8/18/2022
Today from Hiiraan Online:  _
Wararka Maanta- Khamiis, Jun 23, 2022
Puntland: Maleyshiyo beeleed xirtay waddada xiriirisa Gaalkacyo iyo Garowe
 

Khamiis, Juun, 23, 2022 (HOL) - Maleyshiyo beeleed is abaabulay ayaa xirtay waddada isku xirta magaalooyinka Garowe iyo Gaalkacyo ee Puntland, iyadoo halkaas ay haatan ku xaniban yihiin in ka badan 50 kamid ah gaadiidka xamuulka qaada.

Waddadan ayaa ah mid halbowle oo ay maalin walba isticmaalaan gaadiidka ka yimaada magaalada Bosaso ee u raran gobolada koonfurta iyo kuwa ka yimaada Koonfurta ee xoolaha iyo khudaarta usoo qaada deegaannada Puntland.

Xogo aan helnay waxay sheegayaan in maleyshiyada waddada xiratay ay ka gadoodsan yihiin in maamulka Puntland uusan magdhow ka bixin dhaawicii loo geystay nabadoon Yaasiin Cabdisamad oo ku dhaawacmay iska hor imaad labo bil kahor ka dhacay Gaalkacyo.

Madaxweyne ku xigeenka Puntland oo guddi u  saaray dhacdadan lagu dhaawacay nabadoonka iyo taliye ku xigeenka booliiska gobolka Mudug, ayaa baaris ay sameeyeen kadib, waxay masuuliyadda khasaaraha iska hor imaadka dusha ka saareen ciidamadii Booliiska.

Guddigan ayaa madaxweyne ku xigeenka waxay usoo gudbiyeen natiijada baarista, wuxuuna madaxweyne ku xigeenku usii gudbiyay madaxweyne Deni oo xilligaas ku sugnaa magaalada Muqdisho.

Khilaafka labada masuul oo xilligaas taagnaa ayaa sababtay in arrintaan ay dhinacna u dhaqaaqi weydo, taasoo keentay in maleyshiyo ku hayb ah nabadoonka ay bilaabaan inay waddooyinka xirtaan, si maamulka Puntland uu go’aan uga soo saaro arrintaan.

Abdisalan Nur Dirie, Hiiraan Online
[email protected]












Click here
6/23/2022 11:10 AM EST
Khamiis, Juun, 23, 2022 (HOL) - Sida Madaxtooyada Somaliland baahisay, madaxweynaha Somaliland Muuse Biixi Cabdi, ayaa kulan fogaan arag ah arrimaha doorashooyinka kala yeeshay 11 safiiro iyo dibulumaasiyiin reer Yurub ah.

6/23/2022 9:31 AM EST
Khamiis, Juun, 23, 2022 (HOL) - Burcad hubeysan oo u dhalatay dalka Koofur Afrika ayaa dil u geysatay Muwaadin Soomaaliyeed oo ka mid ahaa ganacsatada Soomaaliyeed ee ku noola dalkaasi.

6/23/2022 9:18 AM EST
Khamiis, Juun, 23, 2022 (HOL) - Gabadh lagu magacaabo Nimco Jaamac Xasan oo ah 16 sanno jir degan magaalada Caynaba ee Somaliland, ayaa sheegtay in ay kufsadeen askar booliis ah, waxayna dalbatay cadaalad.

6/23/2022 9:07 AM EST
Khamiis, Juun, 23, 2022 (HOL) - Ciidanka Booliiska Somaliland ee degmada Maxamed Mooge ee magaalada Hargaysa, ayaa gacanta ku dhigay 419 litir oo khamri ah, saddex eedaysane iyo baabuurkii lagu siday.

6/23/2022 3:57 AM EST
Khamiis, Juun, 23, 2022 (HOL) - Ciidamada xoogga dalka Soomaaliyeed gaar ahaan ururka 5-aad ee guutada 16-aad ee Danab iyo ciidamada Hay'adda Sirdoonka iyo Nabadsugida Jubbaland ayaa howlgallo qorsheysan ka fuliyey deegaano ku yaala galbeedka magaalada Kismaayo oo ay ka mid yihiin Beerxaani, Qudus, Dharkeyn Urur, yaaq dabayl iyo Barjalla ee gobolka Jubbada hoose.

6/23/2022 3:42 AM EST
Khamiis, Juun, 23, 2022 (HOL) - Bangiga Adduunka ayaa ansixiyay 143 milyan oo doolar oo loogu talagalay si loogu caawiyo dadka nugul ee Soomaaliyeed si ay uga gudbaan xaaladaha abaarta iyo cunno yarida sii kordhaysa ee dalka oo dhan.

6/23/2022 3:36 AM EST
Khamiis, Juun, 23, 2022 (HOL) - Dalka Itoobiya dadkii loo qorsheeyay inay sannadkan xajka ka tagaan ayay dhibaato lasoo daristay, kaddib markii maamulka sare ee Arrimaha Islaamka ee Itoobiya ay dadkaasi u sheegeen inaan loo wada hayn lacag Dollar ah oo lasiiyo.

6/23/2022 1:42 AM EST
Khamiis, Juun, 23, 2022 (HOL) - Cabdiraxmaan Shirwac Aw-siciid (Laahoor) oo lagu sheegay inuu yahay hoggaamiyaha shakabad katirsan Alshabaab oo qaraxyada iyo dilalka qorshaysan ka geysan jiray Boosaaso, ayaa kasoo hadlay warbaahinta isagoo beeniyay dambiga loo haysto.

6/23/2022 1:36 AM EST
Khamiis, Juun, 23, 2022 (HOL) - Kulan ay yeesheen madaxweynaha Somaliland Muuse Biixi Cabdi iyo danjiraha faransiiska ee Kenya Aline Kuster-menager, ayaa lagaga wada hadlay, doorashooyinka, iskaashiga ganacsiga iyo wadahadalada Somaliland iyo Soomaaliya.