8/18/2022
Today from Hiiraan Online:  _
Wararka Maanta- Khamiis, Jun 23, 2022
Ganacsade Soomaaliyeed oo lagu dilay dalka Koofur Afrika
 

Khamiis, Juun, 23, 2022 (HOL) - Burcad hubeysan oo u dhalatay dalka Koofur Afrika ayaa dil u geysatay Muwaadin Soomaaliyeed oo ka mid ahaa ganacsatada Soomaaliyeed ee ku noola dalkaasi.

Kooxda burcada oo bastoolado ku hubeysneyd ayaa toogasho ku dishay Allah u naxariistee Cabdi Sheekh Maxamed oo ka mid ahaa dhalinyarada Soomaaliyeed ee u ganacsi tagtay dalkaasi Koofur Afrika.

Dableyda hubeysneyd ayaa la sheegay  iney toogteen Marxuumka isagoo gaari Rooti ku wareejinayo Xaafadda Wesbank oo ka tirsan Magaalada Cape Town ee dalka Koofur Afrika.

Burcada ayaa dilka kadib la sheegay iney si deg deg ah uga baxsadeen goobta ay ku dileen Muwaadinka Soomaaliyeed, waxaana dilka kadib goobta gaaray sida caadada aheyd Booliiska Koofur afrika, kuwaas oo baaritaano ka sameeyay halka lagu dilay ganacsadaha Soomaaliyeed, hayeeshee baaritaankooda muusan kasoo bixin wax natiijo ah.

Dilka iyo beegsiga lagu haayo ganacsatada Soomaaliyeed ee ku nool dalka Koofur Afrika ayaa dhowrkii todobaad ee lasoo dhaafay si aad ah ugu soo badanaayay gudaha dalkaasi Koofur Afrika, waxaana  dowladda dalkaasi ay sheegta iney wax ka qabaneyso dhiibaatada dilalka ee loo geysto Soomaalida ku nool dalkeeda, hayeeshee ma muuqato ficil ay kaga dhabeynayaan wax ka qabashada dhibaatada lagu haayo muwaadininta Soomaaliyeed.

Jamaal Cali Cabdi, Hiiraan Online












Click here
6/23/2022 11:10 AM EST
Khamiis, Juun, 23, 2022 (HOL) - Sida Madaxtooyada Somaliland baahisay, madaxweynaha Somaliland Muuse Biixi Cabdi, ayaa kulan fogaan arag ah arrimaha doorashooyinka kala yeeshay 11 safiiro iyo dibulumaasiyiin reer Yurub ah.

6/23/2022 9:18 AM EST
Khamiis, Juun, 23, 2022 (HOL) - Gabadh lagu magacaabo Nimco Jaamac Xasan oo ah 16 sanno jir degan magaalada Caynaba ee Somaliland, ayaa sheegtay in ay kufsadeen askar booliis ah, waxayna dalbatay cadaalad.

6/23/2022 9:07 AM EST
Khamiis, Juun, 23, 2022 (HOL) - Ciidanka Booliiska Somaliland ee degmada Maxamed Mooge ee magaalada Hargaysa, ayaa gacanta ku dhigay 419 litir oo khamri ah, saddex eedaysane iyo baabuurkii lagu siday.

6/23/2022 7:39 AM EST
Khamiis, Juun, 23, 2022 (HOL) - Maleyshiyo beeleed is abaabulay ayaa xirtay waddada isku xirta magaalooyinka Garowe iyo Gaalkacyo ee Puntland, iyadoo halkaas ay haatan ku xaniban yihiin in ka badan 50 kamid ah gaadiidka xamuulka qaada.

6/23/2022 3:57 AM EST
Khamiis, Juun, 23, 2022 (HOL) - Ciidamada xoogga dalka Soomaaliyeed gaar ahaan ururka 5-aad ee guutada 16-aad ee Danab iyo ciidamada Hay'adda Sirdoonka iyo Nabadsugida Jubbaland ayaa howlgallo qorsheysan ka fuliyey deegaano ku yaala galbeedka magaalada Kismaayo oo ay ka mid yihiin Beerxaani, Qudus, Dharkeyn Urur, yaaq dabayl iyo Barjalla ee gobolka Jubbada hoose.

6/23/2022 3:42 AM EST
Khamiis, Juun, 23, 2022 (HOL) - Bangiga Adduunka ayaa ansixiyay 143 milyan oo doolar oo loogu talagalay si loogu caawiyo dadka nugul ee Soomaaliyeed si ay uga gudbaan xaaladaha abaarta iyo cunno yarida sii kordhaysa ee dalka oo dhan.

6/23/2022 3:36 AM EST
Khamiis, Juun, 23, 2022 (HOL) - Dalka Itoobiya dadkii loo qorsheeyay inay sannadkan xajka ka tagaan ayay dhibaato lasoo daristay, kaddib markii maamulka sare ee Arrimaha Islaamka ee Itoobiya ay dadkaasi u sheegeen inaan loo wada hayn lacag Dollar ah oo lasiiyo.

6/23/2022 1:42 AM EST
Khamiis, Juun, 23, 2022 (HOL) - Cabdiraxmaan Shirwac Aw-siciid (Laahoor) oo lagu sheegay inuu yahay hoggaamiyaha shakabad katirsan Alshabaab oo qaraxyada iyo dilalka qorshaysan ka geysan jiray Boosaaso, ayaa kasoo hadlay warbaahinta isagoo beeniyay dambiga loo haysto.

6/23/2022 1:36 AM EST
Khamiis, Juun, 23, 2022 (HOL) - Kulan ay yeesheen madaxweynaha Somaliland Muuse Biixi Cabdi iyo danjiraha faransiiska ee Kenya Aline Kuster-menager, ayaa lagaga wada hadlay, doorashooyinka, iskaashiga ganacsiga iyo wadahadalada Somaliland iyo Soomaaliya.