8/8/2022
Today from Hiiraan Online:  _
Wararka Maanta- Isniin, May 9 , 2022
Diiwaan galinta Musharaxiinta Madaxweynaha Soomaaliya oo maalintii labaad Muqdisho ka socota
 

Isniin, May, 9, 2022 (HOL) - Waxaa Maalintii labaad si toos ah uga socota xarunta Golaha Aqalka Sare ee Baarlamaanka Fedaraalka Soomaaliya diiwaan galinta Musharaxiinta u taagan tartanka madaxweynaha Soomaaliya.

Guddiga qabanqaabada doorashada madaxweynaha 10-aad ee Jamhuuriyadda Fedaraalka Soomaaliya ayaa shalay diiwaan galiyay 10 Musharax oo u taagan tartanka doorashada madaxweynaha afarta sano ee soo socota hogaamin doona dalka Soomaaliya.

Maanta ayaa la filayaa in sidoo kale ay is diiwaan galiyaan Musharaxiin kale oo dooneysa xilka madaxweynaha, waxaana diiwaan galinta Musharaxiinta ay ku eg tahay maalinta berito oo Talaado ah, islamarkaana taariiqdu tahay 10-ka bishaan May.

Doorashada madaxweynaha Soomaaliya ayaa lagu wadaa in magaalada Muqdisho ay dhacdo 15-ka bishaan May 2022 oo ku beegan Maalintii la aas aasay Ururukii dhalinyarada gobanima doonka ahaa ee SYL, waxaana xusid mudan in madaxweynaha mudo xileedkiisa dhamaaday ee Farmaajo uu Xalay shaaciyay inuu yahay Musharax u taagan xilka Madaxweynaha Soomaaliya.

Jamaal Cali Cabdi, Hiiraan Online












Click here
5/9/2022 1:52 PM EST
Isniin, May, 9, 2022 (HOL) - Guddiga qabanqaabada doorashada madaxweynaha Soomaaliya ayaa soo saaray habraaca amniga doorashada madaxweynaha goobta ay ka dhaceyso oo ah Teendhada Afisyooni ee magaalada Muqdisho.

5/9/2022 11:09 AM EST
Isniin, May, 9, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa qudbad sannadeedka madaxweynaha Somaliland uu u jeediyay labada gole baarlamaan ku tilmaamay qudbad aan nuxur badan lahayn.

5/9/2022 11:03 AM EST
Isniin, May, 9, 2022 (HOL) - Iyadoo maalintii labaad ay ka socoto magaalada Muqdisho diiwaan galinta Musharaxiinta dooneysa xilka madaxweynaha Jamhuuriyadda Fedaraalka Soomaaliya, ayaa waxaa sii kordhaya tirada Musharaxiinta is diiwaan galineysa.

5/9/2022 10:38 AM EST
Isniin, May, 9, 2022 (HOL) - Madaxweynaha Somaliland Muuse Biixi Cabdi, ayaa sheegay in xukuumadiisu ay dadaal badan galisay xoojinta siyaasada arrimaha dibadda Somaliland, isla markaana guulo laga gaadhay.

5/9/2022 9:47 AM EST
Isniin, May, 9, 2022 (HOL) - Madaxweynaha Somaliland Muuse Biixi Cabdi, oo qudbad sannadeedkii dastuuriga ahaa u jeediyay baarlamaanka, ayaa isaga oo ka jawaabaya shakiga mucaaradku ka qabaan in uu muddo korodhsi samaysto, ayaa balan qaaday in uu doorashooyinka wakhtigooda ku qabanayo.

5/9/2022 8:32 AM EST
Isniin, May, 9, 2022 (HOL) - Wasaaradda warfaafinta Soomaaliya ayaa ururka Somalia Debates u fasaxday inay qabsadaan dooddaha musharraxiinta madaxweynaha Soomaaliya.

5/9/2022 7:07 AM EST
Isniin, May, 9, 2022 (HOL) - Maxkamadda Ciidanka Millatariga Somaliland ayaa xukun dil toogasho ah ku riday Gaashaanle Dhexe, Saalax Bullaale Jaamac oo ka tirsanaa ciidanka millateriga oo toogasho ku dilay gabadh la odhan jiray Najma Cabdillaahi Maykal.

5/9/2022 6:57 AM EST
Isniin, May, 9, 2022 (HOL) - Xildhibannadii lagusoo doortay magaalada Garbahaareey ee gobolka Gedo ayaa ka hor yimid go’aankii kasoo baxay guddoomiyaha barlamaanka, kaasoo xildhibaannada Ceelwaaq u aqoonsaday inay yihiin kuwa saxda ah ee sharciga ku yimid.

5/9/2022 6:20 AM EST
Isniin, May, 9, 2022 (HOL) - Fowsiyo Yuusuf Xaaji Aadan ayaa noqondoonta haweeneyda Soomaaliyeed ee ugu horreysay ee u tartami doonta xilka madaxweyna Soomaaliya.

5/9/2022 5:59 AM EST
Isniin, May, 9, 2022 (HOL) - Laamaha amaanka dalka Kenya ayaa kordhiyay feejignaantooda kadib markii kooxda Al-Shabaab ay weerar ku qaadeen saldhiga ciidamada midowga Afrika ee Burundi ay ku lahaayeeen gobolka Shabeelada dhexe.

5/9/2022 12:33 AM EST
Isniin, May, 9, 2022 (HOL) - Madaxweynaha xilku ka dhamaaday Maxamed Cabdullaahi Farmaajo ayaa xalay si rasmi ah ugu dhawaaqay inuu mar kale u sharraxan yahay xilka madaxweynaha dowladda federalka Soomaaliya.