4/13/2024
Today from Hiiraan Online:  _
Wararka Maanta- Sabti, Oct 1 , 2022
Guddoomiye Jeyte "Walaahi Bilaahi Maanta kadib uma sabri doono shaqsiyaadka ku howlan fashilinta howlgalada ka dhanka ah Al-shabaab"
 

Sabti, October, 1, 2022 (HOL) - Guddoomiyaha maamulka gobalka Hiiraan Cali Jeyte Cismaan ayaa ka hadlay sababaha keenay in Maanta ciidamada iskaashanaya ay dib uga soo baxaan degmada Moqokori iyo deegaanka Yasooman iney aheyd mid ay ka shaqeyeen dad gaar ah oo ku dhexjira ciidanka oo doonaya fashilinta howlgalada ka socda deegaanada gobolka Hiiraan.

Wuxuu sheegay in howlgalada haatan ka socda Hiiraan ee lagula dagaalamayo Al-shabaab inay marayaan meel wanaagsan, islamarkaana loo baahan yahay xaqiijinta nabad galyada iyo guulaha laga gaaray dagaalada ka dhanka ah Al-shabaab, islamarkaana gacan bir ah la isaga qabto dadka ku dhex jira ciidanka ee ka shaqeynaya fashilka howlgalada.

"Waxaan fariin adag u diraya cid walbo oo ka shaqeysa barobogaandada iyo fashilinta dadaalada Howlagalka ka dhanka maleeshiyada Al-shabaab midaas oo ah dhaqan Shabaab ay maal geliso, Walaahi Bilaahi Maanta kadib uma sabri doono shaqsiyaadka arintaasi ku howlan ee haka wantobaan, hadii kale waxan u sheegaya inay noola mid yihiin Shabaab horay iyo gadaalna horay baa noo dhaw ee yaan dib loo noqon" ayuu yiri Guddoomiye Jeyte.

Hadalka guddoomiye Jeyte ayaa imaanaya xili ciidamada dowladda Soomaaliya iyo kuwa dib u xoreynta deegaanka ay saakay aroornimadii hore isaga baxeen deegaanada Moqokori iyo Yasooman ee gobolka Hiiraan, halkaas oo maalmo kooban ka hor ay kala wareegeen Al-shabaab, waxaana Maanta markale dib ula wareegay deegaanadaasi Al-shabaab.












Click here
10/1/2022 8:52 AM EST
Sabti, October, 1, 2022 (HOL) - Madaxweynaha Soomaaliya Xasan Sheekh Maxamuud ayaa Masjidka Shuhadada ee madaxtooyada kaga qeyb galay salaadda Janaasada taliyehii qaybta guud ee boliiska gobolka Banaadir, Sarreeye Guuto Farxaan Maxamuud Aadan oo ku geeriyooday dagaalkii kadhacay deeganno ka tirsan Shabeellaha Dhexe.

10/1/2022 8:47 AM EST
Sabti, October, 1, 2022 (HOL) - Madaxweynaha Somaliland Muuse Biixi Cabdi, ayaa sheegay in aanu jirin xeer qeexaya waxa la yeelayo hadii doorashooyinka urruradu wakhtigooda dib uga dhacaan, lakiin xal loo hayo doorashada madaxweynaha iyo guurtida.

10/1/2022 4:38 AM EST
Sabti, October, 1, 2022 (HOL) - Wararka naga soo gaaraya deegaanada Moqokori iyo Yasooman ee gobolka Hiiraan ayaa sheegaya in ciidamada dowladda iyo kuwa Macawiisleeyda ee dhawaan la wareegay deegaanadaasi inay isaga baxeen.

10/1/2022 4:21 AM EST
Sabti, October, 1, 2022 (HOL) - Golaha Guurtida Somaliland ayaa 2 sanno ku kordhiyay muddo xileedka madaxweyne Muuse Biixi Cabdi, muddo xileedka golaha ayay sidookale ku kordhiyeen muddo 5 sanno ah.

10/1/2022 2:34 AM EST
Sabti, October, 1, 2022 (HOL) - Wasiirka arrimaha gudaha Puntland, Cabdi Faarax Siciid Juxa ayaa iska fogeeyay sababta loo magacaabay inay qeyb ka tahay muddo kororsi lagu eedeynayo madaxweyne Deni.

10/1/2022 2:07 AM EST
Sabti, October, 1, 2022 (HOL) - Inta la xaqiijiyay shan askari oo ka tirsan ciidanka Nabadsugida Soomaaliya ayaa geeriyootay sideed kalana dhaawacyo culus ayaa soo gaaray, kadib markii uu la rogmaday gaarigii ay saarnayeen oo ahaa nooca Soomaalida u taqaano Cabdibilaha.

10/1/2022 1:50 AM EST
Sabti, October, 1, 2022 (HOL) - Ururada Suxufiyiinta Soomaaliya ayaa si kulul u cambaareeyay dilka weriye Axmed Maxamed Shakuur oo ka tirsan Telefishinka Qaranka Soomaaliyeed (SNTV), kaasoo ku geeriyooday qarax ka dhacay deegaanka Basra.