3/28/2024
Today from Hiiraan Online:  _
Wararka Maanta- Sabti, Sept 24, 2022
Shirweyne lagaga tashan lahaa xaaladda guud ee dowlad degaanka Soomaalida oo dib loo dhigay
 

Sabti, September, 24, 2022 (HOL) - Wararka aanu ka helayno dowlad degaanka Soomaalida ayaa sheegaya in dib u dhac uu ku yimid shirweynihii wada tashiga ee lagu ballansanaa inuu degaanka ka furmo maanta oo Sabti ah.

Shirweynahaan ayaa ahaa mid looga aarinsan lahaa xaaladda dowlad degaanka Soomaalida, iyo si guud masiirka dadka Soomaaliyeed ee ku dhaqan dowlad degaanka Soomaalida.

Haddaba sababta dib loogu dhigay shirweynahan ayaa waxaa lagu sheegay inay jiraan cabashooyin kala duwan oo ka yimid dhinaca Axsaabta Siyaasadda iyo Qurbajoogtii ka qayb gali lahayd shirweynahan.

Dr Maxamed Gaani waa madaxa guddiga qabanqaabada Shirkan, waxa uuna Warbaahinta uga waramay waxyaabaha keenay in dib u dhac uu ku yimaaddo shirweynahan, isagoo dib u dhacaas u sababeeyay qodobo dhawr ah.

" Sababa dib loogu dhigay shirkan waxaa kamid ah, Ergooyin Qurbaha ka imaanayay oo mudadii shirka cidhiidhi ku noqotey, Cabashooyin ka imaanayay Ergooyinka shirka oo iyagana in la xaliyo u baahday, iyo howlo la xiriira dhinaca farsamada qaabka uu shirweynuhu u dhacayo oo u baahday in la gabogabeeyo", ayuu yiri Dr Maxamed Gaani oo madax u ah guddida qabanqaabada Shirweynahan.

Dib u dhacan ku yimid shirweynahan ayaa kusoo hagaagaya xilli maalmo ka hor qaar kamid ah Xisbiyada mucaaradka ah ee degaanka Soomaalidu, ku gacanseyreen ka qayb galidda shirweynahan iyagoo saluugey qaabka loo soo agaasimay shirweynaha.

Shirweynahan ayaa sida ay sheegeen guddida qabanqaabadu, waxaa dib loogu dhigay muddo afar toddobaad kaddib ah oo ku beegan 22 iyo 23 bisha soo socota ee Oktoober 2022.












Click here
9/24/2022 10:24 AM EST
Sabti, September, 24, 2022 (HOL) - Raysal wasaaraha Xukuumadda fedaraalka Soomaaliya Xamse Cabdi Barre oo Maanta shir guddoomiyay shirka dib u habeynta dhaqaalaha ayaa si weyn uga hadlay hanaanka deyn cafinta ay u leedahay horumarka dalka.

9/24/2022 10:16 AM EST
Sabti, September, 24, 2022 (HOL) - Xisbiyada mucaaradka Somaliland, ayaa soo dhaweeyay go'aanka guddida doorashooyinku ku sheegeen in ay muddo 9 billood gudaheed ah ku qabanayaan doorashada madaxtooyada Somaliland.

9/24/2022 7:33 AM EST
Sabti, September, 24, 2022 (HOL) - Madaxweynaha Kenya ayaa sheegay in dhigiisa Soomaaliya Xasan Sheekh Maxamuud uu muujiyay sida ay uga go’an tahay la dagaalanka kooxda Al-Shabaab.

9/24/2022 6:07 AM EST
Sabti, September, 24, 2022 (HOL) - Guddida Doorashooyinka Somaliland ayaa ku dhawaaqay in anay suuragal ahayn in doorashada madaxtooyadu qabsoonto sannadkan guddihiisa.

9/24/2022 4:48 AM EST
Sabti, September, 24, 2022 (HOL) - Madaxweynaha golaha ku-meel-gaarka ah ee dalka Sudan, Jeneral Abdel Fattah Al-Burhan, ayaa sheegay in Suudaan ay garab taagan tahay Soomaaliya, si looga gudbo xaaladaha ay ku jirto.

9/24/2022 4:21 AM EST
Sabti, September, 24, 2022 (HOL) - Fadhigii maanta ee Golaha Wakiilada Somaliland, ayaa furmi waayay kadib markii xildhibaannada mucaaradka iyo muxaafadku ay isku qabteen sharcinimada habkii loo ansixiyay wax ka badalka lagu sameeyay xeerarka doorashooyinka.

9/24/2022 2:26 AM EST
Sabti, September, 24, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa kulan la qaatay Xoghayaha guud ee Qaramada Midoobay Antonio Guterres oo ay ka wada hadleen xaalada guud ee dalka Soomaaliya iyo taageerada ay u baahan tahay dowladda.

9/24/2022 1:25 AM EST
Sabti, September, 24, 2022 (HOL) - Dowladda Soomaaliya ayaa magaalada New York kaga dhawaaqday go’aan ay ku doonayso inay safaarad kaga furato magaalada Rabat iyo qunsuliyadda guud ee magaalada Dakhla ee dalka Morroco.