10/1/2022
Today from Hiiraan Online:  _
Wararka Maanta- Talaado, May 3 , 2022
Puntland oo $18 million oo dollar ku bixisay si meesha looga saaro shirkadda P&O oo gacanta ku haysay dekeda Bosaso
 

Talaado, May, 3, 2022 (HOL) - Wasiirka dekedaha iyo gaadiidka badda ee Puntland, Axmed Yaasiin Saalax ayaa sheegay inay ku guulaysteen inay meesha ka saaraan shirkadda P&O port oo gacanta ku haysay dekeda Bosaso.

Wasiirka dekedaha oo BBC Somali u waramayay ayaa sheegay inay Puntland $18million oo dollar ay ku qarashgaraysay sharci yaqaanno u dooddayay si meesha looga saaro shirkadda P&O port.

“Maxkamad bay tagtay arrintu, waad dareemi kartaa markaad maxkamad tagaysid waxaad u baahan tahay dad sharci yaqaanno ah oo maxkamadda kaa difaaca oo dooddaada gudbiya. Waad dareemi kartaayo lacag fudud ma ahan, oo lacag illaa $18million ayay qarashgaraysay inay qareennada ku baxaan,” ayuu yiri wasiirku.

Wasiirka waxa uu tilmaamay in labada dhinac ay isla gaareen meel adag, inkastoo uu sheegay in markii dambe shirkadda D-P world ay bixisay magdhow lasiiyay shirkadda P&O, taasoo sheegatay in khasaare weyn uu kasoo gaaray dekeda Bosaso.

Axmed Yaasiin waxa uu sheegay in Puntland ay dib u eegis ku sameeysay heshiiska dekeda Bosaso, islamarkaana la kordhiyay saamiga uu maamulku ku yeelanayo wax soo saarka dekeda Bosaso.

Puntland ma aysan sheegin magaca shirkadda lagu beddelay shirkaddii hore, waxaase lagu heshiiyay in dhismaha ballaarinta dekeda dib loo bilaabo bishaan May, iyadoo DP-world ay soo dirtay Engineero qiimayn ku sameynaya dekeda.

Abdiweli M. Sheikh, Hiiraan Online
[email protected]












Click here
5/3/2022 12:08 PM EST
Talaado, May, 3, 2022 (HOL) - Guddoomiyaha Golaha Shacabka Baarlamaanka 11-aad ee dalka Soomaaliya Sheekh Aadan Maxamed Nuur Madoobe ayaa kulan la qaatay Maanta dhamaan Taliyeyaasha iyo Saraakiisha sare ee ciidamada Qalabka Sida ee dowladda Soomaaliya.

5/3/2022 5:03 AM EST
Talaado, May, 3, 2022 (HOL) - Dagaalamayaasha Al-shabaab ayaa faahfaahin hordhac ah ka bixiyay khasaaraha ka dhashay weerar qaraxyo ku bilaawday oo ay saaka aroornimadii hore ku qaadeen Saldhig ciidamada dowladda iyo kuwa Midowga Afrika ee ATMIS ay ku leeyihiin deegaanka Ceelbaraf ee gobolka Sh/dhexe, kaasoo geystay khasaare kala duwan oo dhimasho iyo dhaawacba leh.

5/3/2022 4:57 AM EST
Talaado, May, 3, 2022 (HOL) - Xafiiska Qaramada Midoobay ee Soomaaliya ayaa sheegay in Saxafiyiinta ku sugan Soomaaliya lagu hayo hanjabaad joogto ah iyo cabsi galin ka dhan ah gudashada waajibaadkooda shaqo.

5/3/2022 1:56 AM EST
Talaado, May, 3, 2022 (HOL) - Ciidamada Midowga Afrika ee nabad ilaalinta Soomaaliya ATMIS ayaa hub lagu soo qabtay howlgallo ka dhanka ah Al-Shabaab ku wareejiyay dowladda Soomaaliya.

5/3/2022 1:45 AM EST
Talaado, May, 3, 2022 (HOL) - Warar dheeraad ah ayaa kasoo baxaya weerar ku bilaawday qaraxyo xoogan oo lagu qaaday Saldhig ay cidamada dowladda iyo kuwa ATMIS ay ku leyihiin deegaanka Ceel baraf ee gobolka Sh/dhexe.

5/3/2022 1:38 AM EST
Talaado, May, 3, 2022 (HOL) - Askari ka tirsan ciidanka Maxkamada Sare ee Somaliland, ayaa toogasho ku dilay Najma Cabdillaahi Maykal oo ka tirsanayd shaqaalaha wasaarada beeraha.