3/29/2024
Today from Hiiraan Online:  _
Wararka Maanta- Axad, May 1 , 2022
Jigjiga : Maxaabiis u xirnayd siyaasad oo maanta laga siidaayay Xabsiga magaalada Jigjiga
 

Axad, May, 1, 2022 (HOL) - Wararka ka imaanaya magaalada Jigjiga ayaa sheegaya in xabsiga laga siidaayay qaar kamid ah maxaabiis u xidhnayd siyaasad, oo in muddo ah ku xidhnaa xabsiga magaalada Jigjiga.

Maxaabiistan lasiidaayay ayaa waxaa kamid ahaa Xabiib Muxumed Yusuf iyo rag kale, kuwaas oo muddo ku xirnaa xabsiga Jigjiga, siidaynta maxaabiista waxaa HOL u xaqiijiyay qaar kamid ah ehelada maxaabiista lasiidaayay.

Maxaabiistan lasiidaayay ayaa intooda badan waxay xilal kasoo qabteen dowlad degaanka Soomaalida, waxayna markii dambe labaxeen garabka sixitaanka ee xisbiga PP, kuwaas oo ay dowladdu ku tilmaantay xubno khalkhal galinaya amniga degaanka Soomaalida.

Siidaynta maxaabiistan ayaa waxay kusoo hagaagaysaa xilli maanta lagu jiro maalintii u dambaysay bisha Ramadan, isla markaana loo diyaargaroobayo ciidda Ciidul Fidriga oo ku beeggan maalinta berri. Dadka degaanka ayaa aad usoo dhaweeyay siidaynta maxaabiistan, iyadoo wali ay jiraan kuwo kale oo wali xabsiga ku haray.

Abdilahi Jawhar, Hiiraan Online
[email protected]












Click here
5/1/2022 2:23 PM EST
Axad, May, 1, 2022 (HOL) - Raysal wasaaraha Soomaaliya Maxamed Xuseen Rooble ayaa daboolka ka qaaday oo sheegay inuu damacsanaa inuu iskusoo sharraxo xilka madaxweynaha Soomaaliya, balse wuxuu sheegay inuu damaciisa dib u dhigtay si dalka loo badbaadiyo oo doorasho uga dhacdo.

5/1/2022 2:19 PM EST
Axad, May, 1, 2022 (HOL) - Magaalada Gonder oo ku taal gobolka Axmaarada ee dalka Itoobiya, ayaa Muslimiinta halkaa ku dhaqan waxaa lagu wargaliyay in maalinta berri ah oo Ciid ah ay salaadda iyo munaasabadda Ciidda ay ku oogaan guryahooda, sida lagu sheegay war kasoo baxay Xafiiska Golaha sare ee Arimaha islaamka ee gobolka Axmaarada.

5/1/2022 10:31 AM EST
Axad, May, 1, 2022 (HOL) -Wasaaradda Arrimaha Dibadda Soomaaliya ayaa war saxafadeed ay soo saartay ku beenisay oo waxba kama jiraan ku tilmaamtay warar lagu faafiyay baraha bulshada ee la xariiray in afgambi uu ka dhacay Safaaradda Soomaaliya ee dalka Talayaaniga.

5/1/2022 9:43 AM EST
Axad, May, 1, 2022 (HOL) - Madaxweynahii hore ee Soomaaliya Sheekh Shariif Sheekh Axmed ayaa Maanta si rasmi ah uga mid noqday Xildhibaanadda Golaha Shacabka Baarlamaanka 11-aad ee dalka, kadib doorashadii Maanta ka dhacday magaalada Jowhar.

5/1/2022 7:01 AM EST
Axad, May, 1, 2022 (HOL) - Madaxweynaha Somaliland Muuse Biixi Cabdi, ayaa munaasibada Ciidal Fidriga awgeed cafis u fidiyay 360 maxbuus oo ku xukunaa danbiyada fudud.

5/1/2022 4:58 AM EST
Axad, May, 1, 2022 (HOL) - Dacwad oogayaasha dalka Talyaaniga ayaa baaraya khilaaf soo kala dhexgalay mas’uuliyiinta Soomaalida oo ku saabsan gacan ku haynta safaaradda Soomaaliya ay ku leedahay degmada Prati ee magaalada Rome.

5/1/2022 4:53 AM EST
Axad, May, 1, 2022 (HOL) - Wararka ka imaanaya deegaanka lagu magacaabo Baarka oo ku yaala duuleedka magaalada Kismaayo ee xarunta gobolka Jubbada Hoose ayaa sheegaya in halkaasi uu ka dhacay dagaal xoogan oo dhexmaray ciidamada Jubbaland iyo kuwa Al-shabaab.

5/1/2022 4:46 AM EST
Axad, May, 1, 2022 (HOL) - Wiil 17 jir ahaa, ayaa ku dhintay biyo fadhiisin Dowlada Hoose ee Hargaysa u samaysay Biriijka 1aad ee Hargaysa, kadib markii uu doonay in uu ku dabaasho.

5/1/2022 3:19 AM EST
Axad, May, 1, 2022 (HOL) - Dowladda UK ayaa soo saaartay digniin sare oo ku saabsan inay Alshabab isku dayayaan inay weeraro ka geystaan gudaha Soomaaliya, iyadoo sidoo kale sheegtay inay jiri karto khatar sare oo afduubasho ah.

5/1/2022 2:22 AM EST
Axad, May, 1, 2022 (HOL) - Ciidamo ka tirsan Kumaandooska DANAB ee dowladda Soomaaliya ayaa howlgalo qorsheysan ka sameeyay saacadahii lasoo dhaafay deegaano ka kala tirsan gobolada Sh/hoose iyo Baay oo ka wada tirsan maamulka Koofur Galbeed Soomaaliya.

5/1/2022 2:09 AM EST
Axad, May, 1, 2022 (HOL) - Taliyaha ciidanka booliiska Soomaaliya, S/Gaas Cabdi Xasan Maxamed Xijaar ayaa sheegay inay ciiddanka Booliiska labo jibaarayaan amniga magaalada Muqdisho gaar ahaan maalmaha ciidda si looga hortago in Alshabaab falal amni darro ka geystaan.