3/29/2024
Today from Hiiraan Online:  _
Wararka Maanta- Sabti, May 14, 2022
Musharraxii labaad oo u tanaasulay hogaamiyaha xisbiga Wadajir Cabdiraxmaan Cabdishakuur
 

Sabti, May, 14, 2022 (HOL) - Musharrax madaxweyne Cabdinaasir Cabdille Cusmaan, oo kamid ahaa musharraxiinta isku diiwaan galiyay doorashada madaxweynaha, ayaa sheegay inuu go’aansaday inuu u tanaasulo oo uu taageero musharax Madaxweyne Cabdiraxmaan Cabdishakuur Warsame.

Waa musharraxii labaad oo u tanaasulo Cabdiraxmaan Cabdishakuur. maalin ka hor ayay ahayd markii Cabdikariin Xuseen Guuleed uu u tanaasulay Cabdiraxmaan Cabdishakuur.

“Wadatashi dheer kadib, waxaan go’aansannay inaan taageerno musharax Madaxweyne  Cabdiraxmaan Cabdishakuur, waxaan u mahadcelinayaa dhammaan taageerayaasha ololaha aan soo wadnay iyo cidkasta oo ka qeyb qaadatay.  Soomaaliya waxaan u rajeynaynaa isbedel kheyr qaba iyo nabad waarta,” ayuu yiri Cabdinaasir Cabdille Cusmaan.

Cabdiraxmaan Cabdishakuur ayaa soo dhoweeyay tanaasulka musharrax Cabdinaasir Cabdille, wuxuuna ku tilmaamay inay tallaabani ay tahay bog cusub oo u furmay siyaasada Soomaaliya.

Musharraxiinta isku tanaasulay oo isku beel kasoo wada jeeda ayaa doonaya inay sannadkan dhisaan hoggaamiyaha xisbiga Wadajir oo kamid ah siyaasiyiinta ugu cad cad doorashada madaxweynaha.

Hoggaamiyaha Wadajir oo markii Sadaxaad u taagan doorashada madaxweynaha ayaa kamid ah dadka sida weyn u doonaya in meesha laga saaro madaxweye Farmaajo oo uu ku yahay mucaaradka ugu weyn.

Lama saadaalin karo natiijada uu ka heli karo doorashada, iyadoo ay sharraxan yihiin siyaasiyiin kale oo dalka horey usoo hoggaamiyay.

Abdiweli M. Sheikh, Hiiraan Online
[email protected]












Click here
5/14/2022 3:30 PM EST
Sabti, May, 14, 2022 (HOL) - Beesha caalamka ayaa caawa ugu baaqday dhammaan xubnaha Baarlamaanka ee labada aqal inay waajibaadkooda dastuuriga ah u gutaan si ay ku jirto danta dalka.

5/14/2022 10:54 AM EST
Sabti, May, 14, 2022 (HOL) - Daahir Maxamuud Geelle oo ka mid ahaa Musharaxiinta madaxweynaha 10-aad ee dalka Soomaaliya ayaa goordhaw si rasmi ah u shaaciyay inuu isaga haray tartanka doorashada xilka madaxweynaha oo lagu wado in maalinta berito ah ay ka dhacdo magaalada Muqdisho.

5/14/2022 9:50 AM EST
Sabti, May, 14, 2022 (HOL) - Maxamuud Daahir Jaamac oo kamid ah xubnaha Guddida Doorashooyinka Somaliland, ayaa iscasilay kadib khilaaf soo kala dhexgalay xubnaha guddida.

5/14/2022 8:55 AM EST
Sabti, May, 14, 2022 (HOL) - Xisbiyada mucaaradka Somaliland ee Waddani iyo UCID, ayaa ku dhawaaqay in ay si gaar ah ugu dabaal dagi doonaan munaasibada 18 May, waxayna sheegeen in anay tagi doonin fagaaraha uu madaxweyne Biixi kaga qayb galayo munaasibada.

5/14/2022 8:01 AM EST
Sabti, May, 14, 2022 (HOL) - 4 qof ayaa ku nafwaayay 7 kalena way ku dhaawacmen shil baabuur oo ka dhacay xaafada Burcada-yar ee magaalada Hargaysa.

5/14/2022 7:55 AM EST
Sabti, May, 14, 2022 (HOL) - Guddoonka labada Aqal ee Baarlamaanka ayaa maanta kulan ku saabsan amniga doorashada la yeeshay gudigga qabanqaabada doorashada madaxweynaha JFS iyo sarkiisha sare ee howlgalka ATMIS.

5/14/2022 7:11 AM EST
Sabti, May, 14, 2022 (HOL) - Wasiirka Wasaarada Arrimaha Guddaha Somaliland Maxamed Kaahin Axmed, oo ka jawaabay mudaharaadyadii uu balan qaaday musharaxa xisbiga Waddani, ayaa sheegay in xukuumadu dalka ku hogaaminayso nabadgalyo.

5/14/2022 3:23 AM EST
Sabti, May, 14, 2022 (HOL) - Booliiska Soomaaliya ayaa sheegay in caawa laga billaabo magaalada Muqdisho la galindoono xaalad Bandow ah oo looga golleeyahay adkaynta ammaanka magaalada Muqdisho oo ay berrito ka dhacayso doorashada madaxweynaha Soomaaliya.

5/14/2022 3:17 AM EST
Sabti, May, 14, 2022 (HOL) - Guddiga doorashada madaxweynaha Soomaaliya ayaa goordhaw soo saaray fariin ku socota Musharaxiinta u taagan tartanka madaxweynaha 10-aad ee Jamhuuriyadda Fedaraalka Soomaaliya.

5/14/2022 2:14 AM EST
Sabti, May, 14, 2022 (HOL) - Waxaa Maanta degan xaalada magaalada Dhuusamareeb ee Caasimadda maamul goboleedka Galmudug oo shalay dagaalo xoogan ay ku dhaxemareen ciidamada dowladda Soomaaliya iyo kuwa Ahlusunna Waljameeca.

5/14/2022 1:57 AM EST
Sabti, May, 14, 2022 (HOL) - Guddoomiyaha Golaha Shacabka Jamhuuriyadda Federaalka Soomaaliya Sheekh Aadan Maxamed Nuur (Madoobe) ayaa kulan la qaatay madaxda warbaahinta madaxa banaan iyo qaar ka mid ah hoggaanka ururadda saxaafada ee dalka oo horay cabasho ugu gudbiyay guddoomiyaha Baarlamaanka.