3/29/2024
Today from Hiiraan Online:  _
Wararka Maanta- Axad, Jun 26, 2022
Raysal wasaare Xamse: Madaxweynaha waan is khilaafi karnaa, laakiin waxaan heli karnaa hab aan ku xallin karno
 

Axad, Juun, 26, 2022 (HOL) - Raysal wasaaraha Soomaaliya, Xamse Cabdi Barre oo shalay xasaanad ka helay barlamaanka Soomaaliya, ayaa markii ugu horeysay ka hadlay suurtagalnimada in khilaaf dhexmari karo isaga iyo madaxweynaha, si lamid ah madaxdii dowladdihii ka horeeyay.

Raysal wasaare Xamse oo wareysigii ugu horreeyay siiyay VOA Somali, waxa uu sheegay inuu aaminsan yahay, in isaga iyo madaxweynuhu is khilaafi karaan, yeellana karaan aragtiyo kala duwan.

Raysal wasaaraha wuxuu sheegay in loo baahan yahay, in khilaaf kasta oo yimaada lagu xallin karo hab farsamo. Wuxuuse rajo weyn ka muujiyay inay madaxweynaha si dhow u wada shaqayndoonaan.

Wuxuu sheegay inuu soo dhisidoono xukuumad awood u leh fulinta ajendayaasha waawayn ee dowladda horyaala. Wuxuu tilmaamay inuu xukuumadaas usoo xulandoono cid walba oo leh, hufnaan, aqoon iyo karti.

Wuxuu iska fogeeyay in xukuumadiisu kaliya ka imaandoonto ururkooda UPD ee uu madaxweyne Xasan Sheikh Maxamuud guddoomiyaha ka yahay.

Abdiweli M. Sheikh, Hiiraan Online
[email protected]












Click here
6/26/2022 4:17 PM EST
Axad, Juun, 26, 2022 (HOL) - Wasiirka maaliyadda Soomaaliya, Cabdiraxmaan Ducaale Bayle, ayaa sheegay inuu diyaar u yahay inuu iska difaaco su’aalo la xiriira arrimaha maaliyadda oo uga yimid xafiiska xeer ilaalinta.

6/26/2022 2:32 PM EST
Axad, Juun, 26, 2022 (HOL) - Ergayga madaxweynaha Soomaaliya u qaabilsan abaaraha, Cabdiraxmaan Cabdishakuur ayaa ku eedeeyay guddoonka labada aqal ee barlamaanka, inay hor taagan yihiin in qeyb kamid ah lacagtii laga aruriyay musharraxiinta madaxweynaha, laga bixiyo gurmadka abaaraha.

6/26/2022 8:21 AM EST
Axad, Juun, 26, 2022 (HOL) - Ganacsatada qaadka ee Somaliland , ayaa go'aan ku gaadhay in ay si buuxda u joojiyaan qaadkii ay Itoobiya ka soo iibsan jireen, kadib markii ay Oromadu qaaliyaysay.

6/26/2022 6:23 AM EST
Axad, Juun, 26, 2022 (HOL) - Raysal wasaare Xamse Cabdi Barre, ayaa sheegay inay dowladda Soomaaliya ka shaqeynayso tabo iyo siyaasado iskusoo dhoweynaya Soomaaliya iyo Somaliland.

6/26/2022 2:03 AM EST
Axad, Juun, 26, 2022 (HOL) - Madaxweynaha Somaliland Muuse Biixi Cabdi, ayaa dowlada Soomaaliya ugu baaqay in ay Somaliland ka garbaxdo, oo anay kaliya afmacaan kula hadal.

6/26/2022 1:53 AM EST
Axad, Juun, 26, 2022 (HOL) - Maamulka Puntland ayaa magaalada Bosaso kusoo dhoweeyay 17 muwaadiniin Soomaaliyeed ah, kuwaas oo muddo 12 sano ah dambiyo burcad baddeednimo ugu xirnaa dalka Cumaan.

6/26/2022 1:26 AM EST
Axad, Juun, 26, 2022 (HOL) - Madaxweynaha Somaliland Muuse Biixi Cabdi, ayaa sheegay in uu diyaar u yahay, in uu la hadlo oo uu dhagaysto mucaaradka.