9/27/2022
Today from Hiiraan Online:  _
Wararka Maanta- Sabti, May 7 , 2022
Soomaaliya iyo Itoobiya oo ka wada hadlay xiriirka labada dal iyo iskaashiga dhinaca warbaahinta
 

Sabti, May, 7, 2022 (HOL) - Wasiirka Warfaafinta Xukuumadda Federaalka ah ee Soomaaliya Cismaan Abokar Dubbe ayaa magaalada Addis Ababa ee dalka Itoobiya kula kulmay Wasiirka Warfaafinta Federaalka Itoobiya Dr Legesse Tulu oo ay ka wadahadleen xiriirka labada dal iyo iskaashiga warbaahinta.

Wasiirka Warfaafinta Dowladda Federaalka Itoobiya Dr Legesse Tulu ayaa qiray in Soomaalidu ay hadda safka hore kaga jiraan isticmaalka Baraha Bulshada maadaama Itoobiya ay u badan tahay warbaahinta caadiga ah.

Labada wasiir ayaa intii uu socday kulankooda waxa ay kaga wada hadleen khatarta ka dhalan karta wararka been abuurka ah ee ku saabsan amniga iyo dowladnimada iyo sidii la isaga kaashan lahaa ka hortaggooda.

Kulanka ayaa sidoo kale diiradda lagu saaray iskaashiga dhinacyada amniga, dhaqaalaha iyo warbaahinta ee labada dal, waxaana labada dhinac ay isla garteen in heshiisyo laga gaaro arrimahan mustaqbalka dhow.

Wasiirka ayaa waxaa kulanka ku wehliyey Safiirka Soomaaliya u fadhiya dalka Itoobiya Gen. Cabdullaahi Axmed Jaamac ilka Jiir iyo Xoghayaha koowaad ee Safaaradda Cabdulaahi Cabdirisaaq.

Abdiweli M. Sheikh, Hiiraan Online
[email protected]












Click here
5/7/2022 3:23 PM EST
Sabti, May, 7, 2022 (HOL) - 26 musharrax oo Soomaali-Britian ah ayaa ku guuleysatay doorashooyin golaha deegaanada ee dalka Britain. Waana markii ugu horeysay taariikhada dalka Britain oo tiro intaa la eg oo ka soo wadada jeeda Soomaali

5/7/2022 12:11 PM EST
Sabti, May, 7, 2022 (HOL) - Guddiga qaban qaabada doorashada madaxweynaha Soomaaliya ayaa soo saaray sharuudaha looga baahan yahay Musharaxiinta dooneysa iney u tartamaan xilka Madaxweynaha Soomaaliya.

5/7/2022 10:01 AM EST
Sabti, May, 7, 2022 (HOL) - Guddoomiyaha Golaha Shacabka Baarlamaanka Soomaaliya Sheekh Aadan Maxamed Nuur ayaa tan iyo markii la shaaciyay xiliga ay qabsoomeyso doorashada madaxweynaha dalka Soomaaliya waxa uu magaalada Muqdisho ka waday kulamo gooni gooni ah oo uu ku dardar galinaayo howlaha doorashada madaxweynaha dalka.

5/7/2022 9:16 AM EST
Sabti, May, 7, 2022 (HOL) - Wasaarada Howlaha Guud iyo Guryaynta Somaliland iyo Dowlada Hoose ee Hargaysa, ayaa ka heshiiyay khilaaf ka dhashay guddiyo is khilaafsan oo labada dhinac u kala magacaabeen dib u dhiska suuqa Waaheen.

5/7/2022 7:38 AM EST
Sabti, May, 7, 2022 (HOL) - DR. Maxamed Cabdi Gaboose, oo ah siyaasi iyo dhakhtar caan ka ah Somaliland oo 4, April, 2021 ku dhawaaqay in uu siyaasada ka fadhiistay, ayaa ku dhawaaqay in uu furanayo urrur siyaasadeed.

5/7/2022 7:22 AM EST
Sabti, May, 7, 2022 (HOL) - Barlamaanka maamulka Puntland ayaa rajo xumo ka muujiyay dadaallo lagu doonayay in xal looga gaaro khilaafka siyaasadeed ee xilligan ka dhex taagan madaxweynaha Puntland Siciid Cabdullaahi Deni iyo ku xigeenkiisa Axmed Karaash.

5/7/2022 4:58 AM EST
Sabti, May, 7, 2022 (HOL) - Dabley bastoolado ku hubeysan ayaa Xalay gudaha magaalada Baledweyne dil ugu geystay askari ka tirsanaa ciidanka Militariga Dowladda Soomaaliya.

5/7/2022 3:35 AM EST
Sabti, May, 7, 2022 (HOL) - Xiriirka kubadda cagta Soomaaliya ayaa sheegay in loo baahan yahay in wax badan laga baddelo nidaamka sanadihii lasoo dhaafay loo maamulayay labada heer ee horyaalka kubadda cagta Soomaaliya.

5/7/2022 2:44 AM EST
Sabti, May, 7, 2022 (HOL) - Ciidamada Burundi ee qeybta ka ah howlgalka Midowga Afrika ee ATMIS ee ku sugan deegaanada Ceelbaraf iyo Miirtaqwa oo hoos yimaada degmada mahadaay ee gobolka Sh/dhexe ayaa halkaasi ka bilaabay howlgalo ay ku xaqiijinayaan amaanka deeganada ay ku sugan yihiin.