku qiimeynayo khasaaraha dadka rayidka ah kasoo gaara duqeymaha laga soo billaabo 2021.

9/28/2022 2:30 AM EST
Arbaco, September, 28, 2022 (HOL) - Dowlad goboleedka Puntland, ayaa ugu baaqay barlamaanka Soomaaliya inay xasaanadda kala laabtaan xildhibaan Mahad Cabdiraxmaan Aadan, oo saxaafadda kasii daayay hadal abuuray dhaleecayn badan.