10/6/2022
Today from Hiiraan Online:  _
Wararka Maanta- Arbaco, May 11, 2022
Guddoomiyaha barlamaanka Soomaaliya oo sameeyay magacaabistii ugu horreeysay ee xafiiskiisa
 

Arbaco, May, 11, 2022 (HOL) - Guddoomiyaha barlamaanka Soomaaliya Sheikh Aadan Madoobe ayaa sameeyay magacaabistii ugu horreysay tan iyo markii loo doortay xilka guddooomiyaha barlamaanka, 28-kii Abril.

Aadan Madoobe ayaa u magacaabay Maxamed Xasan Idiris inuu noqdo Lataliyihiisa sare gaarka ah ee arimaha siyaasada iyo amniga.

Maxamed Xasan Idiris ayaa ka tirsanaa baarlamaanka hore ee waqtigiisu dhammaaday, waxayna deegaan doorashadiisu ahayd dowlad goboleedka Soomaaliyeed ee Jubbaland.

Wuxuu kamid ahaa xildhibaannada sida adag mucaaradka ugu ahaa dowladda madaxweyne Farmaajo, balse kuma guulaysan inuu kursiga kusoo laabto sida saaxiibadiisa mucaraadka oo kale.


Abdiweli M. Sheikh, Hiiraan Online
[email protected]












Click here
5/11/2022 11:04 AM EST
Arbaco, May, 11, 2022 (HOL) - Waxaa goordhaw soo gabagaboobay hadal jeedinta maalinta koowaad ee Musharaxiinta u taagan xilka madaxweynaha Soomaaliya, waxaana Maanta khudbadahooda ka hor jeediyay Xildhibaanada labada Aqal 20 Musharax oo mid ah 39-ka Musharax ee isku diiwaan galiyay tartanka doorashada Madaxweynaha Jamhuuriyadda Fedaraalka Soomaaliya.

5/11/2022 10:25 AM EST
Arbaco, May, 11, 2022 (HOL) - Wariyaasha madaxa banaan ee ka howlgala magaalada Muqdisho ee Caasimadda Soomaaliya ayaa shir jaraa'id oo ay qabteen waxay ku sheegeen in loo diiday Maanta iney gudaha u galaan hoolka loogu talo galay in lagu qabto doorashada madaxweynaha Soomaaliya oo ay Maanta ka socotay hadal jeedinta Musharaxiinta u taagan xilka madaxweynaha 10-aad ee dalka.

5/11/2022 8:47 AM EST
Arbaco, May, 11, 2022 (HOL) - Afhayeenka ciiddanka Booliiska Soomaaliya gaashaanle Cabdifitaax Aadan Xasan ayaa sheegay inay todobo qof ku dhaawacmeen qarax ismiidaamin ah oo maanta barqadii ka dhacay wadada KM4 ee lagu baaro dadka u socda garoonka Aadan Cadde.

5/11/2022 8:21 AM EST
Arbaco, May, 11, 2022 (HOL) - Madaxweynaha Somaliland Muuse Biixi Cabdi, oo ka hadlayay munaasibad lagu qabtay Jaamacada Hargaysa, ayaa doqoniimo ku tilmaamay in dadka reer Somaliland ay u ordaan doorashooyinka Soomaaliya.

5/11/2022 6:29 AM EST
Arbaco, May, 11, 2022 (HOL) - Xukuumada Somaliland ayaa markale si kasoo horjeeda shakiga ay mucaaradku ka qabaan in doorashada madaxtooyadu dib u dhacdo, sheegtay in doorashada wakhtigeeda lagu qabanayo.

5/11/2022 6:24 AM EST
Arbaco, May, 11, 2022 (HOL) - Shirkadda Cumar Sabriye Engineering Company oo ka shaqeysa howlaha dabka iyo badqabka korontada, ayaa shalay lagu daah-furay magaalada Muqdisho.

5/11/2022 5:01 AM EST
Arbaco, May, 11, 2022 (HOL) - Inta la xaqiijiyay 3 ruux oo labo kamid ah ay yihiin Askar katirsan Ciidanka dowaldda ayaa ku geeriyootay qarax ka dhacay agagaarka bar laga hubiyo gaadiidka u gudba garoonka diyaaradaha Aadan Cadde ee Magaalada Muqdisho.

5/11/2022 3:22 AM EST
Arbaco, May, 11, 2022 (HOL) - Dhawaqa qarax ayaa laga maqlay nawaaxiga isgoyska KM-4 gaar ahaan waddada aada garoonka diyaaraha ee magaalada Muqdisho.

5/11/2022 1:58 AM EST
Arbaco, May, 11, 2022 (HOL) - Waxaa Maanta oo Arbaco ah lagu wadaa in teendhada Afisyooni ee magaalada Muqdisho ay ka bilaabato hadal jeedinta Musharaxiinta isku diiwaan galisay doorashada xilka madaxweynaha Soomaaliya.

5/11/2022 1:00 AM EST
Arbaco, May, 11, 2022 (HOL) - Hogagamiyaha mucaaradka dalka Kenya Raila Odinga ayaa ballan qaaday in uu xoojin doono xiriirka laba geesoodka ah ee u dhaxeeya Kenya iyo Soomaaliya, si buu yiri loo hormariyo dhaqaalaha Kenya.