10/1/2022
Today from Hiiraan Online:  _
Wararka Maanta- Talaado, May 3 , 2022
Howlgalka ATMIS oo hub lagasoo furtay Alshabaab ku wareejiyay ciiiddanka xoogga dalka


Talaado, May, 3, 2022 (HOL) - Ciidamada Midowga Afrika ee nabad ilaalinta Soomaaliya ATMIS ayaa hub lagu soo qabtay howlgallo ka dhanka ah Al-Shabaab ku wareejiyay dowladda Soomaaliya.

Hubka ayaa isugu jiray Qoryaha fudud, dhashiikeyaaal iyo rasaas, kuwaasoo ay soo furteen Ciidamada ATMIS iyo kuwa Xoogga Dalka ee ku sugan  Shabeellaha Hoose.

Ku-xigeenka Madaxa ATMIS, Marwo Fiona Lortan, ayaa hubkan ku wareejisay Taliyaha Ciidanka Dhulka ee XDS, Jen. Biixi.

"Dowladda Federaalka ah ee Soomaaliya iyo ATMIS waa in ay diiwaangeliyaan dhammaan hubka iyo agabka milatari ee lagu qabto weerarrada ama inta ay ku guda jiraan waajibaadkooda," ayay tiri Ms. Lortan, ku xigeenka ATMIS.

Waxa ay xustay in qabashada hubkan iyo wareejinta ay tahay guulo wax ku ool ah oo laga gaaray dadaallada lagu wiiqayo Al-Shabaab.

Taliyaha ciidddanka dhulka, Gen. Maxamed ayaa bogaadiyay iskaashiga ka dhexeeya ATMIS iyo SNA ee dadaallada lagu soo celinayo nabadda iyo ­­­xasilloonida dalka, ka hor inta aan mas’uuliyadda amniga lagu wareejin ciidamada ammaanka ee Soomaaliya.

“Wadashaqeynteenu waxay wiiqaysaa cadowga, waxayna dhiirri-gelinaysaa ciidamadeenna - ATMIS-ka iyo kuwa Nabadsugidda Soomaaliya," ayuu yiri Gen. Maxamed Biixi.­­

Abdiweli M. Sheikh, Hiiraan Online
[email protected]












Click here
5/3/2022 12:08 PM EST
Talaado, May, 3, 2022 (HOL) - Guddoomiyaha Golaha Shacabka Baarlamaanka 11-aad ee dalka Soomaaliya Sheekh Aadan Maxamed Nuur Madoobe ayaa kulan la qaatay Maanta dhamaan Taliyeyaasha iyo Saraakiisha sare ee ciidamada Qalabka Sida ee dowladda Soomaaliya.

5/3/2022 8:19 AM EST
Talaado, May, 3, 2022 (HOL) - Wasiirka dekedaha iyo gaadiidka badda ee Puntland, Axmed Yaasiin Saalax ayaa sheegay inay ku guulaysteen inay meesha ka saaraan shirkadda P&O port oo gacanta ku haysay dekeda Bosaso.

5/3/2022 5:03 AM EST
Talaado, May, 3, 2022 (HOL) - Dagaalamayaasha Al-shabaab ayaa faahfaahin hordhac ah ka bixiyay khasaaraha ka dhashay weerar qaraxyo ku bilaawday oo ay saaka aroornimadii hore ku qaadeen Saldhig ciidamada dowladda iyo kuwa Midowga Afrika ee ATMIS ay ku leeyihiin deegaanka Ceelbaraf ee gobolka Sh/dhexe, kaasoo geystay khasaare kala duwan oo dhimasho iyo dhaawacba leh.

5/3/2022 4:57 AM EST
Talaado, May, 3, 2022 (HOL) - Xafiiska Qaramada Midoobay ee Soomaaliya ayaa sheegay in Saxafiyiinta ku sugan Soomaaliya lagu hayo hanjabaad joogto ah iyo cabsi galin ka dhan ah gudashada waajibaadkooda shaqo.

5/3/2022 1:45 AM EST
Talaado, May, 3, 2022 (HOL) - Warar dheeraad ah ayaa kasoo baxaya weerar ku bilaawday qaraxyo xoogan oo lagu qaaday Saldhig ay cidamada dowladda iyo kuwa ATMIS ay ku leyihiin deegaanka Ceel baraf ee gobolka Sh/dhexe.

5/3/2022 1:38 AM EST
Talaado, May, 3, 2022 (HOL) - Askari ka tirsan ciidanka Maxkamada Sare ee Somaliland, ayaa toogasho ku dilay Najma Cabdillaahi Maykal oo ka tirsanayd shaqaalaha wasaarada beeraha.