9/25/2022
Today from Hiiraan Online:  _
Wararka Maanta- Axad, Mar 6 , 2022
Kuraas ka mid ah Golaha Shacabka oo Maanta lagu doortay magaalada Gaalkacyo


Axad, Maarso, 6, 2022 (HOL) - Guddiga doorashada maamulka Galmudug ayaa Maanta ku qabtay magaalada Gaalkacyo ee xarunta gobolka Mudug doorashada afar kursi oo ka mid ah kuraasta Golaha Shacabka ee deegaan doorashadoodu tahay magaalada Gaalkacyo oo ah deegaan doorashada labaad ee Galmudug.

Guddiga ayaa subaxnimadii hore ee Maanta shaaciyay iney qabanayaan doorashada 5 kursi, hayeeshee waxay qabteen doorashada afar kursi lamana oga sababta keentay in kursiga shanaad doorashadiisa la qaban waayo.

Kursiga koowaad ee doorashada Maanta ka dhacday Gaalkacyo oo sumadiisu yahay HOP 013, waxaa ku guuleystay Aadan Cismaan Xuseen oo helay 82 cod, halka kursiga labaad ee HOP 101 uu doorashadiisa kusoo baxay Xersi Aadan Rooble oo helay 88 cod.

Kursiga Sedexaad oo tirsigiisu yahay HOP 001, waxaa ku guuleysatay Jawaahir Maxamed Axmed io heshay 101 cod oo ah dhamaan codadka ergada kursigaasi.

Kursiga afaraad ee doorashadii Maanta ka dhacday Gaalkacyo oo tirsigiisu yahay HOP 017,  waxaa kusoo bacday doorashadiisa Qaladla Cali Cawaale, taas oo heshay 79 cod.

Doorashada Maanta ka dhacday Gaalkacyo waxay horay guddiga doorashada Galmudug usoo saareen jadwalka 6 kursi hayeeshee, waxaa kursiga lixaad dib loogu dhigay xiisad ka dhalatay darteed oo aheyd markii loo diiday kursiga Jenaraal indhaqarshe oo u taagna u tartamida kursi, balse la sheegay in maamulka Galmudug uu u qorsheeyay kursiga qoondo dumar.

Jamaal Cali Cabdi, Hiiraan Online












Click here
3/6/2022 4:22 PM EST
Axad, Maarso, 6, 2022 (HOL) - Qaali Cali Shire ayaa ku guuleystay kursiga tirsigiisu yahay Hop-060 ee golaha shacabka Soomaaliya, kaas oo caawa doorashadiisu ka qabsoontay magaalada Gaalkacyo.

3/6/2022 9:58 AM EST
Axad, Maarso, 6, 2022 (HOL) - Madaxweynaha muddo xileedkiisa dhamaaday ee dowladda Soomaaliya Maxamed Cabdullaahi Farmaajo oo si diiran loogu soo dhaweeyey Golaha Amiirka dowladda Qatar ayaa halkaas kulan kula yeeshay Amiirka dalkaas Sheekh Tamiim Binu Xamad Al Thaani.

3/6/2022 6:43 AM EST
Axad, Maarso, 6, 2022 (HOL) - Madaxweynihii hore Koonfur Galbeed, Shariif Xasan Sheikh Aadan ayaa wax uusan filayn ku tillmaamay in laga celiyo magaalada Baydhabo. Isagoo ku eedeeyay madaxweynaha Koonfur Galbeed inuu qaadayo tallaabooyin laga dhaxli karo cawaaqib xumo aad u fog.

3/6/2022 2:12 AM EST
Axad, Maarso, 6, 2022 (HOL) - Madaxweynihii hore ee maamulka Koonfur Galbeed Shariif Xasan Sheekh Aadan, ayaa saakay laga hor istaagay in uu ka duulo garoonka Aadan Cadde, isagoo ku wajahnaa magaalada Baydhabo

3/6/2022 1:57 AM EST
Axad, Maarso, 6, 2022 (HOL) - Waxaa Maanta lagu wadaa in magaalada Gaalkacyo ee xarunta gobolka Mudug ay ka dhacdo doorashada 5 kursi oo ka mid ah kuraasta Golaha Shacabka ee deegaan doorashadoodu tahay magaalada Gaalkacyo.

3/6/2022 1:52 AM EST
Axad, Maarso, 6, 2022 (HOL) - Xukuumada Somaliland ayaa ka dayrinaysa tirrada kufsiyada oo si xawli ah u kordhaysa, iyadoo muddo 2 bilood gudaheed ah 17 kufsi dhaceen.

3/6/2022 1:24 AM EST
Axad, Maarso, 6, 2022 (HOL) - Howlgalka Midowga Afrika ee Soomaaliya (AMISOM) ayaa lagu wadaa in uu ku ekaado bishan ka dib muddo 15 sano ah oo si aan kala joogsi lahayn uu howlgalkan uga shaqeynayay Soomaaliya.

3/6/2022 12:49 AM EST
Axad, Maarso, 6, 2022 (HOL) - Warar dheeraad ah ayaa kasoo baxaya kulan xalay magaalada Baledweyne ku dhexmaray madaxda maamulka Hirshabeelle oo kala ahaa madaxweynaha, ku xigeenkiisa iyo Musharixiinta u taagan u tartamida 11 kursi oo lagu wado in dhawaan lagu doorto magaalada Beledweyne.

3/6/2022 12:38 AM EST
Axad, Maarso, 6, 2022 (HOL) - Maamulka gobolka Gedo ayaa diiday guddigii uu raysal wasaaruhu usoo magacaabay kasoo talo bixinta xaaladda magaalada Garbahaareey, oo ah deegaan doorashada labaad ee Jubbaland.