3/28/2024
Today from Hiiraan Online:  _
Wararka Maanta- Talaado, May 10, 2022
Guddoomiyaha Golaha Shacabka oo kormeer ku tagay hoolka lagu qabanayo doorashada Madaxweynaha
 

Talaado, May, 10, 2022 (HOL) - Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur ayaa Maanta kormeer ku tagay xarunta lagu qabanayo doorashada madaxweynaha Jamhuuriyadda Soomaaliya oo maalinta berito ah ay ka bilaabaneyso hadal jeedinta musharaxiinta madaxweynaha.

Guddoomiye Sheekh Aadan Maxamed Nuur (Madoobe) ayaa kormeerkiisa waxa uu ahaa mid uu indha indheyn iyo qiimeyn ugu sameynaayay teendhada Afisyooni oo ah goobta lagu qabanaayo doorashada madaxweynaha oo ay haatan ka socoto qaban qaabadii ugu dambeysay ee loogu jiro doorashada madaxweynaha.

Sheekh Aadan Madoobe ayaa gudaha teendhada Afisyooni ee magaalada Muqdisho kulan kula qaatay saraakiisha ciidanka nabad ilaalinta Midowga Afrika ee ATMIS iyo kuwa amniga Soomaaliya, isagoona faray Saraakiisha in ay muujiyaan feejignaan dheeri ah si ay u qabsoonto doorashada madaxweynaha Soomaaliya.

Ugu dambeyntii guddoomiyaha Golaha Shacabka ayaa mid mid u dul istaagay goobaha loogu tala galay in ciidamada amaanka ay ku shaqeeyaan, waxuuna amray saraakiisha ciidamada in aysan dadka ku xadgudbin oo si hagar la'aan ah ay u gutaan waajibaadkooda shaqo.

Jamaal Cali Cabdi, Hiiraan Online












Click here
5/10/2022 3:55 PM EST
Talaado, May, 10, 2022 (HOL) - Guddoonka barlamaanka Soomaaliya ayaa soo saaray awaamiir lagu xoojinayo amniga goobta ay ka dhacayso doorashada madaxweynaha Soomaaliya iyo sidoo kale ciidamada loo xilsaaray masuuliyadda amniga doorashada.

5/10/2022 12:10 PM EST
Talaado, May, 10, 2022 (HOL) - Guddiga doorashada madaxweynaha Soomaaliya ayaa Galabta soo gabagabeeyay diiwaan galinta Musharaxiinta madaxweynaha 10-aad ee Jamhuuriyadda Fedaraalka Soomaaliya oo socotay sadaxdii maalmood ee lasoo dhaafay.

5/10/2022 11:38 AM EST
Talaado, May, 10, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa madaxweynaha Somaliland ku eedeeyay in aanu diyaar u ahayn in uu qabto doorashooyinka mudaysan dabayaaqada sannadkan.

5/10/2022 9:17 AM EST
Talaado, May, 10, 2022 (HOL) - Madaxweynaha Somaliland Muuse Biixi Cabdi, ayaa magacaabay guddi 5 qof ka kooban, oo baadhis ku samayn doonta khilaafka maamul ee ka dhexeeya Guddida Doorashooyinka Somaliland.

5/10/2022 7:22 AM EST
Talaado, May, 10, 2022 (HOL) - Beesha caalamka ayaa soo dhoweysay horumarka laga gaaray diiwaangelinta musharrixiinta u taagan xilka madaxweynaha iyo u diyaargarowga kale ee loogu jiro inaan laga dib dhicin waqtiga kama dambeysta ah ee doorashada madaxweynaha.

5/10/2022 7:17 AM EST
Talaado, May, 10, 2022 (HOL) - Howgalka nabad ilaalinta midowga Afrika ee Soomaaliya (ATMIS) ayaa sheegay, iyagoo la tashanaya guddoomiyaha barlamaanka Soomaaliya inay xoojinayaan amniga xerada Afisyooni , halkaas oo ay ka dhacayso doorashada madaxweynaha dalka.

5/10/2022 2:43 AM EST
Talaado, May, 10, 2022 (HOL) - Warar dheeraad ah ayaa kasoo baxaya qarax miino oo Xalay fiidkii hore lala beegsaday kolanyo gaadiid ah oo uu la socday Taliyaha ciidanka Booliiska gobolka Banaadir Farxaan Qaroole.

5/10/2022 1:20 AM EST
Talaado, May, 10, 2022 (HOL) - Guddiga qaban qaabada doorashada madaxweynaha Soomaaliya ayaa sheegay in diiwaan galinta musharraxiinta madaxweynaha ay ku egtahay maanta oo tallaado ah, gaar ahaan afarta galabnimo.

5/10/2022 1:13 AM EST
Talaado, May, 10, 2022 (HOL) - Wasiirkii hore ee arrimaha dibadda Somalia, Maxamed Cabdirisaaq Maxamuud, ayaa ku dhawaaqay inuu ka haray tartanka loogu jiro xilka madaxweynaha Soomaaliya.

5/10/2022 1:12 AM EST
Talaado, May, 10, 2022 (HOL) - Guddoomiyaha Xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi, ku eedeeyay in aanu daacad ka ahayn qabashada doorashada madaxtooyada.