9/24/2022
Today from Hiiraan Online:  _
Wararka Maanta- Sabti, Jun 18, 2022
Puntland oo ku eedeysay hay'addaha Qaramada Midoobay inay faafiyeen digniin amni oo hubanti la'aan ah
 

Sabti, Juun, 18, 2022 (HOL) - Puntland ayaa ku eedeysay hay’addaha qaramada Midoobay iyo kuwa kale ee samafalka inay faafiyeen digiin hubanti la’aan ah oo ku saabsan khatar amni oo Alshabaab la maleegayaan Garowe.

Afhayeenka ciiddanka Booliiska Puntland, G/sare Xasan Cabdullaahi Maxamed ayaa wax laga xumaado ku tilmaamay in hay’adduhu iyagoo aan macluumaad la wadaagin laamaha amniga ay fasaxaan shaqaalahooda sababo amni awgeed.

“Hay’addaha ciddii xog haysa waxaa loo baahan yahay inay la wadaagto laamaha amniga. Ma ahan Alarm inta la yeersho, shaqaalaha iyo dadka la kala diro oo la yiraahdo amni darraa jirtee guryihiiina kusoo shaqeeya. Arrintaas waan ka xunnahay,” ayuu yiri afhayeenka ciiddanka Booliiska.

Afhayeenku wuxuu sheegay in amniga Garowe uu caadi yahay islamarkaana ciidamada amnigu ay wadaan hubinta digniinta amni ee ay hay’adduhu soo saareen, wuxuuna ugu baaqay in shaqaalaha la kala diray dib shaqadooda loogusoo celiyo.

Tan iyo markii hay’adduhu soo saareen digniintan, waxaa magaalada Garowe ka bilowday howlgal xooggan oo baaris ah, iyadoo laamaha amnigu ay xoojiyeen amniga magaalada Garowe.

Digniinta ay direen hay’addaha Qaramada Midoobay ayaa kusoo aaday iyadoo habeen hore magaalada Gaalkacyo lagu dilay nabadoon Punland kasoo jeeda oo arrimaha nabada ka shaqeyn jiray.

Abdiweli M. Sheikh, Hiiraan Online
[email protected]












Click here
6/18/2022 4:28 PM EST
Sabti, Juun, 18, 2022 (HOL) - Ciidanka Booliiska Somaliland, ayaa musharaxa madaxweynaha xisbiga mucaaradka Somaliland ee Waddani Cabdiraxmaan Maxamed Cabdillahi Cirro, ku eedeeyay in uu haysto ilaalo aan ciidan ahayn.

6/18/2022 10:04 AM EST
Sabti, Juun, 18, 2022 (HOL) - Waxaa Maanta magaalada Muqdisho kulan ku yeeshay guddiga shirkadaha diyaaradaha ka howlgala gobolada dalka Soomaaliya ee ku mideysan Ururka AOA, kuwaas oo warsaxafadeed kasoo saaray caqabado kasoo cusboonaaday qeybo ka mid ah garoomada diyaaradaha ee ku yaala gobolada dalka Soomaaliya.

6/18/2022 8:07 AM EST
Sabti, Juun, 18, 2022 (HOL) - Dad aan haybtooda la aqoonsan ayaa dab qabadsiiyay afaafka hore ee guriga uu magaalada Hargaysa ka daganyahay, xogeeyaha guud ee xisbiga mucaaradka Somaliland ee Waddani Khadar Xuseen Cabdi.

6/18/2022 6:12 AM EST
Sabti, Juun, 18, 2022 (HOL) - Kooxo bastoolado ku hubeysan ayaa Maanta ku dilay gudaha degmada Afgooye ee gobolka Sh/hoose Kormeerahii guud ee Wasaaradda Waxbarashada gobolka Sh/hoose ee maamulka Koonfur Galbeed Soomaaliya.

6/18/2022 5:02 AM EST
Sabti, Juun, 18, 2022 (HOL) - Ra'iisul Wasaare Maxamed Xuseen Rooble ayaa daah-furay imtixaanka shahaadiga ah ee dugsiyada sare oo maanta si rasmi ah uga bilaabmay qaar kamid ah gobollada dalka.

6/18/2022 4:40 AM EST
Sabti, Juun, 18, 2022 (HOL) - Madaxweynaha Soomaaliya Xasan Sheikh Maxamuud iyo madaxda Bankiga Adduunka ayaa ka wada hadlay xoojinta wada shaqeynta ka dhaxeysa hay’addaha deymaha bixiya iyo madaxda federaalka Soomaaliya.

6/18/2022 4:17 AM EST
Sabti, Juun, 18, 2022 (HOL) - Madaxwaynaha dowlad degaanka Soomaalida Mustafe cagjar oo waraysi siiyay Warbaahinta ayaa si guud uga warbixiyay xaaladda galbeedka gobolka Sitti, iyo waxay salka ku hayso colaadda aan xalkeeda la helin ee Soomaalida iyo Canfarta.

6/18/2022 12:55 AM EST
Sabti, Juun, 18, 2022 (HOL) - Maraakiibta Spain iyo Faransiiska ee dhawaan lagu helay iyagoo si sharci darro ah uga kalluumeysanayay badweynta Hindiya ayaa lagu daray liiska madow kaddib markii Hay'ada Blue Marine ay Kashiftay Boobka ay wadeen Maraakiibta labadan waddan.

6/18/2022 12:51 AM EST
Sabti, Juun, 18, 2022 (HOL) - Xukuumadda degaanka Soomaalida ayaa go'aansatay in shacabka beeralayda ah ee degaanka Soomaalida ay ka guuraan qaabkii hore ee ay beeraha u falan jireen una guuraan qaab casri ah, iyadoo sidoo kale shacabka ku dhiirigalisay inay dhulka wax kala soo baxaan si looga kaaftoomo cuntada dibadda ka imaanaysa.