10/1/2022
Today from Hiiraan Online:  _
Wararka Maanta- Talaado, May 3 , 2022
Askari gabadh dhalinyaro ah ku dilay magaalada Hargaysa

Talaado, May, 3, 2022 (HOL) - Askari ka tirsan ciidanka Maxkamada Sare ee Somaliland, ayaa toogasho ku dilay Najma Cabdillaahi Maykal oo ka tirsanayd shaqaalaha wasaarada beeraha.

Sida goob-joogayaal warbaahinta u sheegeen askariga ayaa gabadha xabada ku furay xili ay maraysay agagaarka maxkamada oo madaxtooyaduna ka ag dhowdahay, iyada oo booqanaysay habaryarteed.

Hadaba Najma abaheed oo warbaahinta la hadlay, ayaa sheegay in uu askarigu u hiilinayay walaashii oo ay Najma is afdhaafeen, sidaa darteeda uu u dilay "Walaashii ayay is dileen oo uu u aarayay, hiil ayuu ahaa".

Ciidamada ayaa isla markiiba gacanta kusoo dhigay askariga dilka gaystay, oo isku dayay in uu baxsado kadib markii uu gabadha xabada ku dhuftay.

Ciidanka booliiska ayaa baadhaya sababta dhabta ah ee dilka dhalisay, dhinaca kalena gabadha dhimatay abaheed ayaa codsaday in askariga dilka gaystay caddaalada la mariyo.



Abdilahi Geel-maal, Hiiraan Online












Click here
5/3/2022 12:08 PM EST
Talaado, May, 3, 2022 (HOL) - Guddoomiyaha Golaha Shacabka Baarlamaanka 11-aad ee dalka Soomaaliya Sheekh Aadan Maxamed Nuur Madoobe ayaa kulan la qaatay Maanta dhamaan Taliyeyaasha iyo Saraakiisha sare ee ciidamada Qalabka Sida ee dowladda Soomaaliya.

5/3/2022 8:19 AM EST
Talaado, May, 3, 2022 (HOL) - Wasiirka dekedaha iyo gaadiidka badda ee Puntland, Axmed Yaasiin Saalax ayaa sheegay inay ku guulaysteen inay meesha ka saaraan shirkadda P&O port oo gacanta ku haysay dekeda Bosaso.

5/3/2022 5:03 AM EST
Talaado, May, 3, 2022 (HOL) - Dagaalamayaasha Al-shabaab ayaa faahfaahin hordhac ah ka bixiyay khasaaraha ka dhashay weerar qaraxyo ku bilaawday oo ay saaka aroornimadii hore ku qaadeen Saldhig ciidamada dowladda iyo kuwa Midowga Afrika ee ATMIS ay ku leeyihiin deegaanka Ceelbaraf ee gobolka Sh/dhexe, kaasoo geystay khasaare kala duwan oo dhimasho iyo dhaawacba leh.

5/3/2022 4:57 AM EST
Talaado, May, 3, 2022 (HOL) - Xafiiska Qaramada Midoobay ee Soomaaliya ayaa sheegay in Saxafiyiinta ku sugan Soomaaliya lagu hayo hanjabaad joogto ah iyo cabsi galin ka dhan ah gudashada waajibaadkooda shaqo.

5/3/2022 1:56 AM EST
Talaado, May, 3, 2022 (HOL) - Ciidamada Midowga Afrika ee nabad ilaalinta Soomaaliya ATMIS ayaa hub lagu soo qabtay howlgallo ka dhanka ah Al-Shabaab ku wareejiyay dowladda Soomaaliya.

5/3/2022 1:45 AM EST
Talaado, May, 3, 2022 (HOL) - Warar dheeraad ah ayaa kasoo baxaya weerar ku bilaawday qaraxyo xoogan oo lagu qaaday Saldhig ay cidamada dowladda iyo kuwa ATMIS ay ku leyihiin deegaanka Ceel baraf ee gobolka Sh/dhexe.