3/28/2024
Today from Hiiraan Online:  _
Wararka Maanta- Sabti, Jun 18, 2022
Xisbiga Waddani oo lagu eedeeyay in uu haysto ciidamo sharci daro ah
 

Sabti, Juun, 18, 2022 (HOL) - Ciidanka Booliiska Somaliland, ayaa musharaxa madaxweynaha xisbiga mucaaradka Somaliland ee Waddani Cabdiraxmaan Maxamed Cabdillahi Cirro, ku eedeeyay in uu haysto ilaalo aan ciidan ahayn.

Warsaxafadeed kasoo baxday Ciidanka Booliiska Somaliland, ayaa lagu sheegay in musharax Cirro, uu haysto ciidamo sharci daro ah, oo aan ka diwaan gashanayn xarunta ciidanka booliiska iyo ciidamada kale midna, ciidankaasi oo ah dad shicib ah oo labis ciidan sita, isla markaana howlgalo sameeya.

"Ciidanka boolisku waxay ka war hayaan in todobadkii u dambeeyay ay guriga musharaxu daganyahay ku soo ururiyeen dad shicib ah oo si sharci daro ah u hubaysan, kuwaas oo habenkii ka dhinac qabta shaqo la mid ah shaqada ay ciidanku ka hayaan gurigaas joojiyana dadka shicibka ah,  baadhana baabuurta mararka qarkoodna rida rasaas dhamaantoodna ku labisan direys tuute ah".

Ciidanka ayaa digniin u diray musharax Cirro, waxayna sheegeen in hadii uu joojin waayo ay noqonayso khayaamo qaran, waxayna ugu baaqeen in musharaxu uu iska fogeeyo cidkasta oo sifo sharci daro ah ku hubaysan, madaama uu haysto ciidan sharci ah oo amaankiisa sugaya.

"Haday sii socotana noqonaya dambi khiyaamo qaran, sida ku cad qodobka 221 ee xeerka ciqaabta guud, sidaa darteed waxaanu uga digaynaa musharaxa xisbiga Waddani iyo cid kasta oo arintaa ku hawlan in ay iska fogayso dadka sharci darada ku hubaysan iyago haysta ciidamadii qaranka ee amnigooda sugaayay"

Booliiska ayaa sheegay in musharax Cirro uu haysto ciidan sharci ah oo amaankiisa sugaya, sida darteedna ay dacwada arrintan u gudbin doonaan hay'adaha ku sharciga leh iyo xeer ilaalinta.

Abdilahi Geel-maal, Hiiraan Online
[email protected]












Click here
6/18/2022 10:04 AM EST
Sabti, Juun, 18, 2022 (HOL) - Waxaa Maanta magaalada Muqdisho kulan ku yeeshay guddiga shirkadaha diyaaradaha ka howlgala gobolada dalka Soomaaliya ee ku mideysan Ururka AOA, kuwaas oo warsaxafadeed kasoo saaray caqabado kasoo cusboonaaday qeybo ka mid ah garoomada diyaaradaha ee ku yaala gobolada dalka Soomaaliya.

6/18/2022 8:07 AM EST
Sabti, Juun, 18, 2022 (HOL) - Dad aan haybtooda la aqoonsan ayaa dab qabadsiiyay afaafka hore ee guriga uu magaalada Hargaysa ka daganyahay, xogeeyaha guud ee xisbiga mucaaradka Somaliland ee Waddani Khadar Xuseen Cabdi.

6/18/2022 6:12 AM EST
Sabti, Juun, 18, 2022 (HOL) - Kooxo bastoolado ku hubeysan ayaa Maanta ku dilay gudaha degmada Afgooye ee gobolka Sh/hoose Kormeerahii guud ee Wasaaradda Waxbarashada gobolka Sh/hoose ee maamulka Koonfur Galbeed Soomaaliya.

6/18/2022 5:02 AM EST
Sabti, Juun, 18, 2022 (HOL) - Ra'iisul Wasaare Maxamed Xuseen Rooble ayaa daah-furay imtixaanka shahaadiga ah ee dugsiyada sare oo maanta si rasmi ah uga bilaabmay qaar kamid ah gobollada dalka.

6/18/2022 4:40 AM EST
Sabti, Juun, 18, 2022 (HOL) - Madaxweynaha Soomaaliya Xasan Sheikh Maxamuud iyo madaxda Bankiga Adduunka ayaa ka wada hadlay xoojinta wada shaqeynta ka dhaxeysa hay’addaha deymaha bixiya iyo madaxda federaalka Soomaaliya.

6/18/2022 4:17 AM EST
Sabti, Juun, 18, 2022 (HOL) - Madaxwaynaha dowlad degaanka Soomaalida Mustafe cagjar oo waraysi siiyay Warbaahinta ayaa si guud uga warbixiyay xaaladda galbeedka gobolka Sitti, iyo waxay salka ku hayso colaadda aan xalkeeda la helin ee Soomaalida iyo Canfarta.

6/18/2022 1:35 AM EST
Sabti, Juun, 18, 2022 (HOL) - Puntland ayaa ku eedeysay hay’addaha qaramada Midoobay iyo kuwa kale ee samafalka inay faafiyeen digiin hubanti la’aan ah oo ku saabsan khatar amni oo Alshabaab la maleegayaan Garowe.

6/18/2022 12:55 AM EST
Sabti, Juun, 18, 2022 (HOL) - Maraakiibta Spain iyo Faransiiska ee dhawaan lagu helay iyagoo si sharci darro ah uga kalluumeysanayay badweynta Hindiya ayaa lagu daray liiska madow kaddib markii Hay'ada Blue Marine ay Kashiftay Boobka ay wadeen Maraakiibta labadan waddan.

6/18/2022 12:51 AM EST
Sabti, Juun, 18, 2022 (HOL) - Xukuumadda degaanka Soomaalida ayaa go'aansatay in shacabka beeralayda ah ee degaanka Soomaalida ay ka guuraan qaabkii hore ee ay beeraha u falan jireen una guuraan qaab casri ah, iyadoo sidoo kale shacabka ku dhiirigalisay inay dhulka wax kala soo baxaan si looga kaaftoomo cuntada dibadda ka imaanaysa.